హైదరాబాద్‌లో (Hyderabad) ఉన్నటువంటి అద్భుతమైన పర్యాటక ప్రదేశాల్లో సికింద్రాబాద్‌ బొల్లారంలోని (Bollaram) రాష్ట్రపతి నిలయం (Rashtrapati nilayam) ఒకటి. ఈ రాష్ట్రప్రతి భవన్‌ను చూడటానికి సాధారణ ప్రజలకు అన్నిసార్లు అవకాశం ఉండదు. దీంతో అధికారులు అవకాశం ఇచ్చినప్పుడు మాత్రం చూసేందుకు నగరవాసులే కాకుండా రాష్ట్ర నలుమూలల నుంచి వస్తుంటారు. తాజాగా.. ఆ అవకాశం మరోసారి వచ్చింది. రాష్ట్రపతి నిలయం మార్చి 22న ఉగాది (Ugadi) పండుగను పురస్కరించుకొని రాష్ట్రపతి నిలయంను తెరవనున్నారు. ఆరోజు నుంచి సంవత్సరం మొత్తం ప్రజలు సందర్మించే అవకాశం కల్పించారు. అయితే ప్రతి ఏడాది రాష్ట్రపతి విడిది ముగిసిన అనంతరం 15 రోజుల పాటు ప్రజలకు సందర్మించే అవకాశం కల్పించారు.
చదవండి : తెలుగు రాష్ట్రాల్లో కల్తీ పాలు, మాంసం..షాకైన అధికారులు
కానీ ఈ వార‌స‌త్వ సంప‌ద‌ను, అంద‌మైన గార్డెన్‌ను ప్రజలకు అందుబాటులో ఉంచేందుకు ఈ నిర్ణ‌యం తీసుకున్న‌ట్లు అధికారులు వెల్ల‌డించారు.ఈ నేప‌థ్యంలో ఉగాది ప‌ర్వ‌దినాన రాష్ట్రపతి ద్రౌప‌ది ముర్ము(President Draupadi Murmu) వీడియో కాన్ఫ‌రెన్స్ ద్వారా ప్రారంభించ‌నున్నారు. ఇక రాష్ట్రపతి నిలయంను సంద‌ర్శించాల‌నుకునే వారు మార్చి 14వ తేదీ నుంచి రాష్ట్రపతి నిలయం వెబ్‌సైట్‌లో టికెట్లు బుక్ చేసుకోవ‌చ్చు. రిజిస్ట్రేష‌న్ ఛార్జీల‌ను భార‌తీయుల‌కు ఒక్క‌రికి రూ. 50 గా, విదేశీయుల‌కు రూ. 250గా నిర్ణ‌యించారు. సోమ‌వారం, ప్ర‌భుత్వ సెల‌వు దినాల్లో తెర‌వ‌రు. మిగ‌తా రోజుల్లో ఉద‌యం 10 నుంచి సాయంత్రం 5 గంట‌ల వ‌ర‌కు తెరిచి ఉంచ‌నున్నారు. సాయంత్రం 4 గంట‌ల వ‌ర‌కే సంద‌ర్శ‌కుల‌కు అనుమ‌తి ఉంటుంది.
చదవండి : నవీన్ హత్య కేసులో సంచలనం.. అమ్మాయి అరెస్ట్
