ఎట్టకేలకు.. ఎన్టీఆర్ 30 హీరోయిన్‌ను ఫిక్స్ చేసేశారు. ఈ సినిమా అనౌన్స్ అయినప్పటి నుంచి.. ఫలానా హీరోయిన్ నటిస్తుందనే ప్రచారం జరుగుతునే ఉంది. ఎంతోమంది ముద్దుగుమ్మల పేర్లు వినిపించాయి. కానీ కొరటాల నుంచి మాత్రం అధికారిక ప్రకటన రాలేదు. దాంతో యంగ్ టైగర్‌తో ఎవరు రొమాన్స్ చేయబోతున్నారనేది సస్పెన్స్‌గా మారింది. అయితే ఫైనల్‌గా అతిలోక సుందర శ్రీదేవి కూతురు జాన్వీ కపూర్‌ను ఫైనల్ చేశారు. మార్చి 6న జాన్వీ బర్త్ డే సందర్భంగా సాలిడ్ పోస్టర్‌తో అనౌన్స్ చేశారు. ఇందులో లంగాఓణిలో అచ్చు తెలుగమ్మాయిలా కనిపిస్తోంది జాన్వీకపూర్. బ్యాక్‌గ్రౌండ్‌లో సముద్రం, అలలు జాన్వీని మరింత అందంగా కనిపించేలా చేస్తున్నాయి. దీంతో ఈ సినిమా సముద్రం బ్యాక్ డ్రాప్‌లోనే తెరకెక్కుతోందని.. మరోసారి క్లారిటీ ఇచ్చినట్టే. ఇక.. చాలా కాలంగా టలీవుడ్ ఎంట్రీ కోసం ఎదురు చూస్తున్న జాన్వీ.. ఇన్నాళ్లకు తారక్‌తో బంపర్ ఆఫర్ కొట్టేసింది. అది కూడా తన ఫేవరేట్ హీరోతో ఛాన్స్ అందుకుంది. ఎన్టీఆర్ అంటే తనకి చాలా ఇష్టం అని, అతినతో నటించడం డ్రీమ్ అని.. గతంలో ఎన్నోసార్లు చెప్పింది జాన్వీ. అందుకే తనకిష్టమైన హీరోతో నటించడానికి ఎదురు చూస్తున్నానని.. ఇన్‌స్టాలో ఎగ్జైటింగ్ పోస్ట్ చేసింది. ఇక యంగ్ టైగర్‌తో ఛాన్స్ అందుకోవడంతో.. జాన్వీ పేరు సోషల్ మీడియాలో మార్మోగిపోతోంది. ఇకపోతే.. మార్చి 12న ఆస్కార్ ఈవెంట్ కోసం అమెరికాకి వెళ్లాడు ఎన్టీఆర్. తిరిగి రాగానే ఎన్టీఆర్ 30 షూటింగ్‌ను మొదలు పెట్టబోతున్నారు. ఈ సినిమాను యువసుధ ఆర్ట్స్, ఎన్టీఆర్ ఆర్ట్స్ బ్యానర్‌లు సంయుక్తంగా నిర్మిస్తున్నాయి. ఆచార్య తర్వాత.. ఎన్టీఆర్ 30తో సాలిడ్ బౌన్స్ బ్యాక్ అయ్యేందుకు రెడీ అవుతున్నాడు కొరటాల శివ. ఏదేమైనా.. హీరోయిన్ విషయంలో మాత్రం క్లారిటీ వచ్చేసిందనే చెప్పాలి.
