Nirbhay cruise missile: డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (DRDO) స్వదేశీ ఇంజన్‌తో నిర్భయ్ ITCM క్రూయిజ్ క్షిపణిని గురువారం విజయవంతంగా పరీక్షించింది. ఒడిశాలోని చండీపూర్ ఇంటిగ్రేటెడ్ టెస్టింగ్ రేంజ్ నుంచి ఈ మిస్సైల్ ప్రయోగం జరిగింది. ఈ లాంగ్ రేంజ్ సబ్ సోనిక్ క్రూయిజ్ పరీక్ష సమయంలో మిస్సైల్‌లోని అన్ని వ్యవస్థల్ని ట్రాక్ చేసి, సక్రమంగా పనిచేసినట్లు రక్షణ మంత్రిత్వశాఖ ఓ ప్రకటనలో పేర్కొంది. ఈ క్షిపణిలో స్వదేశీ ఇంజిన్‌ను అమర్చడం ద్వారా దాని బలం మరింత పెరిగింది. ఈ సమయంలో క్షిపణి మార్గాన్ని రేంజ్ సెన్సార్లు, ఎలక్ట్రో-ఆప్టికల్ ట్రాకింగ్ సిస్టమ్, టెలిమెట్రీ కీల ద్వారా ట్రాక్ చేశారు. క్షిపణి విమానాన్ని వైమానిక దళం సుఖోయ్ SU-30-MK-1 ఫైటర్ జెట్ కూడా ట్రాక్ చేసింది. క్షిపణి పరీక్ష అన్ని ప్రమాణాలకు అనుగుణంగా సముద్రం మీదుగా ఎగురుతూ ప్రదర్శించింది.
చదవండి:Dubai: దుబాయ్‌లో చిక్కుకున్న భారతీయుల కోసం హెల్ప్‌లైన్ నంబర్లు
పరీక్ష సమయంలో నిర్భయ్ క్షిపణి గంటకు 864 కిలోమీటర్ల నుంచి 1111 కిలోమీటర్ల వేగాన్ని అందుకుంది. ఈ క్షిపణికి టెర్రైన్ హగ్గింగ్ సామర్ధ్యం కూడా ఉంది. దీన్ని లక్ష్యంగా చేసుకోవడం వలన డిసేబుల్ చేయడం చాలా కష్టమవుతుంది. ఇది రెండు దశల క్షిపణి. మొదటి దశలో ఘన ఇంధనాన్ని, రెండో దశలో ద్రవ ఇంధనాన్ని ఉపయోగిస్తారు. ఈ క్షిపణి 300 కిలోల సంప్రదాయ ఆయుధాలను మోసుకెళ్లగలదు. గరిష్ట పరిధి 1500 కి.మీ. ఇది కనీసం 50 మీటర్ల ఎత్తులో .. భూమి నుండి 4 కిలోమీటర్ల వరకు ఎగురుతూ లక్ష్యాన్ని ధ్వంసం చేయగలదు. దారిలో తన దిశను మార్చుకునే వ్యవస్థ ఉంది. అంటే కదిలే లక్ష్యాలను కూడా నాశనం చేయగలదు.
చదవండి:West Bengal: ఈ గ్రామంలో అందరి పేర్లు రామనే ఎందుకో అంత స్పెషల్?
దీనిని సముద్రం, భూమి ఆధారిత క్షిపణి లాంచర్ల నుండి ప్రయోగించవచ్చు. ఈ క్షిపణులను సైన్యంలోకి చేర్చిన తర్వాత చైనాతో LAC సరిహద్దులో మోహరించాలని భావిస్తున్నారు. నిర్భయ్ 6 మీటర్ల పొడవు , 0.52 మీటర్ల వెడల్పు. దీని రెక్కలు 2.7 మీటర్లు. శత్రు లక్ష్యాన్ని ధ్వంసం చేసే ముందు చిత్రాన్ని, వీడియో తీసి కంట్రోల్ రూమ్‌కు పంపే సాంకేతికత ఈ క్షిపణిలో ఉందని చెబుతున్నారు. ఈ క్షిపణిలో స్వదేశీ మానిక్ టర్బోఫాన్ ఇంజన్‌ని ఉపయోగించారు. ఐటీసీఎం పరీక్షలో విజయం సాధించినందుకు రక్షణ మంత్రి రాజ్‌నాథ్ సింగ్ డీఆర్‌డీవోను అభినందించారు.
