ఐపీఎల్ 2023(ipl 2023)లో భాగంగా శుక్రవారం రాజస్థాన్ రాయల్స్(RR)తో చెన్నై సూపర్ కింగ్స్ తో తలపడిన విషయం తెలిసిందే. ఈ మ్యాచ్ లో చెన్నై ఆటగాడు మతీషా పతీరానా పై ధోనీ కోపంతో అరిచేశాడు. ధోనీకి అంత కోపం రావడం అందరినీ విస్మయానికి గురి చేసింది. రాజస్థాన్ రాయల్స్ ఇన్నింగ్స్‌లోని 16వ ఓవర్‌లో ధోని షిమ్రాన్ హెట్‌మెయర్‌ను స్టంప్‌ల వెనుక నుండి రనౌట్ చేసే అవకాశం ఉంది.
కానీ పతిరానా తన మార్గంలో ముందు నిలబడి ఉండటంతో అతను త్రోను పూర్తి చేయలేకపోయాడు. దీంతో కోపం వచ్చిన ధోని(Dhoni) పతీరానాపై అరిచేశాడు. దీనికి సంబంధించిన వీడియో నెట్టింట వైరల్(viral)గా మారింది. శ్రీలంకకి చెందిన పతిరనకి ఇదే తొలి ఐపీఎల్ సీజన్‌కాగా.. లసిత్ మలింగ తరహాలో అతని బౌలింగ్ యాక్షన్ ఉండటంతో అందరూ పతిరనని జూనియర్ మలింగ అని పిలుస్తున్నారు.
ఈ మ్యాచ్‌లో ఫస్ట్ బ్యాటింగ్ చేసిన రాజస్థాన్ రాయల్స్(RR) టీమ్ 5 వికెట్ల నష్టానికి 202 పరుగులు చేసింది. అనంతరం ఛేదనలో తడబడిన చెన్నై సూపర్ కింగ్స్(CSK) జట్టు 6 వికెట్ల నష్టానికి 170 పరుగులే చేయగలిగింది. ఐపీఎల్ 2023 సీజన్‌లో చెన్నై, రాజస్థాన్ జట్లు రెండు సార్లు తలపడగా.. రెండింటిలోనూ రాజస్థాన్ జట్టే గెలుపొందడం గమనార్హం.
ఇది కూడా చూడండి: Asia Record ట్విటర్ లో నంబర్ వన్ చెన్నై జట్టు.. తర్వాత ఎవరంటే..?
