President Droupadi Murmu : ఎప్పుడూ అధికారిక కార్యకలాపాలతో బిజీ బిజీగా ఉండే భారత రాష్ట్రపతి( President ) ద్రౌపది ముర్ము(Droupadi Murmu) ఉన్నట్లుండి టీచర్‌ అవతారం ఎత్తారు. ఢిల్లీలోని ఓ పాఠశాలలో పిల్లలకు సరదాగా పాఠాలు చెప్పారు. విద్యార్థులను ప్రశ్నలు అడిగి వారు ఏం చెబుతున్నదీ ఆసక్తిగా విన్నారు. ఈ అరుదైన ఘటన ఢిల్లీలోని ప్రెసిడెంట్స్‌ ఎస్టేట్‌లో ఉన్న డాక్టర్‌ రాజేంద్ర ప్రసాద్‌ కేంద్రీయ విద్యాలయంలో చోటు చేసుకుంది. గురువారం ఉదయం ముర్ము ఈ కేంద్రీయ విద్యాలయాన్ని సందర్శించారు.
చదవండి : అకౌంట్‌లో ఇంతకంటే ఎక్కువ జమ చేస్తే జరిమానాలే.. జర జాగ్రత్త!
ఈ సందర్భంగా ఆమె ఓ తరగతి గదిలోకి వెళ్లారు. విద్యార్థులకు మంచి విషయాలను చెప్పారు. పిల్లలను కొన్ని ప్రశ్నలు అడిగారు. పాఠశాలలో అందుతున్న విద్య, సౌకర్యాల గురించి వారిని అడిగి తెలుసుకున్నారు. ఇందుకు సంబంధించిన వీడియో నెట్‌లోకి రాగానే వైరల్‌గా మారింది. నెటిజన్లు సైతం ఈ వీడియోకి ఉత్సాహంగా కామెంట్లు రాశారు. ఈ విద్యార్థులు ఎంత అదృష్టవంతులో అని ఓ నెటిజన్‌ కామెంట్‌ పెట్టగా మరొకరు ‘గ్రేట్‌ ప్రెసిడెంట్‌’ అంటూ కామెంట్‌ చేశారు. మరింకెందు కాలస్యం? ఆ వీడియోపై మీరూ ఓ లేక్కేయండి.
చదవండి : కొత్త తరానికి అవకాశం ఇచ్చేందుకే బరి నుంచి తప్పుకున్నా : బైడెన్‌
#WATCH | President Droupadi Murmu assumes the role of teacher and interacts with students of Dr. Rajendra Prasad Kendriya Vidyalaya, Sch-B, President’s Estate in Delhi
(Source: DD News) pic.twitter.com/uvZPRI2nqx
— ANI (@ANI) July 25, 2024
