Group1 Prelims Results: తెలంగాణ గ్రూప్-1 ప్రిలిమ్స్ రిజల్స్ విడుదలయ్యాయి. మెయిన్స్కు ఎంపికైన అభ్యర్థుల జాబితాను అధికారిక వెబ్సైట్లో ఉంచారు. 1:50 రేషియోలో గ్రూప్-1 మెయిన్స్కి అభ్యర్థులను ఎంపిక చేసినట్లు తెలంగాణ పబ్లిక్ సర్వీస్ కమిషన్ వెల్లడించింది. మొత్తం 31,382 మంది అభ్యర్థులు మెయిన్స్కు అర్హత సాధించారు. ఫలితాలను https://www.tspsc.gov.in/ వెబ్ సైట్ లోకి వెళ్లి చూసుకోవచ్చు. దాంతో పాటు గ్రూప్ 1 ప్రిలిమ్స్ ఫైనల్ కీని కూడా పబ్లిక్ సర్వీస్ కమిషన్ విడుదల చేసింది. వెబ్ సైట్ లో ఫైనల్ కీ అందుబాటులో ఉంది. మెయిన్స్ ఎంపికైన వారి హాల్ టికెట్ల వివరాలతో కూడిన లిస్టు రిలీజ్ చేసింది. గత నెల 9వ తేదీన గ్రూప్ 1 ప్రిలిమ్స్ పరీక్ష జరిగిన సంగతి తెలిసిందే. ఈ ఎగ్జామ్ కు మొత్తం 3.02 లక్షల మందికిపైగా అభ్యర్థులు హాజరయ్యారు. అభ్యంతరాల స్వీకరణ తర్వాతే గ్రూప్ 1 ప్రిలిమ్స్ రిజల్ట్ ప్రకటించారు.
అక్టోబరులో మెయిన్స్ ఎగ్జామ్స్
గ్రూప్ 1 మెయిన్స్ పరీక్షల షెడ్యూల్ తెలంగాణ పబ్లిక్ సర్వీస్ కమిషన్ విడుదల చేసిన సంగతి తెలిసిందే. అక్టోబర్ 21 నుంచి 27 వరకు మెయిన్స్ నిర్వహించనున్నారు. గ్రూప్-1 మెయిన్స్ లో ఆరు పేపర్లు ఉంటాయి. ప్రతీ పేపర్ ను మూడు గంటల వ్యవధిలో 150 మార్కులకు నిర్వహిస్తారు. మెయిన్ పరీక్షలను ప్రతీ రోజు మధ్యాహ్నం 2.30 గంటల నుంచి సాయంత్రం 5.30 వరకు నిర్వహిస్తారు.
షెడ్యూల్ :
జనరల్ ఇంగ్లిష్(క్వాలిఫైయింగ్ పేపర్) – అక్టోబర్ 21, 2024.
పేపర్-I (జనరల్ ఎస్సే) -అక్టోబర్ 22, 2024.
పేపర్-II (చరిత్ర, సంస్కృతి, భూగోళశాస్త్రం) – అక్టోబర్ 23, 2024.
పేపర్ -III (ఇండియన్ సొసైటీ, రాజ్యాంగం, అడ్మినిస్ట్రేషన్) – అక్టోబర్ 24, 2024.
పేపర్ -IV (ఎకానమీ, డెవలప్మెంట్) – అక్టోబర్ 25, 2024.
పేపర్- V (సైన్స్ &సాంకేతికత, డేటా ఇన్టర్ప్రెటేషన్ ) – అక్టోబ్ 26, 2024.
పేపర్-VI (తెలంగాణ ఉద్యమం, రాష్ట్ర నిర్మాణం) – అక్టోబర్ 27, 2024.
గ్రూప్-1 మెయిన్స్ పరీక్షలను అక్టోబర్ 21 నుంచి 27 వరకు హైదరాబాద్‌లో నిర్వహించనున్నట్లు టీజీపీఎస్సీ కీలక ప్రకటన విడుదల చేసింది. మెయిన్స్ పరీక్షను ఇంగ్లిష్, తెలుగు, ఉర్దూ భాషల్లో నిర్వహిస్తారు. మెయిన్ పరీక్షలో జనరల్ ఇంగ్లిష్ తప్ప మిగిలిన పేపర్లను అభ్యర్థులు ఎంచుకున్న భాషల్లో రాయాలి. ఇంగ్లిష్ లో కొంత భాగం, తెలుగు లేదా ఉర్దూలో మిగిలిన భాగం రాసేందుకు వీలు లేదు.
