హైదరాబాద్ ఎంఎన్ జే క్యాన్సర్ ఆసుపత్రి (MN J Cancer Hospital) లోనే పిల్లల కోసం ప్రత్యేక పాఠశాల ఏర్పాటు చేయాలని సీఎం కేసీఆర్ అధికారులను ఆదేశించారు. సీఎం కేసీఆర్ (CM KCR) ఆలోచనకు తాము సహకారం అందిస్తామని ఎంఎన్ జే ఆసుపత్రి యాజమాన్యం కూడా సంసిద్ధత వ్యక్తం చేసింది. దీనిపై తెలంగాణ మంత్రి హరీశ్ రావు (Minister Harish Rao)స్పందించారు. అమ్మ, నాన్న క్యాన్సర్ చికిత్స కోసం ఆసుపత్రికి వెళితే, వారి వెంట వెళ్లే చిన్నారులు చదువుకు దూరం అవుతున్నారని వెల్లడించారు. దీనిపై మానవీయ కోణంలో ఆలోచించిన సీఎం కేసీఆర్… క్యాన్సర్(Cancer) బాధితులకు చికిత్సతో పాటు వారి పిల్లల చదువు కోసం అక్కడే ప్రత్యేక పాఠశాల ఏర్పాటు చేయాలని ఆదేశించారని హరీశ్ రావు తెలిపారు. ఎంఎన్ జే ఆసుపత్రిలో త్వరలో అందుబాటులోకి రానున్న ఈ పాఠశాల వల్ల విద్యార్థుల చదువు నిరాటంకంగా కొనసాగుతుందని హరీశ్ రావు అన్నారు. క్యాన్సర్ చికిత్స (Cancer treatment) సుదీర్ఘకాలం పాటు తీసుకోవాల్సి ఉంటుంది. క్యాన్సర్ బాధితులు ఎక్కువ రోజుల పాటు చికిత్స కోసం ఆసుపత్రులకు వెళ్లి వస్తుండాలి. కొన్నిసార్లు దంపతులు తమ పిల్లలతో కలిసి ఆసుపత్రిలోనే కొన్ని వారాల పాటు ఉండాల్సిన పరిస్థితి ఏర్పడుతుంది. దాంతో పిల్లల చదువు దెబ్బతింటోందని సీఎం మంచి నిర్ణయం తీసుకున్నారని మంత్రి తెలిపారు
చదవండి : చంద్రబాబు, పవన్ లపై మంత్రి అంబటి ధ్వజం
