Raja Singh Is My Favourite Leader: Boy
Raja Singh: తెలంగాణ అసెంబ్లీ ఎన్నికల్లో ప్రచారంలో నేతలు బిజీ బిజీ.. ఆయా నియోజకవర్గాల్లో యూట్యూబ్ చానెల్ ప్రతినిధులు రిపోర్టింగ్ చేస్తున్నారు. ఏ అభ్యర్థికి ఓటు వేస్తారు. అభివృద్ధి ఏం జరిగింది..? మీ ఫేవరేట్ లీడర్ ఎవరనే ప్రశ్నలు వేస్తున్నారు. జర్నలిస్ట్ తులసి చందు గోషామహల్ ఏరియాలో ఫీల్డ్‌లో తిరుగుతున్నారు.
చదవండి: Pranavను హుజురాబాద్ పంపింది కేసీఆరే.. ఈటల జమున సంచలన వ్యాఖ్యలు
కూరగాయాలు విక్రయించే ముస్లిం వ్యక్తి పిలిచి బెస్ట్ పొలిటికల్ లీడర్ ఎవరని ప్రశ్నించారు. దానికి ఆయన ఆ, ఊ అంటూ తుడుముకుంటుండగా.. ఓ పిల్లాడు బదులిచ్చాడు. రాజా సింగ్ (Raja Singh) అని ఆన్సర్ చేశాడు. దీంతో ఆ మహిళ రిపోర్టర్ కుర్రాడి వైపు తిరిగి.. ఎందుకు అని అడిగారు. రాజా సింగ్ అఖండ్ హిందూ.. అని చెప్పారు. అలా అంటే ఏంటీ అని అడిగితే రాముడి భక్తుడు అని చిన్నారి సమాధానం చెప్పారు. దీంతో ఆశ్చర్యపోవడం రిపోర్టర్ వంతు అయ్యింది.
Fan ho toh aisa @TigerRajaSingh pic.twitter.com/AFymKQNrtL
— exsecular(Modi ka Parivar) (@ExSecular) November 14, 2023
27 సెకన్ల నిడివి గల వీడియో సోషల్ మీడియాలో షేర్ చేయగా వైరల్ అవుతుంది. ఆ వీడియోను రాజా సింగ్ (Raja Singh) కూడా చూశారు. ఆ చిన్నారి స్నేహితుడిని కలుసుకోవాలని ఉంది అని రాశారు. అతని గురించి మీకు ఏమైనా తెలుసా అని నెటిజన్లను అడిగారు. దానికి యూజర్లు ఆన్సర్ ఇస్తే.. ఆ పిల్లాడిని కలిపించే అవకాశం ఉంది.
మహ్మద్ ప్రవక్తపై రాజా సింగ్ అనుచిత వ్యాఖ్యలు చేయడంతో బీజేపీ పార్టీ నుంచి సస్పెండ్ అయిన సంగతి తెలిసిందే. ఎన్నికలకు కొద్దిరోజుల ముందు సస్పెన్షన్ ఎత్తివేసి.. గోషామహల్ టికెట్ కేటాయించింది. రాజా సింగ్ హిందుత్వ వాది.. హిందువుల కోసం కరడుగట్టినట్టుగా వ్యవహరిస్తుంటారు. రాజా సింగ్ పట్ల ఓ చిన్నారి కొండంత అభిమానం చూపాడు.
