తెలంగాణ అసెంబ్లీ ఎన్నికల్లో పోటీ చేస్తున్న తమ పార్టీ అభ్యర్థులకు జనసేన అధినేత పవన్ బీఫామ్ లు అందజేశారు. ఈ సందర్భంగా ఆయన మాట్లాడుతూ.. బీజేపీతో పొత్తు కొలిక్కి వచ్చాక మంగళవారం ఎనిమిది నియోజకవర్గాలకు జనసేన అభ్యర్థులను ప్రకటించినట్లు తెలిపారు. బలి దానాలతో సాకారమైన తెలంగాణను బంగారం చేసుకోవాలని, హోమ్ రూల్ ఉండాలనే ఉద్దేశంతోనే దశాబ్దకాలం పోటీకి దూరంగా ఉన్నట్లు వెల్లడించారు.
చదవండి: Harish Rao: పీకేలు వచ్చినా, డీకేలు వచ్చినా..AK-47 కేసీఆర్‌ను ఏం చేయలేరు : హరీశ్ రావు
తెలంగాణ యువత ఆకాంక్షలు నెరవేరాలని, తెలంగాణ ప్రజల కష్టసుఖాల్లో చేదోడువాదోడుగా ఉంటామని తెలిపారు. 2008లోనే తాను తెలంగాణ వ్యాప్తంగా తిరిగి ఇక్కడి ప్రజల బాధలను అర్థం చేసుకున్నట్లు గుర్తు చేశారు. తెలంగాణ సాయుధ పోరాట స్ఫూర్తి జనసేన పార్టీని ముందుకు నడిపించేలా చేస్తోందని, తెలంగాణ ఆవిర్భవించిన దశాబ్దకాలం తర్వాత జనసేన ఇక్కడ పోటీ చేస్తున్నట్లు తెలిపారు.
చదవండి: CM KCR: హెలికాఫ్టర్‌లో మరోసారి సాంకేతిక లోపం..రోడ్డు మార్గంలో వెళ్లిన కేసీఆర్
తెలంగాణ అభివృద్ధి ఆశయ సాధన కోసం జనసేన కట్టుబడి ఉంటుందని, ఏపీపై దృష్టి సారిస్తూనే తెలంగాణ ప్రజలకు అండగా నిలుస్తామన్నారు. ప్రజల సంక్షేమం కోసమే తెలంగాణ అసెంబ్లీ ఎన్నికల బరిలో దిగుతున్నట్లు తెలిపారు. 1200 మందికి పైగా యువత, విద్యార్థుల ఆత్మగౌరవార్థం హోంరూల్ పాటించాలనే ఆలోచనతో దశాబ్దం పాటు పోటీకి దూరంగా ఉన్నట్లు పవన్ కళ్యాణ్ వెల్లడించారు. తమ అభ్యర్థులను గెలిపించాలని కోరారు.
