JN: ఇటీవల పాలకుర్తిలో దొంగతనానికి పాల్పడిన నిందితుడిని పాలకుర్తి పోలీసులు శనివారం అరెస్టు చేశారు. పోలీసుల ప్రకారం.. చారగొండ్ల మల్లయ్య కాలనీలో లలిత అనే మహిళ ఇంట్లో దొంగతనానికి పాల్పడిన వావిలాల గ్రామానికి చెందిన కరణం సాయి కుమార్‌ను పోలీసులు పట్టుకున్నారు. అతను వద్దనుండి రూ.4.06 లక్షలు స్వాధీనం చేసుకొని రిమాండ్‌కు తరలించారు.
SDPT: జగదేవ్‌పూర్ జాతీయ ఆహార భద్రత మిషన్-మొక్కజొన్న పథకంలో రాయితీపై మండలంలోని రైతులకు బయో సీడ్ 9544 హైబ్రిడ్ మొక్కజొన్న విత్తనాల పంపిణీ కార్యక్రమాన్ని ములుగు సహాయ వ్యవసాయ సంచాలకులు అనిల్ కుమార్, మండల వ్యవసాయ అధికారి యూ.వసంతరావు ప్రారంభించారు. ఈ సందర్భంగా వారు మాట్లాడుతూ.. మొక్కజొన్న 5 కేజీల ప్యాకెట్ పూర్తి ధర రూ.1,375 గాను, రూ.500 సబ్సిడీ పొందాలి అన్నారు.
SRD: జిన్నారం మండల కేంద్రంలో నూతనంగా నిర్మిస్తున్న పోచమ్మ తల్లి గుడి నిర్మాణానికి పటాన్‌చెరు కార్పొరేటర్ మెట్టు కుమార్ యాదవ్ లక్ష రూపాయలు విరాళం అందజేశారు. పోచమ్మ నూతన గుడి నిర్మాణానికి ప్రతి ఒక్కరు సాయం అందించాలన్నారు. ఈ కార్యక్రమంలో బీఆర్ఎస్ రాష్ట్ర నాయకులు వెంకటేశం గౌడ్, మాజీ ఎంపీటీసీ శ్రీనివాస్ రెడ్డి, నరసింహారెడ్డి తదితరులు ఉన్నారు.
BDK: ప్రభుత్వ గిరిజన సంక్షేమ శాఖ ఆశ్రమ పాఠశాల కాంట్రాక్టు ఉపాధ్యాయనీ, ఉపాధ్యాయులు బతుకమ్మలతో శనివారం నిరసన ప్రదర్శన నిర్వహించారు. గత తొమ్మిది రోజులుగా కాంట్రాక్టు ఉపాధ్యాయలు నిరవదిక సమ్మెలో భాగంగా ఈ కార్యక్రమం చేపట్టినట్లు తెలిపారు. అంతకు ముందు భద్రాచలం ఐటిడిఏ ప్రాంగణంలో బతుకమ్మ సంబరాలు నిర్వహించామని పేర్కొన్నారు.
JN: పాలకుర్తిలో జరుగుతున్న ఇందిరమ్మ ఇండ్ల సర్వేను అడిషనల్ కలెక్టర్ పింకేష్ కుమార్ శనివారం పరిశీలించారు. ఈ సందర్భంగా వారు మాట్లాడుతూ.. గడువులోపు సర్వేను త్వరగా పూర్తి చేయాలని సంబంధిత అధికారులకు ఆదేశించారు. గ్రామస్తుల నుండి తీసుకున్న పూర్తి వివరాలను తప్పులు లేకుండా యాప్‌లో నమోదు చేయాలని సూచించారు. డీఆర్డీఏ పీడీ, మండల స్పెషల్ ఆఫీసర్ వసంత తదితరులున్నారు.
నల్గొండ: గుండాల మండలం సీతారాంపురంలో నల్లరామ మల్లయ్య ఇటీవల మరణించడంతో ఆయన కుటుంబాన్ని ఆలేరు మాజీ ఎమ్మెల్యే గొంగిడి సునీత మహేందర్ రెడ్డి పరామర్శించారు. కుటుంబ సభ్యులకు ఐదు వేల రూపాయలు ఆర్థిక సహాయాన్ని అందజేశారు. ఈ కార్యక్రమంలో నాయకులు, కార్యకర్తలు పాల్గొన్నారు.
KMR: బాన్సువాడలో పెండింగ్‌లో ఉన్నటువంటి డిగ్రీ, పీజీ కళాశాల విద్యార్థుల ఫీజు రియంబర్స్‌మెంట్, స్కాలర్షిప్‌ను వెంటనే విడుదల చేయాలి లంబాడీ స్టూడెంట్ ఆర్గనైజేషన్(ఎల్ఎస్ఓ) జిల్లా అధ్యక్షుడు రాథోడ్ జీవన్ నాయక్ శనివారం సబ్ కలెక్టర్ కిరణ్‌కి వినతిపత్రం అందించారు. ఈ కార్యక్రమంలో జిల్లా నాయకులు వికాస్ నాయక్, బాన్సువాడ నగర సభ్యులు తదితరులు పాల్గొన్నారు.
నల్గొండ: ప్రభుత్వం వెంటనే గ్రామపంచాయతీ కార్మికుల సమస్యలను పరిష్కరించాలని సీఐటీయూ జిల్లా అధ్యక్షుడు దాసరి పండు అన్నారు. శనివారం భువనగిరిలోని ఎంపీడీవో కార్యాలయం ఎదుట సమ్మెను నిర్వహించారు. జీపీ కార్మికుల న్యాయమైన సమస్యలను వెంటనే పరిష్కరించకపోతే సమ్మెకు సిద్ధమవుతామని హెచ్చరిస్తున్నట్లు తెలిపారు.
MNCL: రామగుండం పోలీస్ కమిషనరేట్ పరిధిలోని ప్రజలు ఆన్‌లైన్ గేమ్స్, షేర్ మార్కెట్‌ను నమ్మి మోసపోవద్దని సైబర్ క్రైమ్ పోలీస్ స్టేషన్ డీఎస్పీ ఎం. వెంకటరమణ సూచించారు. సులభంగా డబ్బులు వస్తాయని నమ్మి ఎటువంటి ఆన్‌లైన్ యాప్‌లలో డబ్బులు పెట్టుబడి పెట్టవద్దని తెలిపారు. సైబర్ మోసాలకు గురవకుండా జాగ్రత్తగా ఉండాలని సూచించారు.
మెదక్: నిజాంపేట నూతన మండలంగా ఏర్పడి 10 సంవత్సరాలు అవుతున్నా ప్రభుత్వ పక్క భవనాలు లేక మండల ప్రజలు ఇబ్బందులు ఎదుర్కొంటున్నారు. మండలానికి 14 గ్రామపంచాయతీలు ఉన్న మండలానికి 108 అంబులెన్స్ లేదు. మండలంలో ఏదైనా అనారోగ్య సమస్యలు వస్తే 108 లేక ప్రజలు ఇబ్బందులు ఎదుర్కొంటున్నారని, అధికారులు స్పందించి అంబులెన్స్ మంజూరు చేసేలా చర్యలు చేపట్టాలన్నారు.
సంగారెడ్డి: చలి తీవ్రత నుంచి వరి నారు సంరక్షించుకోవాలని నారాయణఖేడ్ డివిజన్ వ్యవసాయ సహాయ డైరెక్టర్ నూతన్ కుమార్ రైతులకు సూచించారు. కల్హేర్ మండలం మీర్ఖాన్ పేట్, నిజాంపేట మండలం రామ్ రెడ్డి పేటలో రైతులకు పంట సాగు అంశాలపై అవగాహన కల్పించారు. వరి కొయ్యలను పొలంలోనే కలియ దున్నాలని రైతులకు వివరించారు. ఏఈఓలు వంశీ గౌడ్, కృష్ణవేణి, రైతులు భూమేష్, సత్తయ్య పాల్గొన్నారు.
MNCL: పట్టణంలో తెలుగుదేశం పార్టీకి పూర్వ వైభవం తీసుకురావాలని పార్లమెంట్ అధ్యక్షుడు గుల్లపల్లి ఆనంద్ అన్నారు. శనివారం కాగజ్ నగర్ పట్టణంలోని వార్డ్ నెంబర్ 12 గాంధీనగర్‌లో టీడీపీ పార్టీ సభ్యత్వ నమోదు కార్యక్రమాన్ని నిర్వహించారు. టీడీపీ అధికారంలో ఉన్నప్పుడు బడుగు బలహీన మైనార్టీల సంక్షేమం కోసమే పని చేసిందని ఆయన పేర్కొన్నారు.
MHBD: కలెక్టరేట్ కార్యాలయం ఎదుట నేడు గ్రామ పంచాయతీ ఉద్యోగుల ధర్నా చేశారు. గ్రామపంచాయతీ ఉద్యోగులను ప్రభుత్వ ఉద్యోగులుగా గుర్తించి కనీసం వేతనం చెల్లించాలంటూ నినాదాలు చేశారు. జిల్లా వ్యాప్తంగా ఉన్న గ్రామపంచాయతీ ఉద్యోగులు జిల్లా కలెక్టర్ కార్యాలయం ముందు ధర్నా చేసి అధికారులకు వినతిపత్రం సమర్పించారు.
సిద్దిపేట: దుబ్బాక మున్సిపాలిటీ పరిధిలోని లచ్చపేట 11వ వార్డులో బైకుకు పెట్రోల్ పోసి నిప్పంటించిన ఘటన చోటుచేసుకుంది. వార్డుకు చెందిన మహమ్మద్ ముస్తఫా బైకును ఇంటిముందు పార్క్ చేసి ఉండగా గుర్తుతెలియని వ్యక్తి బురకలో వచ్చి బైకుపై పెట్రోల్ పోసి నిప్పంటించాడు. బాధితులు ఇంట్లో నుంచి బయటకు వచ్చేసరికి బైకు పూర్తిగా దగ్ధమయ్యిందని బాధితుడు తెలిపాడు.
NRML: ఓ మహిళపై సామూహిక హత్యాచారం జరిగిన ఘటన శనివారం నిర్మల్‌లో వెలుగు చూసింది. విషయం తెలుసుకున్న ఎస్పీ జానకి షర్మిల రంగంలోకి దిగి ఆసుపత్రిలో చికిత్స పొందుతున్న బాధితురాలి వద్ద వివరాలు తెలుసుకున్నారు. అనంతరం ఘటన జరిగిన ప్రదేశానికి వెళ్లి పరిశీలించారు. ఎస్పీ మాట్లాడుతూ.. అత్యాచారానికి పాల్పడిన వారిని త్వరలోనే పట్టుకుంటామని తెలిపారు.
