KMM: ముదిగొండ మండలంలోని ముత్తారం గ్రామంలో ఈ నెల 27న నిర్వహించనున్న శ్రీ సీతారామచంద్ర స్వామి కల్యాణోత్సవానికి రావాలని ఉప ముఖ్యమంత్రి భట్టి విక్రమార్కను ఆలయ కమిటీ సభ్యులు, కాంగ్రెస్ నాయకులు ఆహ్వానించారు. ఇవాళ హైదరాబాద్లో మల్లెల అజయ్ ఆధ్వర్యంలో ఆయనను కలిసి ఆహ్వాన పత్రికను అందజేశారు.
MHBD: తొర్రూరు (M) లోని దుబ్బాతండా, కర్రె బిక్య తండాల్లో అంగన్వాడి కేంద్రాలు మూతపడడంతో చిన్నారుల పోషకాహార సేవలు పూర్తిగా నిలిచిపోయాయి. పర్యవేక్షణ లేకపోవడంతో ప్రభుత్వం అందిస్తున్న పోషకాహార సరుకులు లబ్ధిదారులకు అందడం లేదు. అంగన్వాడీ సేవలు నిలిచిపోవడంతో బాలింతలు, చిన్నపిల్లలు తీవ్ర ఇబ్బందులు ఎదుర్కొంటున్నారు. వెంటనే అంగన్వాడీలను పునఃప్రారంభించాలని కోరారు.
MDK: నర్సాపూర్ నియోజకవర్గం హత్నూర మండలం సికింద్లాపూర్ గ్రామంలో నిర్వహించిన శ్రీ వెంకటేశ్వర స్వామి జాతర ఘనంగా జరిగింది. ఈ జాతరలో నర్సాపూర్ ఎమ్మెల్యే సునీతా లక్ష్మారెడ్డి పాల్గొన్నారు. జాతర సందర్భంగా MLA స్వామివారిని దర్శించుకుని ప్రత్యేక పూజలు నిర్వహించారు. గ్రామ ప్రజలతో కలిసి జాతర ఉత్సవాల్లో పాల్గొని భక్తులకు శుభాకాంక్షలు తెలిపారు.
HYD: నేరెడ్మెట్, ఓల్డ్ సఫిల్గూడలో హృదయవిదారక ఘటన జరిగింది. ప్రేమ వివాహనికి యువతి తల్లి నిరాకరించడంతో మనస్తాపం చెందిన 23 ఏళ్ల నరేశ్ ఆత్మహత్యకు పాల్పడ్డాడు. ఉగాది పండుగకు స్నేహితుడు స్వగ్రామానికి వెళ్లగా ఒంటరిగా ఉన్న సమయంలో నరేశ్ గదిలో ఉరేసుకుని మృతి చెందాడు. పోలీసులు సూసైడ్ నోట్ స్వాధీనం చేసుకున్నారు. ఘటనపై కేసు నమోదు చేసి దర్యాప్తు చేస్తున్నారు.
NGKL: అమ్రాబాద్ మండలం కల్ములోనిపల్లిలో ఎనిమిదేళ్ల క్రితం తెచ్చిన డాక్టర్ బీఆర్. అంబేడ్కర్ విగ్రహం ఇప్పటికీ ఆవిష్కరణకు నోచుకోలేదు. ప్రస్తుత ఎమ్మెల్యే వంశీకృష్ణ గతంలో అందించిన ఈ విగ్రహాన్ని రాజకీయ కారణాలతో ఒక మూల పడేశారు. ప్లాస్టిక్ కవర్ కప్పి చెత్త కుప్పలో ఉంచడంపై గ్రామ యువత తీవ్ర నిరసన వ్యక్తం చేస్తున్నారు. ఈ ఘటనపై చర్యలు తీసుకోవాలని కోరుతున్నారు.
NRPT: మరికల్ మండలం తీలేరులో ఆధ్యాత్మిక వాతావరణం నెలకొంది. గత మూడు రోజుల క్రితం గ్రామంలో ప్రదర్శించిన శ్రీశ్రీ పోతులూరి వీరబ్రహ్మేంద్రస్వామి జీవిత చరిత్ర వీధి నాటకంలో పాల్గొన్న భక్తులు, కళాకారులు శనివారం కడప జిల్లాలోని బ్రహ్మంగారిమఠం దర్శనార్థం బయలుదేరి వెళ్లారు. స్వామి వారి పాత్రలు పోషించిన అనంతరం క్షేత్ర దర్శనం చేసుకుంటే శుభం జరుగుతుందన్నారు.
RR: శేరిలింగంపల్లి నియోజకవర్గ కాంగ్రెస్ ఇంఛార్జ్ జగదీశ్వర్ గౌడ్ ఆదిత్య నగర్ ఈద్గాలో నిర్వహించిన రంజాన్ వేడుకల్లో పాల్గొని ముస్లిం సోదరులకు శుభాకాంక్షలు తెలిపారు. ఈ సందర్భంగా ఆయన మాట్లాడుతూ.. సీఎం రేవంత్ రెడ్డి నాయకత్వంలో తెలంగాణ ప్రభుత్వం అన్ని మతాలను సమానంగా గౌరవిస్తూ ముస్లింల సంక్షేమానికి పెద్దపీట వేస్తోందని కొనియాడారు.
NZB: జక్రాన్పల్లి మండలం అర్గుల్లో ప్రభుత్వం ప్రతిష్ఠాత్మకంగా చేపట్టిన ఇందిరమ్మ ఇళ్ల పథకం కింద శనివారం శ్రీనివాస్ గౌడ్ దంపతులు గృహ ప్రవేశం చేశారు. ఈ కార్యక్రమానికి మాజీ జిల్లా సర్పంచ్ల సంఘం అధ్యక్షుడు రాజేందర్ హాజరయ్యారు. నిరుపేదల సొంతింటి కల నెరవేరుస్తున్న ప్రభుత్వానికి ఆయన కృతజ్ఞతలు తెలిపారు. ఈ వేడుకలో లబ్ధిదారుల కుటుంబ సభ్యులు పాలుగోన్నారు.
SRCL: వేములవాడలో జరిగిన రంజాన్ పండుగ వేడుకల్లో ప్రభుత్వ విప్, వేములవాడ శాసనసభ్యులు ఆది శ్రీనివాస్ పాల్గొన్నారు. ఈ సందర్భంగా ముస్లింలకు రంజాన్ శుభాకాంక్షలు తెలియజేశారు. ప్రభుత్వం ముస్లింల సంక్షేమానికి కృషి చేస్తుందన్నారు. అలాగే ముస్లింలకు రంజాన్ పవిత్ర మాసం అన్నారు. కార్యక్రమంలో మున్సిపల్ ఛైర్మన్ పుల్కం రాజు, వైస్ ఛైర్మన్ నరాల శేఖర్, మున్సిపల్ కౌన్సిలర్లు పాల్గొన్నారు.
MDK: పాపన్నపేటలో వాహనాల తనిఖీలలో 224 క్వింటాళ్ల పీడీఎస్ బియ్యాన్ని పోలీసులు పట్టుకున్నారు. హైదరాబాద్ నుంచి తరలిస్తున్న లారీని ఆపి తనిఖీ చేయగా బియ్యం బయటపడింది. సమాచారం అందుకున్న సివిల్ సప్లై అధికారులు ఘటనాస్థలానికి చేరుకుని బియ్యాన్ని స్వాధీనం చేసుకున్నారు. పోలీసులు కేసు నమోదు చేసి దర్యాప్తు చేపట్టగా, అక్రమ రవాణాపై కఠిన చర్యలు తీసుకుంటామని తెలిపారు.
MLG: జిల్లా కేంద్రంలో కాంగ్రెస్ పార్టీ కార్యాలయం నిర్మాణం కోసం భూమి కేటాయించాలని ఇవాల జిల్లా కలెక్టర్ టి.ఎస్. దివాకర్కు, జిల్లా DCC అధ్యక్షుడు అశోక్ వినతిపత్రం అందజేశారు. పార్టీ కార్యాలయం లేకపోవడంతో కార్యకలాపాలు తీవ్రంగా ఇబ్బందులు ఎదుర్కొంటున్నాయని, పార్టీ సంస్థాగత కార్యక్రమాలు సాగించలేకపోతున్నాయని తెలిపారు. త్వరగా భూమి కేటాయించాలని కోరారు.
NRML: మామడ మండలం బండల్ ఖానాపూర్ గ్రామంలో సర్పంచ్ జాదవ్ కళ్యాణి కోతుల సమస్యను అద్భుతంగా పరిష్కరించారు. పంచాయతీ కార్మికుడిని చింపాంజీ వేషంలో గ్రామంలో తిప్పించినందున భయపడిన కోతులు పారిపోయి, దీంతో గ్రామస్థులకు ఉపశమనం లభించింది. స్థానికులు సర్పంచ్ ఆలోచనను ప్రశంసిస్తూ, ఇది కోతుల సమస్యకు సరికొత్త పరిష్కారం అని తెలిపారు.
WGL: ఖానాపూర్ (M) పాకాల సరస్సు ప్రకృతి సోయగాలకు ప్రసిద్ధి చెందింది. కాకతీయుల కాలంలో నిర్మితమైన ఈ సరస్సు సాగునీటి అవసరాలను తీర్చడంలో కీలక పాత్ర పోషిస్తోంది. ఇటీవల వర్షాలతో నీటి మట్టం పెరిగి పరిసర ప్రాంతాలు పచ్చదనంతో కళకళలాడుతున్నాయి. పర్యాటకులు అధిక సంఖ్యలో తరలివచ్చి ప్రకృతి అందాలను ఆస్వాదిస్తున్నారు. అధికారులు తెలిపారు.
KMR: బాన్సువాడ మండలం బొర్లంలో శనివారం మతసామరస్యం వెల్లివిరిసింది. హనుమాన్ మాలధారణ చేసిన స్వాములకు ముస్లిం సోదరుడు సద్దాం ప్రత్యేకంగా భిక్ష (అన్నదానం) ఏర్పాటు చేశారు. భక్తి, మానవత్వం మతాల కంటే గొప్పవని ఆయన చాటిచెప్పారు. ఇలాంటి కార్యక్రమాలు సమాజానికి మంచి సందేశాన్ని ఇస్తాయని, అందరూ ఐక్యంగా ఉండాలని స్వాములు ఈ సందర్భంగా పిలుపునిచ్చారు.
BDK: అశ్వాపురం మండలం మల్లెలమడుగు పంచాయతీ వైకుంఠధామంలో నీటి సమస్య ఉందని గ్రామస్థులు ఆవేదన ఇవాళ ఆవేదన వ్యక్తం చేశారు. స్థానిక సర్పంచుకు తెలిపిన ఫలితం లేదన్నారు. అక్కడ బోరు ఉన్నప్పటికీ, విద్యుత్ సౌకర్యం లేకపోవడంతో నీరు రాక ఇబ్బందులు ఎదురవుతున్నాయి. బొమ్మవతి బిక్షమమ్మ 11వ రోజు కర్మకాండల సమయంలో నీరు లేక గ్రామస్థులు వాగు వద్దకు వెళ్లాల్సి వచ్చింది.
