SRPT: మునగాల కస్తూర్బా బాలికల విద్యాలయం విద్యార్థినులు మురుగునీటి సమస్యతో నరకయాతన అనుభవిస్తున్నారు. పాఠశాల ప్రహరీ పక్కనే ఉన్న మురుగునీటి బావి నుంచి వస్తున్న తీవ్ర దుర్వాసనతో విద్యార్థినులు భోజనం కూడా చేయలేక ఇబ్బంది పడుతున్నారు. నిల్వ ఉన్న నీటితో దోమలు చేరి వ్యాధులు ప్రబలే ప్రమాదం ఉందని ఆవేదన వ్యక్తం చేస్తున్నారు. అధికారులు చర్యలు తీసుకోవాలని కోరుతున్నారు.
SRPT: మునగాల కస్తూర్బా బాలికల విద్యాలయం విద్యార్థినులు మురుగునీటి సమస్యతో నరకయాతన అనుభవిస్తున్నారు. పాఠశాల ప్రహరీ పక్కనే ఉన్న మురుగునీటి బావి నుంచి వస్తున్న తీవ్ర దుర్వాసనతో విద్యార్థినులు భోజనం కూడా చేయలేక ఇబ్బంది పడుతున్నారు. నిల్వ ఉన్న నీటితో దోమలు చేరి వ్యాధులు ప్రబలే ప్రమాదం ఉందని ఆవేదన వ్యక్తం చేస్తున్నారు. అధికారులు చర్యలు తీసుకోవాలని కోరుతున్నారు.
BDK: అన్నపురెడ్డిపల్లి బాలాజీ వెంకటేశ్వర స్వామి దేవస్థానంలో వార్షిక బ్రహ్మోత్సవాల అనంతరం దేవాదాయశాఖ అధికారుల సమక్షంలో హుండీ లెక్కింపు చేపట్టారు. రూ. 5,34,196 ఆదాయం సమకూరిందని ఆలయ అధికారి రమణ తెలిపారు. గత ఏడాదితో పోలిస్తే ఈ సారి రూ. 23,000 ఆదాయం పెరిగినట్లు వెల్లడించారు. ఈ కార్యక్రమంలో దేవస్థాన కమిటీ సభ్యులు పాల్గొన్నారు.
SDPT: కాంగ్రెస్తోనే పేదల సొంతింటి కల సాధ్యం అవుతుందని మాజీ ఎమ్మెల్యే కొమ్మూరి ప్రతాపరెడ్డి అన్నారు. చేర్యాల మండలం వీరన్నపేటలో నూతన ఇందిరమ్మ ఇంటిని ప్రారంభించి మాట్లాడారు. సొంత ఇల్లు అనేది పేదల కల అన్నారు. ఆ కలను నిజం చేయడానికి కాంగ్రెస్ ప్రజా ప్రభుత్వం అండగా ఉంటుందన్నారు. చేర్యాల ప్రాంతానికి మరిన్ని ఇందిరమ్మ ఇళ్లు తీసుకొస్తానని వెల్లడించారు.
KDM: తోగ్గుడెం పంచాయతీ కేంద్రంలో మణుగూరు – వరంగల్ ప్రధాన రహదారి అధ్వానంగా మారింది. వర్షాకాలంలో కురిసిన భారీ వర్షాలకు, ఇసుక లారీల మితిమీరిన రాకపోకల వల్ల రోడ్డుపై పెద్ద ఎత్తున గుంతలు పడ్డాయి. రహదారి పూర్తిగా దెబ్బతినడంతో వాహనాలన్నీ మరోవైపు నుంచే వెళ్లాల్సి వస్తోంది. దీని వల్ల నిత్యం ట్రాఫిక్ ఇబ్బందులు కలగడమే కాకుండా ప్రమాదాలు జరిగే అవకాశం ఉందని స్థానికులు ఆరోపిస్తున్నారు.
ADB: ఉట్నూర్ ఐటీడీఏలో సుదీర్ఘకాలంగా ఖాళీగా ఉన్న పీవీటీజీ ఏపీఓ పోస్టు ఎట్టకేలకు భర్తీ అయింది. ఈ పదవికి ఆత్రం భాస్కర్ను నియమిస్తూ గిరిజన సంక్షేమ శాఖ ఉత్తర్వులు జారీ చేయడంతో ఆయన బాధ్యతలు స్వీకరించారు. గతంలోనూ ఇదే పోస్టులో పనిచేసిన అనుభవం ఉండటంతో ప్రభుత్వం ఆయనకే మొగ్గు చూపింది. ఐటీడీఏ పీఓ సారథ్యంలో పీవీటీజీల సంక్షేమానికి నిరంతరం కృషి చేస్తానన్నారు.
HYD తెలుగు విశ్వవిద్యాలయం NTR ఆడిటోరియంలో నిర్వహించిన రసఝరి కార్యక్రమంలో వీసీ ఆచార్య వెలుదండ నిత్యానందరావు జ్యోతిష శాస్త్ర ప్రాముఖ్యతను వివరించారు. ఖగోళ గ్రహాల గమనాలపై నిషిత అధ్యయనం, ఖచ్చితమైన కాలనిర్ణయంతో జ్యోతిష్య శాస్త్రీయ ప్రమాణంతో ఉండాలని అన్నారు. ప్రభుత్వం ప్రతిపాదించిన శతదిన విద్య ప్రణాళికలో భాగంగా జరిగింది.
KMR: వానకాలం 2025-26 సీజన్కు సంబంధించిన జిల్లాలో మార్క్పెడ్ ద్వారా వివిధ కొనుగోలు కేంద్రాల నుండి కొనుగోలు చేసిన మొక్కజొన్న రైతుల బకాయిలు 63.19 కోట్లు నిధులను ప్రభుత్వం విడుదల చేసిందని శశిధర్ రెడ్డి ఒక ప్రకటనలు తెలిపారు. దీనికి సంబంధించిన నిధులు నేటి నుంచి రైతుల వారి వారి ఖాతాలలో జమ చేయడం జరుగుతుందని తెలిపారు.
NRML: నిర్మల్ పట్టణంలో ప్రజాపాలన–ప్రగతి ప్రణాళిక రెండో రోజు కొనసాగింది. ఇందులో భాగంగా శనివారం అదనపు కలెక్టర్ వెంకటేశ్వర్లు, మున్సిపల్ వైస్ ఛైర్మన్ అప్పల గణేష్ చక్రవర్తి 26, 28 వార్డుల్లో పర్యటించి పరిశుభ్రత, తాగునీటి పొదుపుపై అవగాహన కల్పించారు. కాలనీల సమస్యలను తెలుసుకుని అధికారులకు సూచనలు చేశారు. కార్యక్రమంలో మున్సిపల్ అధికారులు పాల్గొన్నారు.
BDK: ‘ప్రజా పాలన – ప్రగతి ప్రణాళిక’ ద్వారా గ్రామ సమస్యలు పరిష్కారమవుతాయని పినపాక సర్పంచ్ అలివేలు అన్నారు. పినపాకలో గ్రామస్థులతో మాట్లాడుతూ.. పరిసరాలను పరిశుభ్రంగా ఉంచుకోవాలని సూచించారు. చెత్తను ఎక్కడపడితే అక్కడ వేయకుండా, నిత్యం వచ్చే పంచాయతీ ట్రాక్టరులోనే వేయాలని కోరారు. మన పరిసరాలను మనమే శుభ్రం చేసుకోవాలని గ్రామస్తులకు సూచించారు.
HNK: పరకాల మండలం మల్లక్కపేటగ్రామ శివారులో మిర్చి చోరీ ఘటన కలకలం రేపింది. రైతు దొమ్మటి బాబు బావి వద్ద అరబెట్టిన సుమారు 5 క్వింటాళ్ల మిర్చిని గుర్తు తెలియని దొంగలు అపహరించారు. చోరీకి గురైన మిర్చి విలువ లక్ష రూపాయలకు పైగా ఉంటుందని రైతు ఆవేదన వ్యక్తం చేశారు. ఈ ఘటనపై కేసు నమోదు చేసినట్లు సీఐ క్రాంతి కుమార్ తెలిపారు.
NZB: రాష్ట్ర ప్రభుత్వం ప్రతిష్ఠాత్మకంగా చేపట్టిన ప్రజా పాలన – ప్రగతి కార్యక్రమానికి సంబంధించి అవగాహన ర్యాలీని శనివారం ఉదయం జిల్లా కలెక్టర్ ఇలా త్రిపాఠి NZB మేయర్ ఉమారాణితో కలిసి ప్రారంభించారు. ఈ కార్యక్రమంలో నిజామాబాద్ అర్బన్ ఎమ్మెల్యే ధన్ పాల్ సూర్యనారాయణ, మున్సిపల్ కార్పొరేషన్ కమిషనర్ దిలీప్ కుమార్ తదితరులు పాల్గొన్నారు.
SRCL: మహిళలను కోటీశ్వరులను చేయడమే లక్ష్యంగా ప్రభుత్వం పని చేస్తుందని ప్రభుత్వ విప్ ఆది శ్రీనివాస్ అన్నారు. చందుర్తి మండలం మూడపల్లి గ్రామంలో మహిళ సంఘ భవన నిర్మాణానికి శనివారం భూమి పూజ చేశారు. ఈ సందర్భంగా ఆయన మాట్లాడుతూ.. మహిళ సంక్షేమానికి ప్రభుత్వం పెద్దపీట వేస్తుందన్నారు. సర్పంచ్ చిలుక మల్లేశ్వరి, ఎంపీడీవో రాధా పాల్గొన్నారు.
MDK: ప్రభుత్వం ప్రారంభించిన 99 రోజుల కార్యక్రమంలో భాగంగా మెదక్ రూరల్ పోలీస్ స్టేషన్ ప్రాంగణంలో శుభ్రత, పరిశుభ్రత పనులు చేపట్టారు. మెదక్ రూరల్ ఎస్సై లింగం, తోటి సిబ్బంది పోలీస్ స్టేషన్ పరిసరాలను శుభ్రపరిచారు. ప్రభుత్వ సూచన మేరకు ప్రభుత్వ కార్యాలయాల ప్రాంగణాలను శుభ్రం చేస్తున్నారు.
GDWL: అలంపూర్లో వెలిసిన జోగులాంబ దేవి బాలబ్రహ్మేశ్వర స్వామి ఆలయాలను శనివారం తెలంగాణ మాజీ గవర్నర్, ప్రస్తుత మహారాష్ట్ర గవర్నర్ జిష్ణుదేవ్ వర్మ సతీమణి సుధాదేవ్ వర్మ దర్శించుకున్నారు. ఆలయ అర్చకులు ఆమెకు పూర్ణకుంభంతో స్వాగతం పలికి ఉభయ ఆలయాల్లో ప్రత్యేక పూజలు చేయించారు. అనంతరం శేష వస్త్రంతో సత్కరించి, తీర్థ ప్రసాదాలు అందజేశారు.
