సీఎం కేసీఆర్ని నమ్మి తాను మోసపోయాని మాజీ మంత్రి మోత్కుపల్లి (Motkupalli) నర్సింహులు అన్నారు. ట్యాంక్బండ్ (Tankbund) సమీపంలో ఎన్టీఆర్ ఘాట్ వద్ద పురుగుల మందుతో హల్చల్ చేశారు. తెలంగాణలో దళితులకు అన్యాయం జరిగితే తాను గడ్డి మందు తాగి చనిపోతానని గతంలోనే చెప్పానని గుర్తు చేశారు. అందుకే ఈ గడ్డి మందు డబ్బాను పట్టుకొని వచ్చానన్నారు. సీఎం కేసీఆర్ (CMKCR) గట్టిగా ఉన్నాడని, ఎలాగూ చావడని, తానైనా చనిపోతానని మోత్కుపల్లి ఆవేదన వ్యక్తం చేశారు. తాను దళితబంధును తీసుకువస్తున్నానని కేసీఆర్ తనను స్వయంగా ఆహ్వానిస్తే పార్టీలోకి వెళ్లానని, దళితులకు మేలు జరుగుతుందనుకున్నానని, కానీ అలా జరగడం లేదన్నారు. దళతబంధు (Dalatbandhu) అమలు కాకపోవడంతో దళిత యువత తనకు సందేశాలు పంపిస్తోందన్నారు.
చదవండి : India Today survey: బీఆర్ఎస్కు షాక్ ఇచ్చిన ఇండియా టుడే సర్వే
కేసీఆర్ ముహూర్తం పెడితే తాను గడ్డిమందు (Grass medicine) తాగి చనిపోతానని షాకింగ్ కామెంట్స్ చేశారు. మాదిగ కులానికి కేసీఆర్ మంత్రి పదవి కూడా ఇవ్వలేదన్నారు. మోసాలకు కేరాఫ్ అడ్రస్ సీఎం కేసీఆర్ అన్నారు.ప్రవళిక ఆత్మహత్యకు ముఖ్యమంత్రి కేసీఆరే కారణమన్నారు. చంద్రబాబు అరెస్ట్ నేపథ్యంలో గ్రేటర్ హైదరాబాద్ పరిధిలోని ముప్పై సీట్లలో బీఆర్ఎస్ (BRS) ఓడిపోతుందని జోస్యం చెప్పారు. కేసీఆర్ను ఢీకొట్టే శక్తి కాంగ్రెస్ పార్టీకి మాత్రమే ఉందని, ఆ పార్టీకి తెలంగాణ (Telangana) రాష్ట్రంలో ఒక అవకాశం ఇవ్వాలన్నారు. తనకు తుంగతుర్తి సీటు ఇవ్వకుంటే కాంగ్రెస్ పార్టీ(Congress party)కి నష్టమన్నారు. టీపీసీసీ చీఫ్ రేవంత్ రెడ్డి అందరి ఇళ్లళ్లకు వెళ్తున్నారని, కానీ దళితుడైన తన ఇంటికి మాత్రం రావడం లేదన్నారు.
చదవండి : Rahul Gandhi: దోశ వేసి తినిపించిన రాహుల్ గాంధీ..నెటిజన్ల కామెంట్స్
