Medaram Tourists : మేడారం జాతరకు తెలంగాణ రాష్ట్ర వ్యాప్తంగా ఉన్న ప్రజలే కాకుండా ఇతర ప్రాంతాల నుంచి జనం తండోప తండాలుగా తరలి వస్తుంటారు. మొక్కులు చెల్లించుకుని ఆ చుట్టు పక్కల ఉన్న పర్యాటక ప్రాంతాలను కూడా చూసి వెళుతుంటారు. అయితే లక్నవరం సరస్సు కూడా అక్కడ ప్రధాన పర్యాటక ఆకర్షణగా ఉంది. అయితే రద్దీని దృష్టిలో ఉంచుకుని దాని పర్యాటకాన్ని రద్దు చేస్తున్నట్లు స్థానిక అధికారులు వెల్లడించారు.
చదవండి : ఫోన్‌ నీళ్లల్లో పడిందా? ఇలా మాత్రం అస్సలు చేయకండి
ములుగు జిల్లాలో గోవిందరావు పేట మండలంలో ఉన్న లక్నవరం చెరువును పర్యాటక పరంగా బాగా అభివృద్ధి చేశారు. సరస్సులో బోటు షికారు, స్పీడ్‌బోట్లు, సైక్లింగ్‌ లాంటి వాటినీ పెట్టి పర్యాటకుల్ని ఆకర్షిస్తున్నారు. చుట్టూ కొండలు, దట్టంగా ఉన్న చెట్లు, నీళ్లతో ఉన్న వాతావరణంలో రిసార్టులను కూడా ఏర్పాటు చేశారు. దీంతో అక్కడికి వెళ్లి ఉండటానికి బోటింగ్‌లు చేయడానికి అంతా ఆసక్తి చూపిస్తున్నారు.
చదవండి : హైదరాబాద్లో కొత్త ట్రాఫిక్ రూల్స్
మేడారం జాతర(Medaram Jathara) సందర్భంగా ఆ వైపు పెద్ద ఎత్తున జనం తరలి వస్తున్నారు. దీంతో అక్కడ వాహనాల రద్దీ కూడా బాగా పెరిగిపోయింది. 25వ తారీఖు వరకు లక్నవరం రూట్‌ని మూసివేస్తున్నట్లు అక్కడ బ్యానర్లను ఏర్పాటు చేశారు. ఇందుకు పర్యాటకులంతా సహకరించాలని కోరారు.
