Vivo: వివో(Vivo) కంపెనీ తన ‘Y’ సిరీస్‌లో మరో కొత్త ఫోన్‌ను మార్కెట్‌లోకి తీసుకొచ్చింది. వివో వై200 5జీ(Vivo Y200 5G) పేరుతో లాంచ్‌ చేసింది. ఆండ్రాయిడ్‌ 14, డ్యుయల్‌ కెమెరాతో రానున్న ఈ ఫోన్‌ ప్రీ బుకింగ్‌లు ఇప్పటికే మొదలయ్యాయి. వివో వై200 5జీ మొబైల్‌ రెండు వేరియంట్స్‌లో లభిస్తుంది. 6జీబీ+128జీబీ వేరియంట్‌ ధర రూ.19,999గా కంపెనీ పేర్కొంది. 8జీబీ+128జీబీ వేరియంట్‌ ధర రూ.20,999గా నిర్ణయించింది. సాఫ్రాన్‌ డిలైట్‌ లెదర్‌ ఫినిష్‌, బ్లాక్‌ డైమండ్‌ ప్లాస్టిక్‌ ప్యానెల్‌తో ఈ ఫోన్‌ రానుంది.
ఇది కూడా చూడండి: Ajay Devgn : నిమిషానికి రూ. 4.5 కోట్లు వసూలు చేసిన ఆ హీరో ఎవరంటే!
హెచ్‌డీఎఫ్‌సీ, ఐసీఐసీఐ బ్యాంక్‌ క్రెడిట్‌/డెబిట్‌ కార్డ్‌ ద్వారా వివో వెబ్‌సైట్‌ నుంచి ప్రీ బుకింగ్‌ చేసుకున్నవారు రూ.1,000 ఇన్‌స్టంట్‌ డిస్కౌంట్‌ పొందవచ్చు. ఎంపిక చేసిన బ్యాంక్‌ కస్టమర్లకు ఆరు నెలల నో- కాస్ట్‌ ఈఎంఐ సదుపాయం అందిస్తోంది. ఫిబ్రవరి 29 వరకు ఈ ఆఫర్‌ అందుబాటులో ఉండనుంది. మొబైల్‌ విక్రయాలు ఎప్పటి నుంచి ప్రారంభం కానున్నాయనే విషయాన్ని కంపెనీ ఇంకా అధికారికంగా వెల్లడించలేదు. ఫ్లిప్‌కార్ట్ వెబ్‌సైట్‌లో మార్చి 1 నుంచి కొనుగోలు చేయవచ్చు.
ఇది కూడా చూడండి: Siddharth Roy Review: అర్జున్ రెడ్డి రేంజ్‌లో ఉందా?
వివో కొత్త మొబైల్‌లో 6.7 అంగుళాల ఫుల్‌ హెచ్‌డీ+ డిస్‌ప్లే ఇచ్చారు. ఇది 120Hz రిఫ్రెష్‌ రేటుతో పనిచేస్తుంది. 1,800 నిట్స్‌ పీక్‌ బ్రైట్‌నెస్‌ ఇస్తుంది. క్వాల్‌కామ్‌ స్నాప్‌డ్రాగన్‌ 4జెన్‌ 2 ప్రాసెసర్‌తో పనిచేస్తుంది. ఆండ్రాయిడ్‌ 14 ఆధారిత ఫన్‌టచ్‌ఓఎస్‌ 14తో వస్తోంది. కెమెరా విషయానికొస్తే.. వెనకవైపు 50ఎంపీ ప్రధాన కెమెరా, 2ఎంపీ సెన్సర్‌ ఇచ్చారు. వీడియో కాల్స్, సెల్ఫీల కోసం ముందు వైపు 16 ఎంపీ కెమెరా ఉంది. 5,000mAh బ్యాటరీతో వస్తున్న ఈ ఫోన్‌ 44W ఫాస్ట్‌ ఛార్జింగ్‌కు సపోర్ట్‌ చేస్తుంది. మైక్రో ఎస్‌డీ కార్డ్‌ సాయంతో 1టీబీ వరకు స్టోరేజీ పెంచుకొనే సదుపాయం ఉంది.
