Ajay Devgn Guest Role Remuneration : ఇప్పుడు మన టాలీవుడ్‌ హీరోలతో పాటు, భారత దేశంలో టాప్‌ హీరోలుగా వెలుగొందుతున్న వారంతా సినిమాకి వంద కోట్లు తక్కువ కాకుండా పారితోషికాన్ని అందుకుంటున్నారు. కొందరు రెమ్యునిరేషన్‌తో పాటు సినిమా లాభాల్లోనూ వాటా తీసుకుంటారు. ఇలా దాదాపుగా రెండొందల కోట్ల రూపాయల వరకు తీసుకుంటారని వినికిడి. అయితే నిమిషానికి నాలుగున్నర కోట్లు వసూలు చేసిన నటుడు ఒకరు ఉన్నారు. ఆయనెవరంటే…
చదవండి : ఏజెంట్‌ మోసం – ఉక్రెయిన్‌తో యుద్ధానికి భారతీయులు!
2021లో ఎస్‌ఎస్‌ రాజమౌళి దర్శకత్వంలో తెరకెక్కిన ఆర్‌ఆర్‌ఆర్‌ చిత్రంలో బాలీవుడ్‌ నటుడు అజయ్‌ దేవగణ్‌ నటించారు. ఆ సినిమాలో ఉన్నఫ్లాష్‌ బ్యాక్‌లో ఆయన పాత్ర చాలా కీలకంగా ఉంటుంది. అయితే దానిలో ఆయన కనిపించింది కేవలం ఎనిమిది నిమిషాలు మాత్రమే. ఆ గెస్ట్ రోల్ కోసం ఆయన రూ.35 కోట్ల రెమ్యునరేషన్‌ తీసుకున్నట్లు తెలుస్తోంది. అంటే ఆయన కనిపించిన ఒక్కో నిమిషానికి దాదాపుగా రూ.4.5 కోట్ల వంతున వసూలు చేసుకున్నారు.
చదవండి : మీకు తెలుసా? దోసకాయ… పచ్చిమిర్చి… ఇవన్నీ పండ్లట!
ఈ పారితోషికం విషయాన్ని తెలుసుకున్న ఫ్యాన్స్‌ సైతం ఆశ్చర్యం వ్యక్తం చేస్తున్నారు. అయితే ఈ సినిమాలో అజయ్‌ దేవగణ్‌ (Ajay Devgan)నటించిన సీన్ల నిడివి తక్కువే అయినా ఆ పాత్ర అక్కడ చాలా కీలకంగా ఉంటుంది. అందువల్లనే ఈ అతిథి పాత్ర(Guest Role)కు ఆయన అంత పెద్ద పారితోషికాన్ని వసూలు చేసినట్లు తెలుస్తోంది.
