Tobacco Advertising: బాలీవుడ్‌లో స్టార్ హీరోలుగా ఒక వెలుగు వెలుగుతున్న షారుఖ్ ఖాన్, అక్షయ్ కుమార్, అజయ్ దేవగణ్ క్రేజ్ గురించి తెలిసిందే. ఈ ముగ్గురు సీనియర్ సినీనటులకు అలహాబాద్ హైకోర్టు నోటీసులు జారీ చేసింది. గుట్కా కంపెనీల ప్రకటనల్లో నటించి పొగాకు ఉత్పత్తుల కంపెనీలకు మద్దతు ఇచ్చారని వీళ్లకు కోర్టు నోటీసులు ఇచ్చింది. సెంట్రల్ కన్స్యూమర్ ప్రొటెక్షన్ అథారిటీ అక్టోబర్ 20న ఈ నోటీసులు జారీ చేసింది. ఈ విషయాన్ని అలహాబాద్ హైకోర్టు లక్నో బెంచ్‌కు డిప్యూటీ సొలిసిటర్ జనరల్ ఎస్‌బీ పాండే తెలియజేశారు. అయితే ఈ గుట్కా ప్రకటనలకు సంబంధించిన కేసును అటు అత్యున్నత న్యాయస్థానం.. సుప్రీంకోర్టు కూడా విచారిస్తోంది.
ఇది కూడా చూడండి: Horoscope Today : నేటి రాశిఫలాలు(December 10th 2023)..బంధు మిత్రులతో ఆనందం
గుట్కా కంపెనీలకు ప్రకటనలు ఇస్తున్న నటీనటులు, ప్రముఖులపై చర్యలు తీసుకోవాలని గతంలోనే కోర్టులో పిటీషన్లు దాఖలు అయ్యాయి. అయితే అందులో కొంతమంది నటులు వెనక్కి తగ్గారు. కాని మరికొంత మంది స్టార్స్ మాత్రం ఈ విషయంలో స్పందించలేదు. అయితే వారిపై చర్యలు తీసుకోవాలని పిటీషనర్‌ కోర్టులో వాదించారు. అమితాబ్ బచ్చన్ కూడా ఈ ప్రకటనల్లో నటించారు. తర్వాత ఎగ్రిమెంట్‌ను రద్దు చేసుకున్నారు. అయినా అమితాబ్ ప్రకటనను ప్రదర్శిస్తున్నారని కోర్టుకు సమాచారం అందింది. ఈ కేసుపై తదుపరి విచారణ 2024 మే 9కి వాయిదా పడిందని వెల్లడించారు.
ఇది కూడా చూడండి: Guntur Karam: సెంకడ్ సింగిల్ అప్డేట్..క్రేజీ పోస్టర్ రిలీజ్
