టీమిండియా లెజండరీ క్రికెటర్, మాజీ కెప్టెన్ కపిల్ దేవ్ కిడ్నాప్ అయినట్లు ఓ వీడియో సోషల్ మీడియాలో వైరల్ (Kapil Dev Kidnap Video Viral) అవుతోంది. కొందరు అగంతకులు ఆయన నోటిని, చేతులను కట్టేసి లాక్కెళ్తున్నట్లు ఆ వీడియోలో ఉంది. ఈ వీడియోను టీమిండియా మాజీ క్రికెటర్ గౌతమ్ గంభీర్ నెట్టింట షేర్ చేశారు. వీడియోను షేర్ చేస్తూ ఆయన ఓ కామెంట్ చేశారు.
వైరల్ అవుతోన్న కపిల్ దేవ్ వీడియో:
Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp
— Gautam Gambhir (@GautamGambhir) September 25, 2023
కపిల్ దేవ్ (Kapil Dev)ను నిజంగానే కిడ్నాప్ చేశారా? అని గౌతమ్ గంభీర్ (Gautam Gambhir) ఆశ్చర్యం వ్యక్తం చేశారు. పాజీ క్షేమంగానే ఉన్నారా? అంటూ ట్వీట్ చేశారు. గంభీర్ షేర్ చేసిన ఆ వీడియో క్షణాల్లో వైరల్ అయ్యింది. లెజండరీ క్రికెటర్‌‌ను కొందరు కట్టేసి లాక్కెళ్లడాన్ని చూసి నెటిజన్స్ షాక్ అయ్యారు.
అయితే వాస్తవానికి ఇదొక అడ్వర్టైజ్‌మెంట్ అని, ఆ క్లిప్ దాని నుంచే బయటకు వచ్చిందని తెలుస్తోంది. ఈ వీడియో కపిల్ (Kapil Dev) అభిమానులను కాసేపు కలవర పెట్టినా ఆ తర్వాత అసలు మ్యాటర్ తెలియడంతో అందరూ నవ్వుకున్నారు. ప్రస్తుతం సోషల్ మీడియాలో ఈ వీడియో వైరల్ (Video Viral) అవుతోంది.
