ఈసారి ప్లేఆఫ్స్ చేరే జట్లను అంచనా వేయడం కాస్త కష్టమైన పనే. అయితే గుజరాత్ టైటాన్స్ ఆడుతున్న విధానం చూస్తుంటే.. డిఫెండింగ్ ఛాంపియన్ మరోసారి ప్లేఆఫ్స్ చేరేలా కనిపిస్తోంది. సమష్టిప్రదర్శనలతో విజయాలు అందుకుంటున్న నేపథ్యంలో వాళ్లు ప్లేఆఫ్స్ చేరేందుకు పెద్దగా కష్టపడాల్సిన అవసరం కూడా లేదు. ధోనీ సారథ్యంలోని చెన్నై సూపర్ కింగ్స్ కూడా సూపర్ ఫామ్‌లో ఉంది. వరుస విజయాలతో దూసుకెళ్తోంది. జట్టు నిండా మ్యాచ్ విన్నర్లు ఉండటంతో పాటు ధోనీకి ఇదే చివరి సీజన్ అని ప్రచారం జరుగుతున్న నేపథ్యంలో ఆ జట్టు కచ్చితంగా టైటిల్ గెలవాలనుకుంటుంది.
చదవండి: Rishabh Pant: జూనియర్లతో టేబుల్ టెన్నిస్ ఆడిన రిషబ్ పంత్..వీడియో వైరల్
వరుసగా రెండు మ్యాచ్‌ల్లో 200 పరుగుల లక్ష్యాన్ని చేధించిన ముంబై ఇండియన్స్ కూడా ప్లే ఆఫ్స్ చేరే అవకాశం ఉంది. కెప్టెన్ రోహిత్ శర్మ ఫామ్‌లోకి వస్తే ఆ జట్టుకు తిరుగుండదు. రాయల్ చాలెంజర్స్ బెంగళూరు కూడా ప్లే ఆఫ్స్ చేరే అవకాశం ఉంది. ఆ టీమ్‌లో నలుగురే ఆడుతున్నా.. జోష్ హజెల్‌వుడ్ రాకతో ఆర్‌సీబీ బలం పెరిగింది. రాజస్థాన్ రాయల్స్ కూడా రేసులో ఉన్నా.. మిగతా జట్లు వెనక్కినెట్టే అవకాశం ఉంది. నా అంచనా ప్రకారం ముంబై ఇండియన్స్, రాజస్థాన్ రాయల్స్‌ను వెనక్కునెట్టి ప్లే ఆఫ్స్ బెర్త్ ఖారారు చేసుకుంటుంది.’అని హర్భజన్ సింగ్ చెప్పుకొచ్చాడు. మరి ఆయన చెప్పింది ఎంత వరకు కరెక్ట్ అవుతుందో చూడాలి.
