Babar Azam: పాకిస్థాన్ జట్టు కెప్టెన్సీ బాధ్యతల నుంచి బాబర్ అజామ్‌ను వన్డే ప్రపంచ కప్ తర్వాత తప్పించిన సంగతి తెలిసిందే. అయితే షసీన్ అఫ్రిదిని టీ20లకు, షాన్ మసూద్‌ను టెస్టులకు కెప్టెన్లుగా పాకిస్థాన్ క్రికెట్ బోర్డు నియమించింది. టీ20 ప్రపంచ కప్ సమీపిస్తున్న తరుణంలో మరోసారి పాక్ బోర్డు కీలక నిర్ణయం తీసుకుంది. పరిమిత ఓవర్ల ఫార్మాట్‌కు బాబర్ అజామ్‌ను తిరిగి నియమించినట్లు తెలిపింది.
ఇది కూడా చూడండి: Janasena: మరో ఎమ్మెల్యే అభ్యర్థిని ప్రకటించిన పవన్ కల్యాణ్
పాకిస్థాన్ క్రికెట్ బోర్డు సెలక్షన్ కమిటీ నుంచి వచ్చిన ఏకగ్రీవ తీర్మానం మేరకు బాబర్ అజామ్‌ను మళ్లీ పరిమిత ఓవర్ల జట్టు బాధ్యతలను అప్పగిస్తూ పీసీబీ ఛైర్మన్ మోసిన్ నక్వీ నిర్ణయం తీసుకున్నారు. అయితే ఇటీవల న్యూజిలాండ్‌తో జరిగిన టీ20 సిరీస్‌లో పాకిస్థాన్ 1-4 తేడాతో కోల్పోయింది. ఆ సమయంలో పాక్‌న షహీన్ నడిపించగా.. అతనిపై విమర్శలు వచ్చాయి. ఇప్పుడు షహీన్‌ను తప్పించి మళ్లీ బాబర్‌కే జట్టు పగ్గాలను బోర్డు అప్పగించింది. జూన్ 1 నుంచి విండీస్-అమెరికా సంయుక్త ఆతిథ్యంలో టీ20 ప్రపంచ కప్ ప్రారంభం కానుంది.
ఇది కూడా చూడండి: Rahul Gandhi : నేతలను బెదిరిస్తున్నారు.. మహార్యాలీలో రాహుల్ గాంధీ
