వ‌న్డే ప్ర‌పంచ‌క‌ప్‌ (ODI World Cup)లో ఇప్పటి వరకూ ఒక్క మ్యాచ్ కూడా గెలవని ఆస్ట్రేలియా (Australia) జట్టు ఎట్ట‌కేల‌కు బోణీ కొట్టింది. వ‌రుస‌గా భారత్, దక్షిణాఫ్రికా చేతుల్లో ఓడిన ఆసీస్ నేటి మ్యాచ్‌లో విజయం సాధించింది. లక్నో వేదిక‌గా శ్రీలంక (SriLanka)తో జ‌రిగిన మ్యాచులో 5 వికెట్ల తేడాతో ఘన విజ‌యాన్ని పొందింది. 210 ప‌రుగుల ల‌క్ష్యాన్ని 5 వికెట్ల నష్టానికి 35.2 ఓవ‌ర్ల‌లోనే ఛేదించింది.
A big win for Australia with nearly 15 overs to spare, making it their first victory of the tournament!https://t.co/Dunv3p6qrq | #AUSvSL | #CWC23 pic.twitter.com/uo2BNEPZ7V
— ESPNcricinfo (@ESPNcricinfo) October 16, 2023
చదవండి: AFG vs ENG: ఇంగ్లాండ్‌కు షాక్.. ఆఫ్ఘన్ ఘన విజయం
ఆసీస్ బ్యాట‌ర్ల‌లో మిచెల్ మార్ష్ 52, జోష్ ఇంగ్లిస్ 58 పరుగులు చేసి హాఫ్ సెంచరీలతో చెలరేగారు. మార్న‌స్ ల‌బుషేన్ 40, మాక్స్‌వెల్ 31 పరుగులతో రాణించారు. శ్రీలంక బౌల‌ర్ల (Srilanka Bowlers)లో మధుశంక మూడు వికెట్లు పడగొట్టగా దునిత్ వెల్లలాగే ఓ వికెట్ తీశాడు.
చదవండి: Urvashi Rautela: భారత్-పాక్ మ్యాచ్‌లో గోల్డ్ ఐఫోన్ పోగొట్టుకున్న హాట్ బ్యూటీ
ఈ మ్యాచ్‌లో మొద‌ట బ్యాటింగ్ చేసిన శ్రీలంక జట్టు 43.3 ఓవర్లలో 209 పరుగులు చేసి ఆలౌట్ అయ్యింది. లంక బ్యాట‌ర్ల‌లో ఓపెన‌ర్లు పాతుమ్ నిస్సాంక 61, కుశాల్ పెరీరా 78 పరుగులు చేసి హాఫ్ సెంచరీలతో ఆకట్టుకున్నారు. అయితే మిగిలిన వారిలో చ‌రిత్ అస‌లంక 25, కెప్టెన్ కుశాల్ మెండిస్ 9, స‌దీర స‌మ‌ర‌విక్ర‌మ 8, ధ‌నుజంయ డిసిల్వా 7, క‌రుణ‌ర‌త్నే 2 పరుగులు చేసి విఫలం అయ్యారు. ఆసీస్ బౌలర్లలో ఆడమ్ జంపా 4 వికెట్లు పడగొట్టగా స్టార్క్, కమిన్స్ రెండేసి వికెట్లు, గ్లెన్ మాక్స్‌వెల్ ఓ వికెట్ తీశారు.
