జనసేన అధినేత పవన్ కళ్యాణ్ జగిత్యాల జిల్లాలో పర్యటించనున్నారు. ఈ సందర్భంగా ఆయన పర్యటన రూమ్ మ్యాప్ విడుదలైంది. మంగళవారం పవన్ కొండగట్టుకు వెళ్లనున్నారు. ఉదయం 11 గంటలకు కొండగట్టుకు చేరుకుని అంజన్న ఆలయంలో ప్రచార రథం వారాహికి ప్రత్యేక పూజలు చేయనున్నారు. పూజా కార్యక్రమాలు అయిన తర్వాత మధ్యాహ్నం 2 గంటలకు నాచుపల్లి శివారులోని రిసార్టుకి వెళ్లనున్నారు. అక్కడ పార్టీ ముఖ్య నేతలతో సమావేశం కానున్నారు.
రాబోవు రోజుల్లో తెలంగాణలో జనసేన అనుసరించే వ్యూహాలు, చేపట్టబోయే కార్యక్రమాల గురించి పార్టీ నేతలతో చర్చించనున్నారు. ఆ తర్వాత 32 నారసింహ క్షేత్రాల సందర్శన యాత్రను ప్రారంభించనున్నారు. సాయంత్రం 4 గంటలకు ధర్మపురి లక్ష్మీనారసింహ ఆలయంలో పూజా కార్యక్రమాల్లో పాల్గొననున్నారు. సాయంత్రం 5 గంటలకు జనసేన కార్యదర్శులతో పవన్ సమావేశమవ్వనున్నారు.
