డిసెంబర్ 2023లో జరిగిన అసెంబ్లీ ఎన్నికల్లో కాంగ్రెస్ పార్టీ విజయం సాధించినప్పటికీ, హైదరాబాద్‌లో ఒక్క సీటు కూడా గెలుచుకోలేకపోయింది. ఇది తెలంగా, అలాగే ఉమ్మడి ఆంధ్రప్రదేశ్ చరిత్రలో మొదటిసారి. నాంపల్లి, జ్యూబ్లీ హిల్స్ వంటి రెండు సీట్లు తప్ప, హైదరాబాద్ నగరంలో కాంగ్రెస్ పార్టీ BRS కి సరైన పోటీ ఇచ్చిన స్థానాలే లేవు.
Read Also: దీపావళికి AP మహిళలకు శుభవార్త
ప్రస్తుతం, ఎన్నికల తర్వాత కాంగ్రెస్ పార్టీ 2025లో జరగనున్న GHMC ఎన్నికలపై దృష్టి కేంద్రీకరించింది. ఈ నేపథ్యంలో, ఖైరతాబాద్ ఎమ్మెల్యే దానం నాగేందర్‌ను పార్టీకి ఆహ్వానించారు. మరికొంత మంది నేతలు కూడా, రాజేంద్రనగర్ ఎమ్మెల్యే ప్రకాష్ గౌడ్, శేరిలింగంపల్లి ఎమ్మెల్యే అరేకపూడి గాంధీ, కుకట్పల్లి ఎమ్మెల్యే మాధవరం కృష్ణరావు కాంగ్రెస్‌కు దగ్గరవుతున్నట్టు సమాచారం.
ఈ నేపథ్యంలో, కాంగ్రెస్ పార్టీ లో ముఖ్యమైన TPCC వర్కింగ్ ప్రెసిడెంట్ పదవిని మహిళకు అందించాలనే నిర్ణయానికి వచ్చింది. అనేక నేతల నుంచి కఠిన పోటీ ఉన్నా, కాంగ్రెస్ పార్టీ దీనిని ప్రముఖ రాజకీయవేత్త PJR కూతురు విజయా రెడ్డి‌కు ఇవ్వాలని నిర్ణయం తీసుకున్నట్టు సమాచారం. ఖైరతాబాద్ నుంచి గత ఎన్నికల్లో దానం నాగేందర్‌పై ఓడిన విజయా రెడ్డి, హైదరాబాద్ ప్రజలకు నమ్మకాన్ని కలిగించే అవకాశాలు ఉన్నాయని కాంగ్రెస్ నమ్ముతున్నది.
Read Also: Tirumala Laddu Issue: లడ్డు వివాదంపై YS జగన్ దూకుడు
PJR సానుభూతి కూడా వర్కౌట్ అయ్యి, ఈసారి విజయా రెడ్డి వాళ్ళ సిటీలో మేలు చేయగలదని కాంగ్రెస్ భావిస్తోంది. ఈ ఎన్నికల్లో కాంగ్రెస్‌కు ఇది ఎలా అనుకూలంగా మారుతుందో చూడాలి. 2025లో జరగనున్న GHMC ఎన్నికలలో విజయం సాధించడం కాంగ్రెస్ కు చాలా కీలకం.
