VSP: సింహాచలం సింహాద్రి అప్పన్న ఆలయంలో సోమవారం వేణుగోపాలుడు అలంకరణలో సింహాద్రి అప్పన్న భక్తులకు దర్శనం ఇచ్చారు. రాపత్తు ఉత్సవాల్లో భాగంగా ఉత్సవమూర్తి గోవిందరాజస్వామిని శిరస్సున నెమలి పించం చేతిలో పిల్లన గ్రోవి పట్టుకున్న వేణుగోపాలుడిగా అలంకరించిన తీరు భక్తులను ఆకట్టుకుంది.
SKLM: ఎచ్చెర్ల మండలంలోని అజ్జరాం గ్రామంలో ఎచ్చెర్ల అసెంబ్లీ నియోజకవర్గ తెలుగు యువత అధ్యక్షుడు, మాజీ సర్పంచ్ బోర శ్రీ నివాసరావు సోమవారం పేదలకు బట్టలు పంపిణీ చేశారు. తన తండ్రి, మాజీ సర్పంచ్ బోర తవిటినాయుడు జ్ఞాపకార్ధం గత 18 ఏళ్లుగా బట్టల పంపిణీ చేస్తున్నట్టు శ్రీనివాసరావు తెలిపారు. ఈ కార్యక్రమంలో తెదేపా నేత బోర రాము, సోమేశ్వరరావు, అప్పలరాజు ఉన్నారు.
EG: దవళేశ్వరంలో రాజమండ్రి రూరల్ నియోజకవర్గ టీడీపీ దళిత నాయకుల ఆత్మీయ సమావేశం సోమవారం జరిగింది. ఎమ్మెల్యే గోరంట్ల బుచ్చయ్య చౌదరి ముఖ్య అతిథిగా పాల్గొని మాట్లాడుతూ దళితులందరికీ న్యాయం జరుగుతుందన్నారు. దీనికి ప్రభుత్వం బడ్జెట్ కేటాయింపు చేయబోతుందని కావున ఎస్సీ వర్గీకరణకు పట్టు బట్టవద్దని, అలాగే దళితులందరూ కలసి ఒక్కటిగా ఐక్యంగా ఉండాలని కోరారు.
ప్రకాశం: వైసీపీ ప్రభుత్వంలో అర్బన్ డెవలప్మెంట్ అథారిటిలకు ఉన్న అధికారాలను స్థానిక సంస్థలకు అప్పగిస్తూ కూటమి ప్రభుత్వం నిర్ణయం తీసుకోవడంపై సర్పంచుల సంఘం వ్యవస్థాపక అధ్యక్షుడు వీరభద్రాచారి హర్షం వ్యక్తం చేశారు. ఒంగోలులో నిర్వహించిన సమావేశంలో ఆయన మాట్లాడారు. ఈనిర్ణయం వల్ల స్థానిక సంస్థలకు అధికారాలను కాపాడటంతో పాటు ఆదాయం పెరుగుతుందన్నారు.
NGKL: జిల్లాలో వెదురు సాగును ప్రోత్సహించాలని ప్రభుత్వం నిర్ణయించింది. నర్సరీల్లో మొక్కల్ని పెంచి రైతులకు పంపిణీ చేయనుంది. ఎకరంలో 60 మొక్కల్ని నాటుతారు. 30 ఏళ్ల వరకు సాగు చేసుకోవచ్చు. ఎకరాకు రూ.20 వేల పెట్టుబడితో ఏడాదికి రూ.40 వేలు-రూ.60 వేలు ఆదాయం వచ్చే వీలుంది. వెదురు వస్తువులకు, వెదురు నుంచి తీసే ఇథనాల్‌తో మంచి లాభాలు ఉన్నాయి.
NGKL: అమ్రాబాద్ మండలం తిర్మలాపురం గ్రామానికి చెందిన అమరేందర్ షూటింగ్ బాల్ క్రీడలో జాతీయ స్థాయి పోటీలకు ఎంపికైనట్లు షూటింగ్ బాల్ జిల్లా అసోసియేషన్ కార్యదర్శి రాఘవేందర్ సోమవారం వెల్లడించారు. ఈ సందర్భంగా రాఘవేందర్ మాట్లాడుతూ.. ఈనెల 17,18,19 తేదీలలో ఒడిస్సా రాష్ట్రంలో జరిగే షూటింగ్ బాల్ టోర్నీలో పాల్గొననున్నట్లు పేర్కొన్నారు.
నెల్లూరు: ఉదయగిరి మండలం బండగానిపల్లె పంచాయతీ కృష్ణారెడ్డి పల్లె గ్రామానికి చెందిన డి. సుధాకర్ రెడ్డి తన ఇంటిపై వెళ్తున్న మెయిన్ లైన్ విద్యుత్ తీగలను తొలగించాలని కోరుతున్నారు. ఈ సందర్భంగా సోమవారం ఆయన మాట్లాడుతూ.. తాను జానపద కోసం ఆ ప్రాంతాలకు వలస వెళ్లిన సమయంలో విద్యుత్ శాఖ అధికారులు తన ఇంటి మీదుగా విద్యుత్ లైన్ ఏర్పాటు చేశారన్నారు.
నెల్లూరు: భోగి సంక్రాంతి పండుగలను పురస్కరించుకుని గూడూరులోని పలుచోట్ల బొమ్మల కొలువు ఏర్పాటు చేశారు. పండుగ పర్వదినాన్ని పురస్కరించుకొని సాంప్రదాయ పద్ధతుల్లో ప్రతి ఇంట్లో కూడా వీటిని వివిధ రకాల బొమ్మలతో వైభవంగా అలంకరించారు. దూర ప్రాంతాల నుంచి గ్రామీణ ప్రాంతాలకు చేరుకున్న తమ కుటుంబాల వారు ఈ బొమ్మల కొలువు ఏర్పాటు చేయడంపై ఆసక్తి కనబరిచారు.
NDL: బనగానపల్లె మండలం, నందవరం గ్రామంలోని చౌడేశ్వరి దేవి అమ్మవారికి సోమవారం పౌర్ణమి పూజలు నిర్వహించారు. చౌడేశ్వరి దేవి అమ్మవారి ఆలయంలోని యోగశాలనందు అర్చకులు చండీ హోమం పూజలు చేశారు. అమ్మవారి ఉత్సవమూర్తికి ప్రత్యేక అలంకరణ చేసి సాయంత్రం పల్లకి సేవను వైభవంగా నిర్వహించారు. ఆలయానికి వచ్చిన భక్తులకు అర్చకులు తీర్థ ప్రసాదాలను అందజేశారు.
NDL: నందికొట్కూరు మండలం అల్లూరు గ్రామంలో సంక్రాంతి పండగ సందర్బంగా ఏర్పాటు చేసిన కబడ్డీ క్రీడను నందికొట్కూరు నియోజకవర్గ శాసనసభ్యులు గిత్త జయసూర్య ప్రారంభించారు . ఈ సందర్భంగా ఆయన మాట్లాడుతూ క్రీడాకారులు క్రీడా స్ఫూర్తితో పాటుపడాలని అన్నారు. ఈ కార్యక్రమంలో సర్పంచ్ చిన్న నాగలక్ష్మయ్య, సున్నంపల్లి శ్రీనివాసులు, పురుషోత్తం రెడ్డి, గ్రామ నాయకులు పాల్గొన్నారు.
HNK: హనుమకొండ జిల్లా కలెక్టర్ పీ.ప్రావీణ్య జిల్లా ప్రజలకు సంక్రాంతి శుభాకాంక్షలు తెలిపారు. ప్రజలందరు సంక్రాంతి పండుగను సుఖసంతోషాలతో, ఆనందోత్సావాలతో జరుపుకోవాలని కలెక్టర్ తెలిపారు. సంక్రాంతి పండుగ ప్రజలందరికి భోగభాగ్యాలు అందించాలని నూతన సంవత్సరంలో జిల్లా ప్రజలందరూ సుఖసంతోషాలతో, ఆనందోత్సావాలతో వెల్లివిరియాలని ఆకాంక్షిస్తున్నట్లు నేడు కలెక్టర్ తెలిపారు.
విజయనగరం: భోగి మంటలతో సమస్యలు దహనమవ్వాలని కాంగ్రెస్ పార్టీ పార్వతీపురం ఇంఛార్జ్ బత్తిన మోహన్ రావు అన్నారు. సోమవారం పట్టణ మెయిన్ రోడ్డులో వేసిన భోగిమంటల్లో పార్టీ నాయకులు వంగల దాలి నాయుడు, కోలా కిరణ్, సాయి శివ తదితరులతో కలిసి జిల్లాను వేధిస్తున్న సమస్యల వినత పత్రాన్ని దహనం చేశారు. ఈ భోగి మంటలతో అవి దహనమయ్యేలా పాలకులు, అధికారులు చర్యలు చేపట్టాలని కోరారు.
HNK: ఐనవోలు జాతరకు వచ్చేటువంటి భక్తులకు మెరుగైన వైద్య సేవలు అందించాలని హనుమకొండ డీఎంహెచ్‌వో డాక్టర్ ఏ.అప్పయ్య వైద్యాధికారులు, సిబ్బందికి సూచించారు. సోమవారం జాతరలో ఏర్పాటు చేసి వైద్య శిబిరమును సందర్శించి అక్కడ అందిస్తున్నటువంటి సేవలను ఆయన పరిశీలించారు. ఈ శిబిరంలో ప్రాథమిక వైద్య సేవలు అందించడం జరుగుతుందన్నారు.
విశాఖ: సింహాచలంలో కనుమ పండుగ పురస్కరించుకొని ఈనెల 15వ తేదీన శ్రీ వరాహ లక్ష్మీనరసింహ స్వామి గజేంద్రమోక్ష ఉత్సవం వైభవంగా నిర్వహించనున్నారు. ఈ సందర్భంగా ఆరోజు స్వామి వారికి విశేష పూజలు నిర్వహించనున్నట్లు ఆలయ అధికారులు సోమవారం పేర్కొన్నారు. అనంతరం స్వామివారిని గ్రామపురవీధుల్లో తిరువీధోత్సవం నిర్వహించనున్నారు.
PPM: వైసీపీ సీనియర్ నాయకులు, సంఘ సేవకులు, విస్ డమ్ కోచింగ్ సెంటర్ డైరెక్టర్ కేతిరెడ్డి రాఘవ కుమార్ సంక్రాంతి పండగ, వారి తల్లిదండ్రులు స్వామి నాయుడు సావిత్రమ్మ జ్ఞాపకార్థంగా పేద మహిళలకు చీరలు పంపిణీ చేశారు. ఈ సందర్భంగా ఆయన మాట్లాడుతూ.. గత 20 సం.విద్యార్థులకు ఉచిత విద్యను అందించి పేదలకు వైద్య సహాయం అందించటం, మొక్కలు నాటించడం చేస్తున్నామని తెలిపారు.
