KNR: భీమదేవరపల్లి మండలం కొత్తకొండ శ్రీ వీరభద్ర స్వామి ఆలయం విద్యుత్ కాంతులతో సుందర దృశ్యంగా కనిపిస్తోంది బ్రహ్మోత్సవాలకు చుట్టుపక్కల జిల్లాలే కాకుండా మహారాష్ట్ర, ఆంధ్రప్రదేశ్, కర్ణాటక, ఒడిశా, తమిళనాడు రాష్ట్రాల నుంచి వచ్చిన భక్తులు భద్రకాళి సమేత వీరభద్ర స్వామిని దర్శించుకుంటున్నారు. భక్తులు బ్రహ్మోత్సవాల్లో పాల్గొనేందుకు తరలివస్తున్నారు.
KRNL: నేటి నుంచి ఈనేల 18 వరకు జరుగుతున్న ఇంటర్ యూనివర్సిటీ వెయిట్ లిఫ్టింగ్ లవ్లీ ప్రొఫెషనల్ యూనివర్సిటీలో జరుగుతున్నాయి. ఈ పోటీల్లో చండీగఢ్ యూనివర్సిటీలో డిగ్రీ 2వ సంవత్సరం చదువుతున్న డీజీ వీరేష్, 55 కేజీల భాగంలో స్వర్ణ పతకం సాధించాడు. ఎమ్మిగనూరు రాళ్లదొడ్డి గ్రామానికి చెందిన డీజీ వీరేశ్ తండ్రి పేరు డీజీ ఆంజనేయ, పేద రైతు కుటుంబానికి చెందినవారు.
విశాఖ: నకిలీ జీఎస్టీ ఇన్వాయిస్‌లతో అక్రమాలకు పాల్పడుతున్న వ్యక్తిని జీఎస్టీ ఇంటెలిజెన్స్ అధికారులు పూర్తిస్థాయిలో ఆరాతీస్తున్నారు. తమిళనాడు వేలూరు ప్రాంతానికి చెందిన మహమ్మద్ సాహిం అరెస్టు చేసి కోర్టులో హాజరు పరిచారు. కర్ణాటక, ఆంధ్ర, తమిళనాడు ప్రాంతాల్లో కూడా నకిలీ ఇన్వాయిస్‌లతో కోట్ల రూపాయలు మోసాలకు పాల్పడ్డాడని అధికారులు చెబుతున్నారు.
KDP: ఎంపీ వైఎస్ అవినాశ్ రెడ్డి వేంపల్లె వైస్ ఎంపీపీ బాబా షరీఫ్ వైఎస్సార్ ఫోటోలతో చిత్రీకరించిన డైరీని ఆవిష్కరించారు. ఈ సందర్భంగా బుధవారం పులివెందులలోని ఎంపీ స్వగృహంలో బాబా షరీఫ్ కోరిక మేరకు డైరీని ఆవిష్కరించారు. వైఎస్ కుటుంబంపై అభిమానంతో వైఎస్సార్ కుటుంబ సభ్యుల ఫోటోలతో చేయించి తన అభిమానాన్ని చాటుకున్నందుకు ఎంపీ అభినందించారు.
ఐర్లాండ్ మహిళల జట్టుతో జరిగిన మూడో వన్డేలో భారత మహిళల జట్టు భారీ విజయం సాధించింది. 436 పరుగుల లక్ష్యంతో బరిలోకి దిగిన ఐర్లాండ్.. 31.4 ఓవర్లలో 131 పరుగులకు ఆలౌటైంది. భారత బౌలర్లలో తనూజా 2, దీప్తి 3, సయాలీ 1, సాధు 1, మిన్ను మని 1 వికెట్ తీశారు. తొలుత బ్యాటింగ్ చేసిన టీమిండియా 435/5 రికార్డు స్కోరు చేసింది. ప్రతికా రావల్(154), స్మృతీ మంధాన(135) శతకాలు చేశారు.
TG: మోహన్ బాబు వర్సిటీ వద్ద హైటెన్షన్ నెలకొంది. మంచు మనోజ్‌ను పోలీసులు వర్సిటీ లోపలికి అనుమతించకపోవడంతో మూడో గేట్ నుంచి లోపలికి వెళ్లిపోయాడు. మనోజ్ మాట్లాడుతూ.. ‘మా తాత నాన్నమ్మ సమాధులకు దండం పెట్టుకుందామని వర్సిటీకి వచ్చాను. మేము ఇక్కడికి వస్తున్నాం అని తెలిసి ఢిల్లీ నుంచి బౌన్సర్లను తీసుకొచ్చారు. పోలీసుల లాఠీలను రౌడీలు పట్టుకుని తిరుగుతున్నారు’ అని అన్నారు.
KMM: ఐదు రోజుల సుదీర్ఘ విరామం అనంతరం ఖమ్మం వ్యవసాయ మార్కెట్ గురువారం రోజున తిరిగి ప్రారంభం కానుంది. శని, ఆదివారం వారాంతపు యార్డు బంద్, సోమ, మంగళ, బుధవారం సంక్రాంతి సందర్భంగా మార్కెట్ బంద్ ఉంది. దీంతో రేపు ప్రారంభం కానుండగా.. రైతులు నాణ్యమైన సరకులను మార్కెటుకు తీసుకొని వచ్చి మంచి ధర పొందాలని అధికారులు వెల్లడించారు.
విశాఖ: అరకులోయ మండలం గిర్లిగూడ గ్రామం నుంచి డుంబ్రిగుడ మండలం పరిశీల గ్రామానికి సుమారు నాలుగున్నర కిలోమీటర్ల రోడ్డు, మధ్యలో వంతెన నిర్మాణం చేపట్టాలని సీపీఎం పార్టీ మండల కార్యదర్శి కిండంగి రామారావు డిమాండ్ చేశారు. ఈమేరకు బుధవారం స్థానికులతో కలిసి నిరసన తెలిపారు. ఆయా గ్రామాలకు రహదారి సౌకర్యం లేకపోవడంతో స్థానికులు తీవ్ర ఇబ్బందులు పడుతున్నారని ఆవేదన చెందుతున్నారు.
విశాఖ: ఆరిలోవ తోటగరువులో మురళీకృష్ణ క్రికెట్ క్లబ్ ఆధ్వర్యంలో పది రోజుల నుంచి నిర్వహిస్తున్న టీపీఎల్ క్రికెట్ టోర్నమెంట్ బుధవారం ముగిసింది. టోర్నమెంట్లో కేఈ టైటాన్ జట్టు విజేతగా నిలిచింది. విజేతగా నిలిచిన కేఈ టైటాన్స్ జట్టుకు రూ.20 వేల నగదు బహుమతి అందజేశారు. ద్వితీయ స్థానంలో నిలిచిన శ్రీవాసు లయన్స్‌కు రూ.10 వేల నగదు అందజేసినట్లు నిర్వాహకులు తెలిపారు.
NGKL: పదర మండలం ఉడి మిళ్లలో రైతు సంఘం ఆధ్వర్యంలో బుధవారం ఏర్పాటు చేసిన ఎద్దుల బండలాగుడు పోటీలను ఎమ్మెల్యే వంశీ కృష్ణ ప్రారంభించారు. మొదటి బహుమతి రూ.50 వేలు, రెండవ బహుమతి రూ.30 వేలు, 3వ బహుమతి రూ.20వేలుగా నిర్వాహకులు ప్రకటించారు. సంక్రాతి పండుగ బండలాగుడు పోటీలు ఏర్పాటు చేయడం అభినందనీయమని నిర్వాహకులను ఎమ్మెల్యే అభినందించారు.
MHBD: ప్రభుత్వ పథకాలను క్షేత్రస్థాయిలో అర్హులైన ప్రతి ఒక్కరికి అందించాలని జిల్లా కలెక్టర్ అద్వైత్ కుమార్ సింగ్ సూచించారు. బుధవారం కలెక్టరేట్లో ఆయన ప్రత్యేక అధికారులు, ఎంపీడీవోలు, తహసీల్దార్లు, ఎంపీఓలు, మున్సిపల్ కమిషనర్స్, సంబంధిత అధికారులతో సమావేశం నిర్వహించారు. ప్రభుత్వం అమలు చేస్తున్న సంక్షేమ పథకాలపై కలెక్టర్ పలు సూచనలు చేశారు.
WGL: నర్సంపేట మాజీ ఎమ్మెల్యే పెద్ది సుదర్శన్ రెడ్డి ఈరోజు అన్నారం షరీఫ్ దర్గాకు గిలాఫ్ సమర్పించారు. ఈనెల 16, 17న అన్నారం షరీఫ్‌లో దర్గా ఉత్సవాలు జరగనున్న నేపథ్యంలో ముస్లిం మత పెద్దల సమక్షంలో ఈరోజు ఉదయం ఆయన గిలాఫ్ సమర్పించారు. మాజీ MLA, ప్రజలంతా అల్లా దీవెనలతో నిండు నూరేళ్లు సుఖసంతోషాలతో ఆయురారోగ్యాలతో ఉండాలని వారు దీవించారు.
NRML: నిర్మల్‌లోని ఇస్లాంపుర కమల్ పౌష్ మసీద్ కమిటీ బుధవారం జిల్లా కేంద్రం‌లోని డీసీసీ క్యాంపు కార్యాలయంలో శ్రీహరి రావును మర్యాదపూర్వకంగా కలిసారు. ఈ సందర్భంగా మసీద్ సమస్యలను పరిష్కరించాలని అభివృద్ధికి సహకరించాలని కోరారు. అందుకు డీసీసీ అధ్యక్షులు సమస్యల పరిష్కారానికి కృషి చేస్తానని హామీ ఇచ్చారు. మసీద్ కమిటీ అధ్యక్షులు మినాజ్, సభ్యులు పాల్గొన్నారు.
ప్రకాశం: కనిగిరిలో రిటైర్డ్ ఎమ్మార్వో చీదర్ల సభాపతిరావు అనారోగ్య కారణంగా బుధవారం తన స్వగృహంలో మృతి చెందారు. ఆయన మృతదేహానికి వ్యవసాయ కార్మిక సంఘం జిల్లా ఉపాధ్యక్షులు బడుగు వెంకటేశ్వర్లు, రిటైర్డ్ ఎమ్మార్వో పూలమాల వేసి నివాళులర్పించారు. ఈ సందర్భంగా వారు మాట్లాడుతూ వివాదరహితుడుగా సభాపతిరావు పేరు సంపాదించుకున్నారన్నారు.
ATP: బీజేపీ సీనియర్ నేత, ఎంపీ లక్ష్మణ్ కదిరి పర్యటనకు బయలుదేరారు. హైదరాబాద్ నుంచి బెంగళూరు విమానాశ్రయానికి చేరుకున్న ఆయనకు బీజేపీ రాష్ట్ర ఉపాధ్యక్షుడు విష్ణువర్ధన్ రెడ్డి స్వాగతం పలికారు. అనంతరం ఆయన బెంగళూరు నుంచి కదిరికి రోడ్డు మార్గంలో బయలుదేరారు. కదిరిలో నిర్వహించనున్న పార్టీ సమావేశంలో పాల్గొని నేతలు, కార్యకర్తలకు దిశా నిర్దేశం చేయనున్నారు.
