NLG: మిర్యాలగూడ పట్టణంలో కనుమ పండుగ సంబరాలను ఎమ్మెల్యే లక్ష్మారెడ్డి క్యాంపు కార్యాలయంలో బుధవారం ఘనంగా నిర్వహించారు. ఈ సందర్భంగా ఎమ్మెల్యే లక్ష్మారెడ్డి మాట్లాడుతూ.. గతంలో పాలకులు చేసిన పాపాలు పోయి కాంగ్రెస్ ప్రభుత్వం సీఎం రేవంత్ రెడ్డి నేతృత్వంలో ప్రజలందరికీ మంచి జరగాలన్నారు. రైతాంగానికి కాంగ్రెస్ ప్రభుత్వం అన్ని విధాలుగా అండగా ఉంటుందని అన్నారు.
NLG: పట్టణ భవన నిర్మాణ కార్మిక సంఘం INTUC నూతన క్యాలెండర్‌ను బుధవారం మంత్రి కోమటిరెడ్డి క్యాంపు కార్యాలయంలో ఆవిష్కరించారు. పట్టణ కాంగ్రెస్ అధ్యక్షులు గుమ్ముల మోహన్ రెడ్డి, మున్సిపల్ ఛైర్మన్ బుర్రి శ్రీనివాస్ రెడ్డి మాట్లాడుతూ.. కాంగ్రెస్ ప్రభుత్వం కార్మికులకు అండగా ఉంటుందని తెలిపారు. ఈ కార్యక్రమంలో మహమ్మద్ మహమూద్ తదితరులు పాల్గొన్నారు.
NLG: పదోన్నతి పొందిన SIలకు పదవితోపాటు బాధ్యతలు పెరుగుతాయని క్రమశిక్షణ బాధ్యతగా పనిచేస్తూ ప్రజల మన్ననలు పొందాలని జిల్లా SP పవార్ అన్నారు. బుధవారం జిల్లా పోలీస్ కార్యాలయంలో ASI నుంచి SIగా పదోన్నతి పొందిన 11 మందికి స్టార్‌లు అందజేసి శుభాకాంక్షలు తెలిపారు. పీఎస్‌కు వచ్చే బాధితుల పట్ల మర్యాదగా మెలిగి సమస్యలు పరిష్కరించి వారికి న్యాయం చేయాలని సూచించారు.
PDPL: ఓదెల మండల కేంద్రానికి చెందిన తెలుగు సినీ పరిశ్రమ ప్రముఖ డైరెక్టర్ సంపత్ నంది సంక్రాంతి పండుగ ఉత్సవాలను తన స్వగ్రామంలో కుటుంబ సభ్యులతో కలిసి జరుపుకున్నారు. గ్రామంలోని వ్యవసాయ క్షేత్రాన్ని కుటుంబ సభ్యులతో కలిసి సందర్శించారు. గ్రామంలోనే ఉంటూ సంక్రాంతి సంబరాల్లో పాల్గొన్నారు. కుమారుడితో వ్యవసాయ రంగం ప్రాముఖ్యత, అన్నదాతల కష్టాలను వివరించారు.
GNTR: తాడేపల్లి పట్టణ పరిధిలో ఉన్న ఓ వైన్ షాపు వద్దకు వచ్చిన కారు అదుపుతప్పి ప్రక్కనే ఉన్న నివాసంలోకి దూసుకెళ్లిన ఘటన బుధవారం చోటు చేసుకుంది. కాగా ప్రమాదంలో ఎవరికి గాయాలు కాకపోవడంతో స్థానికులు ఊపిరి పీల్చుకున్నారు. ఇళ్ల మధ్యలో మద్యం దుకాణం ఉండటం వలన తీవ్ర ఇబ్బందులకు గురవుతున్నామని స్థానికులు ఆందోళన చెందుతున్నారు. తరచుగా ఇటువంటి ఘటనలు జరుగుతున్నాయి.
పల్నాడు: బొల్లాపల్లి మండలంలో సంక్రాంతి పండుగ శుభ సందర్భంగా క్రికెట్ టోర్నమెంట్ పోటీలు నిర్వహించారు. ఈ పోటీల్లో గెలుపొంది ప్రధమ స్థానంలో నిలిచిన రేమిడిచర్ల ప్రీమియం జట్టుకు మండల టీడీపీ అధ్యక్షుడు జరపాల గోవింద్ నాయక్ మెమోంటోతో పాటు రూ. 10,116/- నగదు బహుమతి ప్రదానం చేశారు. ఈ కార్యక్రమంలో మండల ప్రజలు పాల్గొన్నారు.
కోనసీమ: సంక్రాంతి పండుగ సందర్భంగా సొంత ఊర్లకు వచ్చిన ప్రజలకు సాధారణ చార్జీలతోనే ప్రత్యేక బస్సులు ఏర్పాటు చేసినట్లు APSRTC రావులపాలెం డిపో మేనేజర్ G.V. V రమణ బుధవారం తెలిపారు.16వ తేదీ నుంచి హైదరాబాద్‌కు నాన్ స్టాప్, విజయవాడ బైపాస్ సర్వీస్, విశాఖపట్నం, సాలూరు, పార్వతీపురం ప్రత్యేక బస్సులు నడుపుతున్నట్లు చెప్పారు. ఆన్‌లైన్ ద్వారా టికెట్స్ బుక్ చేసుకోవాలన్నారు.
SRCL: దిల్ రాజు ప్రొడక్షన్‌లో రాంచరణ్ నటించిన గేమ్ ఛేంజర్ సినిమాలో ఓ సీన్‌న్ను రాజన్న సిరిసిల్ల జిల్లా తంగళ్లపల్లి మండలం కస్బేకట్కూర్ గ్రామంలో చిత్రీకరించారు. ఒకరోజు షూట్ చేసిన ఈ సీన్‌లో మానేరు అందాలు వెండితెరపై కనువిందు చేశాయి. సుమారు రెండు నిమిషాల నిడివిగల ఈ సినిమాలో గ్రామస్థులు కూడా బ్యాక్‌ గ్రాండ్‌లో కనిపిస్తారు.
కాకినాడ: రూరల్ మండలం రమణయ్యపేట చేపల మార్కెట్ కూరగాయల కొట్టు వద్ద అగ్నిప్రమాదం జరిగింది. షార్ట్ సర్క్యూట్ కారణంతో ఒక్కసారిగా మంటలు చెలరేగాయి. ఇది చూసిన స్థానికులు వెంటనే మంటలను ఆర్పివేసి అదుపు చేశారు. సకాలంలో స్పందించడంతో ప్రాణ నష్టం జరగలేదని స్థానికులు తెలిపారు. ఈరోజు మార్కెట్లో పెద్దగా జనం లేకపోవడం, షాపులు మూసివేసి ఉండడంలో పెను ప్రమాదం తప్పిందన్నారు.
కోనసీమ: రామచంద్రపురం పట్టణంలో జరుగుతున్న సంక్రాంతి సంబరాలలో భాగంగా బుధవారం కార్మిక శాఖ మంత్రి వాసంశెట్టి సుభాష్ ఎడ్ల బండిపై సందడి చేశారు. ఈ సందర్భంగా మంత్రి మాట్లాడుతూ.. సంక్రాంతి ప్రత్యేకించి రైతాంగానికి సంబంధించిన ప్రధాన పండుగని పేర్కొన్నారు. కనుమ పండుగ రోజు పశువులను పూజించే సాంప్రదాయం మన తెలుగువారిదన్నారు.
KNR: భీమదేవరపల్లి మండలం కొత్తకొండ శ్రీ వీరభద్ర స్వామి ఆలయం విద్యుత్ కాంతులతో సుందర దృశ్యంగా కనిపిస్తోంది బ్రహ్మోత్సవాలకు చుట్టుపక్కల జిల్లాలే కాకుండా మహారాష్ట్ర, ఆంధ్రప్రదేశ్, కర్ణాటక, ఒడిశా, తమిళనాడు రాష్ట్రాల నుంచి వచ్చిన భక్తులు భద్రకాళి సమేత వీరభద్ర స్వామిని దర్శించుకుంటున్నారు. భక్తులు బ్రహ్మోత్సవాల్లో పాల్గొనేందుకు తరలివస్తున్నారు.
KRNL: నేటి నుంచి ఈనేల 18 వరకు జరుగుతున్న ఇంటర్ యూనివర్సిటీ వెయిట్ లిఫ్టింగ్ లవ్లీ ప్రొఫెషనల్ యూనివర్సిటీలో జరుగుతున్నాయి. ఈ పోటీల్లో చండీగఢ్ యూనివర్సిటీలో డిగ్రీ 2వ సంవత్సరం చదువుతున్న డీజీ వీరేష్, 55 కేజీల భాగంలో స్వర్ణ పతకం సాధించాడు. ఎమ్మిగనూరు రాళ్లదొడ్డి గ్రామానికి చెందిన డీజీ వీరేశ్ తండ్రి పేరు డీజీ ఆంజనేయ, పేద రైతు కుటుంబానికి చెందినవారు.
విశాఖ: నకిలీ జీఎస్టీ ఇన్వాయిస్‌లతో అక్రమాలకు పాల్పడుతున్న వ్యక్తిని జీఎస్టీ ఇంటెలిజెన్స్ అధికారులు పూర్తిస్థాయిలో ఆరాతీస్తున్నారు. తమిళనాడు వేలూరు ప్రాంతానికి చెందిన మహమ్మద్ సాహిం అరెస్టు చేసి కోర్టులో హాజరు పరిచారు. కర్ణాటక, ఆంధ్ర, తమిళనాడు ప్రాంతాల్లో కూడా నకిలీ ఇన్వాయిస్‌లతో కోట్ల రూపాయలు మోసాలకు పాల్పడ్డాడని అధికారులు చెబుతున్నారు.
KDP: ఎంపీ వైఎస్ అవినాశ్ రెడ్డి వేంపల్లె వైస్ ఎంపీపీ బాబా షరీఫ్ వైఎస్సార్ ఫోటోలతో చిత్రీకరించిన డైరీని ఆవిష్కరించారు. ఈ సందర్భంగా బుధవారం పులివెందులలోని ఎంపీ స్వగృహంలో బాబా షరీఫ్ కోరిక మేరకు డైరీని ఆవిష్కరించారు. వైఎస్ కుటుంబంపై అభిమానంతో వైఎస్సార్ కుటుంబ సభ్యుల ఫోటోలతో చేయించి తన అభిమానాన్ని చాటుకున్నందుకు ఎంపీ అభినందించారు.
ఐర్లాండ్ మహిళల జట్టుతో జరిగిన మూడో వన్డేలో భారత మహిళల జట్టు భారీ విజయం సాధించింది. 436 పరుగుల లక్ష్యంతో బరిలోకి దిగిన ఐర్లాండ్.. 31.4 ఓవర్లలో 131 పరుగులకు ఆలౌటైంది. భారత బౌలర్లలో తనూజా 2, దీప్తి 3, సయాలీ 1, సాధు 1, మిన్ను మని 1 వికెట్ తీశారు. తొలుత బ్యాటింగ్ చేసిన టీమిండియా 435/5 రికార్డు స్కోరు చేసింది. ప్రతికా రావల్(154), స్మృతీ మంధాన(135) శతకాలు చేశారు.
