కృష్ణా: నైపుణ్య అభివృద్ధి సంస్థ ఆధ్వర్యంలో పెనుమూరు మండలం తాడిగడప కృష్ణవేణి డిగ్రీ కళాశాలలో జరిగిన జాబ్ మేళాలో యువకులు ఈరోజు ఉత్సాహంగా పాల్గొన్నారు. నేటి యువతీ యువకులు చదువుకు తగ్గ ఉద్యోగం రాలేదని నిరుత్సాహ పడకుండా, వచ్చిన అవకాశాన్ని సద్వినియోగం చేసుకుని ముందుకు సాగాలని ఎమ్మెల్యే బోడే ప్రసాద్ సూచించారు. ఈ కార్యక్రమంలో కంపెనీల ప్రతినిధులు పాల్గొన్నారు.
సూర్యాపేట: పదో తరగతి పరీక్షలను పారదర్శకంగా, ప్రశాంత వాతావరణంలో నిర్వహించాలని జిల్లా కలెక్టర్ తేజస్ నంద్ లాల్ పవార్ అధికారులను ఆదేశించారు. శనివారం కలెక్టరేట్లో చీఫ్ సూపరిండెంట్లు, డిపార్ట్మెంటల్ అధికారుల ఓరియంటేషన్ సమావేశంలో ఆయన మాట్లాడారు. జిల్లాలో 69 కేంద్రాల్లో 12,403 మంది విద్యార్థులు పరీక్షలు రాయనున్నారని అన్నారు.
ప్రకాశం: కంభంలోని స్థానిక పోలీస్ స్టేషన్ ప్రాంగణంలో శనివారం స్వచ్ఛాంధ్ర, స్వర్ణాంధ్ర కార్యక్రమాన్ని నిర్వహించారు. ఈ సందర్భంగా ఎస్సై శివకృష్ణారెడ్డి పరిసరాల పరిశుభ్రతపై సిబ్బందికి అవగాహన కల్పించారు. శుభ్రమైన వాతావరణం కోసం అందరూ కలిసి పనిచేయాలని ఎస్సై సూచించారు. ఈ కార్యక్రమంలో పోలీసు సిబ్బంది, తదితరులు పాల్గొన్నారు.
SKLM: పరిశ్రమలలో ప్రమాదాలు సంభవించినప్పుడు అప్రమత్తత, సమన్వయం ఎంతో కీలకమని జిల్లా పరిశ్రమల సంయుక్త తనిఖీ అధికారి శివశంకర్ అన్నారు. శనివారం పైడి భీమవరం సరగడపేటలో పరిశ్రమల్లో విషవాయువు లీకేజీ అయినప్పుడు ఏ విధంగా తప్పించుకోవాలో అనే దాని పై మాక్ డ్రిల్ను నిర్వహించారు. ఈ కార్యక్రమంలో జిల్లా విపత్తు నిర్వహణ అధికారి రాము, జిల్లా అగ్నిమాపక శాఖ అధికారి మోహనరావు ఉన్నారు.
TG: తాను పీసీసీ అధ్యక్షుడిని అయ్యే నాటికి పార్టీ పరిస్థితి క్లిష్టంగా ఉండేదని సీఎం రేవంత్ రెడ్డి అన్నారు. పార్టీలోనూ కొందరి నుంచి వ్యతిరేకత ఎదుర్కొన్నానని తెలిపారు. నేతలందరినీ కలిసి తన ఆలోచనలు చెప్పి.. అందరినీ ఒప్పించానన్నారు. అందరం కృషి చేయడంతో పార్టీ ఓటింగ్ 2.5 శాతం నుంచి 40 శాతానికి చేరిందన్నారు.
GNTR: శాసనమండలిలో వైసీపీ నేతలు ప్రదర్శించిన తీరును సభ్య సమాజం హర్షించదని గుంటూరు పశ్చిమ ఎమ్మెల్యే గల్లా మాధవి విమర్శించారు. శనివారం తన క్యాంప్ కార్యాలయంలో మాట్లాడిన ఆమె, వేంకటేశ్వరస్వామి ఫోటోలు పట్టుకుని, కాళ్లకు షూలు వేసుకుని సభలోకి రావడం అపచారమని మండిపడ్డారు. దేవుడి పట్ల భక్తి లేని ఇలాంటి చర్యలు క్షమించరానివని ఆగ్రహం వ్యక్తం చేశారు.
నిర్మల్లోని మున్సిపల్ కార్యాలయం వెనుక భాగంలో గల భవనాన్ని మున్సిపల్ వైస్ ఛైర్మన్ అప్పాల గణేష్ చక్రవర్తి, కమిషనర్ జగదీశ్వర్ గౌడ్, డీఈ హరిభువన్ కలిసి శనివారం పరిశీలించారు. ప్రస్తుత కార్యాలయ భవనం శిథిలావస్థకు చేరుకోవడంతో కార్యాలయాన్ని నూతన భవనానికి తరలించాలని నిర్ణయించారు. కొత్త భవనంలో అవసరమైన మరమ్మతులు, మార్పులపై సమీక్షించారు.
క్రికెట్ ప్రపంచంలో భారత్-పాకిస్తాన్ మ్యాచ్కు ఉండే క్రేజ్ అంతా ఇంతా కాదు. తాజాగా టీ20 ప్రపంచకప్లో ఈ రెండు జట్ల మధ్య జరిగిన పోరు వ్యూవర్షిప్ రికార్డులను తిరగరాసింది. అయితే, ఈ దాయాది జట్లు మరో కీలక టోర్నీలో తలపడే అవకాశం ఉన్నట్లు తెలుస్తోంది. ఈ ఏడాది సెప్టెంబర్లో జరిగే ఆసియా గేమ్స్లో క్రికెట్ కూడా ఉండటంతో, అక్కడ IND-PAK పోరు జరిగే అవకాశం ఉంది.
TG: ప్రజల సమస్యలు తెలుసుకునేందుకు రాహుల్ గాంధీ కన్యాకుమారి నుంచి కశ్మీర్ వరకు పాదయాత్ర చేశారని సీఎం రేవంత్ రెడ్డి అన్నారు. ఉమ్మడి రాష్ట్రంలో YS రాజశేఖర్ రెడ్డి పాదయాత్ర చేసి ప్రజల మధ్య రోజుల తరబడి ఉన్నారన్నారు. కాంగ్రెస్ పార్టీలో తొలి నుంచి భిన్నాభిప్రాయాలు వెలువరించే సంస్కృతి, స్వేచ్ఛ ఉందన్నారు. భిన్నాభిప్రాయాలు చెప్పినంత మాత్రాన వారిని వేధించే సంస్కృతి లేదన్నారు.
ADB: తలమడుగు మండలంలోని సుంకిడి గ్రామంలో శనివారం బోథ్ ఎమ్మెల్యే అనిల్ జాదవ్ పర్యటించారు. ముందుగా గ్రామంలోని హనుమాన్ ఆలయాన్ని దర్శించుకుని, ప్రత్యేక పూజలు నిర్వహించారు. గ్రామంలోని ప్రజలతో మాట్లాడి పలు సమస్యలను అడిగి తెలుసుకున్నారు. త్వరలోనే గ్రామంలోని అన్ని సమస్యలను పరిష్కరిస్తామని ఎమ్మెల్యే హామీ ఇచ్చారు. ఈ కార్యక్రమంలో మండల నాయకులు తదితరులు ఉన్నారు.
PPM: బొబ్బిలి పట్టణానికి చెందిన ఓ వ్యక్తి ఏడాది వయస్సు ఉన్న తన మనవరాలితో పొరపాటున పార్వతీపురం వచ్చారు. అక్కడ అచేతనగా ఉండడంతో అతనిని స్థానికులు వాకబు చేయగా పొంతనలేని సమాధానం చెప్పారు. వెంటనే పట్టణ సీఐ వెంకటరావుకు సమాచారం అందించగా, చిన్నారిని, వృద్ధుని పోలీసు సంరక్షణలో ఉంచి తల్లిదండ్రులకు సమాచారం అందించారు. వారికి పాపను సురక్షితంగా అందించారు.
కన్నడ స్టార్ యష్, దర్శకురాలు గీతూ మోహన్ దాస్ కాంబోలో ‘టాక్సిక్’ మూవీ తెరకెక్కుతోంది. తాజాగా ఈ సినిమాలో బిగ్ సర్ప్రైజ్ ఉండబోతున్నట్లు వార్తలు వినిపిస్తున్నాయి. ఇందులో యష్ డ్యూయెల్ రోల్లో కనిపించనున్నట్లు టాక్ వినిపిస్తోంది. రాయా, రూమి అనే పాత్రలతో ఆయన అలరించనున్నట్లు సమాచారం. మరి ఇందులో ఎంతవరకు నిజం ఉందో తెలియాల్సి ఉంది. ఇక ఈ మూవీ 2026 మార్చి 19న విడుదలవుతుంది.
MNCL: జన్నారం మండలంలోని ప్రభుత్వ నర్సరీలలో మొక్కలు ఎండిపోకుండా చర్యలు తీసుకుంటున్నామని ఈజీఎస్ ఏపీవో రవీందర్ తెలిపారు. శనివారం జన్నారం మండలంలోని మహమ్మదాబాద్, రోటిగూడాలలో ఉన్న ప్రభుత్వ నర్సరీలను సందర్శించి నిర్వాహకులకు సూచన చేశారు. వేసవి నేపథ్యంలో మొక్కలకు నీరు పోసి కాపాడాలని ఆయన సూచించారు. ఆ గ్రామాల శివారులలోని అటవీ ప్రాంతాలలో ఉపాధి పనులను పరిశీలించారు.
VKB: తెలుగు రాష్ట్రాల కాంగ్రెస్ జిల్లా అధ్యక్షులను రాబోయే ఎన్నికలకు సన్నద్ధం చేయడమే ఈ శిక్షణ శిబిరం లక్ష్మని TPPC చీఫ్ మహేశ్ కుమార్ గౌడ్ అన్నారు. శనివారం వికారాబాద్ జిల్లాలోని అనంతగిరిలో శిక్షణ కేంద్రానికి వచ్చిన ఆయన మీడియాతో మాట్లాడారు. రేవంత్ రెడ్డి, రాహుల్ గాంధీ, మల్లికార్జున ఖర్గే పాల్గొంటారని పేర్కొన్నారు.
సూపర్ స్టార్ మహేష్ బాబు, త్రివిక్రమ్ శ్రీనివాస్ కాంబోలో వచ్చిన క్లాసిక్ మూవీ ‘అతడు’ రీ-రిలీజ్ కానుంది. ఫిబ్రవరి 28న ఈ చిత్రం మరోసారి థియేటర్లలో సందడి చేయనుంది. ఈ సినిమా రీ-రిలీజ్ హక్కులను డిస్ట్రిబ్యూటర్లు 40 లక్షలకు దక్కించుకున్నారట. అద్భుతమైన డైలాగ్స్, ఎమోషన్స్, ఫ్యామిలీ డ్రామాతో అలరించిన ఈ చిత్రం మరోసారి వెండితెరపై ప్రేక్షకులను మెప్పించడానికి సిద్ధమైంది.
