Sudha Murthy: ఇన్ఫోసిస్ కో ఫౌండర్ నారాయణ మూర్తి సతీమణి సుధామూర్తి రాజ్యసభకు నామినేట్ అయ్యారు. రాష్ట్రపతి ద్రౌపది ముర్ము ఆమెను రాజ్యసభకు నామినేట్ చేశారు. ఈ విషయాన్ని ప్రధాని మోదీ సోషల్ మీడియా వేదికగా తెలిపారు. సామాజక సేవ, దాతృత్వం, విద్యతో పాటు విభిన్న రంగాల్లో ఆమె చేసిన కృషి అపారం, ఎంతో మందికి స్ఫూర్తిదాయకమని పేర్కొన్నారు. ఆమె రాజ్యసభకు నామినేట్ కావడం చాలా సంతోషంగా ఉందన్నారు. ఇది నారీశక్తికి బలమైన నిదర్శనం అని తెలిపారు. దేశ నిర్మాణంలో మన మహిళల శక్తి సామర్థ్యాలను చాటిచెప్పడానికి ఆమె ఉదాహరణ అని తెలిపారు.
I am delighted that the President of India has nominated @SmtSudhaMurty Ji to the Rajya Sabha. Sudha Ji's contributions to diverse fields including social work, philanthropy and education have been immense and inspiring. Her presence in the Rajya Sabha is a powerful testament to… pic.twitter.com/lL2b0nVZ8F
— Narendra Modi (@narendramodi) March 8, 2024
ఇది కూడా చూడండి: Bhima Movie Review: గోపీచంద్ భీమా హిట్టా? ఫట్టా?
రాజ్యసభకు నామినేట్ కావడంపై సుధామూర్తి ఆనందం వ్యక్తం చేశారు. ప్రస్తుతం థాయ్‌లాండ్ పర్యటనలో ఉన్న ఆమె పీటీఐతో ఫోన్‌లో మాట్లాడారు. మహిళా దినోత్సవం రోజున ఈ ప్రకటన రావడం డబుల్ సర్‌ప్రైజ్.. చాలా ఆనందంగా ఉందన్నారు. ప్రధానికి కృతజ్ఞతలు తెలియజేస్తున్నా అని తెలిపారు. నిజానికి నాకు చాలా ఆశ్చర్యంగా ఉంది. ఎప్పుడూ కూడా నేను పదవులు కోరుకోలేదు. ప్రభుత్వం నన్ను ఎందుకు ఎంపిక చేసిందో తెలియదన్నారు. అయితే దేశానికి సేవ చేసేందుకు ఇదో కొత్త బాధ్యత అని నమ్ముతున్నానని సుధామూర్తి తెలిపారు. ఈమె సేవలకు గుర్తింపుగా కేంద్రం 2006లో పద్మశ్రీ, 2023లో పద్మభూషణ్ పురస్కారాలతో సత్కరించింది.
ఇది కూడా చూడండి: Kannappa: మంచు విష్ణు ‘కన్నప్ప’ ఫస్ట్ లుక్ విడుదల!
