చైనా దేశానికి చెందిన టిక్ టాక్ యాప్ ని మన దేశంలో బ్యాన్ చేసిన సంగతి తెలిసిందే. కాగా… మన జాబితాలో ఫ్రాన్స్ ప్రభుత్వం కూడా చేరింది. టిక్‌టాక్‌ ను ఫ్రాన్స్ ప్రభుత్వం బ్యాన్ చేసింది. ప్రైవ‌సీ, సెక్యూర్టీ స‌మ‌స్య‌ల్ని ఎదుర్కొనేందుకు ఆ ప్రభుత్వం ఈ చ‌ర్య‌కు దిగింది. ప్ర‌భుత్వ డివైస్‌ల‌లో టిక్ టాక్ యాప్‌ను బ్యాన్ చేశారు.
ప్ర‌భుత్వ ఉద్యోగులు ఎవ‌రూ ఆ యాప్‌ను వాడ‌రాదు అని ఫ్రెంచ్ ప్రభుత్వం ఆదేశాలు జారీ చేసింది. ప‌బ్లిక్ స‌ర్వీస్ మంత్రి స్టానిస్లాస్ గ్వెరిని ఈ ప్ర‌క‌ట‌న చేశారు. ప‌రిపాల‌నా యంత్రాంగం సైబ‌ర్ సెక్యూర్టీ అంశంలో ఈ చ‌ర్య‌లు తీసుకోవాల్సి వ‌స్తుంద‌ని మంత్రి వెల్ల‌డించారు. ప్ర‌భుత్వ ఉద్యోగుల ప్రొఫెష‌న‌ల్ ఫోన్ల‌లో టిక్ టాక్ లాంటి రిక్రియేష‌నల్ అప్లికేష‌న్ల‌ను బ్యాన్ చేస్తున్న‌ట్లు చెప్పారు.
