France Elections: The first round of elections in France is over.. Is this what will happen next?
France Elections: ఫ్రాన్స్‌లో జాతీయ అసెంబ్లీ ఎన్నికలు ఎంతో ఆసక్తిగా జరిగాయి. ఈ ఎన్నికల్లో ఓటర్లు వామపక్ష కూటమికి అత్యధిక పార్లమెంటరీ స్థానాలను అందించడానికి ప్రజలు ఎంచుకున్నారు. ఈ ఎన్నికల్లో ఏ పార్టీ కూడా పూర్తి మెజారిటీ సాధించలేదు. ప్రెసిడెంట్ ఇమ్మాన్యుయేల్ మాక్రాన్ కూటమి రెండవ స్థానంలో ఉంది. అయితే కాబోయే ప్రధాని ఎవరని ఇంకా స్పష్టం కాలేదు. మాక్రాన్ తన తదుపరి చర్యలను నిర్ణయించుకోవడానికి వేచి ఉంటానని, నాటో సమ్మిట్ కోసం వాషింగ్టన్‌కు వెళ్తానని చెప్పాడు. అయితే మొదటి సమావేశం జూలై 18 నుంచి ప్రారంభమవుతుంది.
577 స్థానాలున్న శక్తిమంతమైన దిగువసభపై పట్టు సాధించేది ఎవరు, ప్రధానిగా ఎవరు ఉంటారనేది తేలనుంది. కానీ కనీసం 289 సీట్లు మెజారిటీకి ఏవీ దగ్గర లేవు. ఉమ్మడి ప్రభుత్వాన్ని ఏర్పాటు చేసేందుకు మాక్రాన్ మితవాద వామపక్షాలతో ఒప్పందాన్ని కోరవచ్చు. కోరిన వాళ్లు నిరాకరించవచ్చు. అధ్యక్షుడి పదవీకాలం 2027 వరకు ఉంటుంది. అది ముగిసేలోపు తాను పదవీవిరమణ చేయనని ఆయన చెప్పారు. మెజారిటీ లేకపోవడం, తన సొంత ప్రణాళికలను అమలు చేసే అవకాశం లేకపోవడంతో, మాక్రాన్ ఎన్నికల నుంచి బయటకు వచ్చాడు.
ఉమ్మడి ప్లాట్‌ఫారమ్ కనీస వేతనాన్ని 1,400 నుంచి 1,600 యూరోలకు పెంచుతామని, పదవీ విరమణ వయస్సును 62 నుండి 64కి పెంచవచ్చని తెలిపింది. మాక్రాన్ పెన్షన్ సంస్కరణను ఉపసంహరించుకోవాలని, అవసరమైన ఆహార ఉత్పత్తులు, శక్తి ధరలను స్తంభింపజేస్తామని హామీ ఇచ్చింది. ఇవన్నీ ఆర్థిక మార్కెట్లను ఆందోళనకు గురిచేస్తున్నాయి. కొన్ని దశాబ్దాల విరామం తర్వాత ఈసారి పోలింగ్‌ శాతం ఎక్కువగానే నమోదైంది. ఓటర్లు పెద్దఎత్తున ముందుకు వచ్చి ఓట్లు వేశారు. సాయంత్రం 5 గంటలకే దాదాపు 60% పోలింగ్‌ పూర్తయింది. 1981 తర్వాత ఈ స్థాయి స్పందన ఇదే మొదటిసారి. తొలివిడతలో 67% మంది ఓట్లు వేశారు.
