Yatra-2: మలయాళ మెగాస్టార్ మమ్ముట్టి ప్రధాన పాత్ర పోషించిన యాత్ర మూవీ.. కేవలం వైఎస్ఆర్సీపీ కార్యకర్తలని మాత్రమే కాకుండా సినీ అభిమానులందరినీ మెప్పించింది. ఆంధ్రప్రదేశ్ మాజీ ముఖ్యమంత్రి దివంగత నాయకుడు వైఎస్. రాజశేఖర్ రెడ్డి జీవితం ఆధారంగా తెరకెక్కిన ఈ సినిమాకు.. మహి.వి రాఘవ్ దర్శకత్వం వహించాడు. 2019లో రిలీజ్ అయిన యాత్ర మూవీ గత ఎన్నికల్లో వైఎస్ఆర్ పార్టీకి బాగా కలిసొచ్చింది. అందుకే ఇప్పుడు 2024 ఎన్నికలని టార్గెట్ చేస్తూ ‘యాత్ర 2’ సినిమాని రెడీ చేస్తున్నారు.
ఇది కూడా చూడండి: YS Sharmila: నేడు సీఎం జగన్ ఇంటికి షర్మిల
మమ్ముట్టి వైఎస్ రాజశేఖర్ రెడ్డిగా కనిపిస్తుండగా.. కోలీవుడ్ హీరో జీవా ఏపి సీఎం జగన్మోహన్ రెడ్డి పాత్రలో నటిస్తున్నాడు. ఇప్పటికే యాత్ర 2 మూవీని 2024 ఫిబ్రవరిలో రిలీజ్ చేస్తున్నట్టుగా ప్రకటించారు. అలాగే యాత్ర 2 మోషన్ పోస్టర్, ఫస్ట్ లుక్ కూడా రిలీజ్ చేశారు. అంతేకాదు.. చంద్రబాబు, సోనియా గాంధీ లాంటి వారి పాత్రలతో పాటు వైఎస్ భారతి పాత్రలో నటిస్తున్న బాలీవుడ్‌ యంగ్ బ్యూటీ కేతకి నారాయణన్ ఫస్ట్ లుక్ కూడా రిలీజ్ చేశారు. ఇక ఇప్పుడు యాత్ర2 టీజర్ డేట్ ఫిక్స్ చేశారు. యాత్ర 2 టీజర్ జనవరి 5వ తేదీన ఉదయం 11 గంటలకు విడుదల కానుందని ప్రకటించారు.
ఇది కూడా చూడండి: Bellamkonda Sai Sreenivas: ప్రజాహితముకై జారీ.. భీమ్లా నాయక్ డైరెక్టర్‌తో బెల్లంకొండ
ఈ సందర్భంగా రిలీజ్ చేసిన పోస్టర్‌లో మమ్మూటి కుర్చీలో కూర్చొని ఉండగా.. జీవా ఆయన వెనుక నిలబడి ఉన్నాడు. దీంతో యాత్ర 2 టీజర్ కోసం వైఎస్ అభిమానులు ఆసక్తికరంగా ఎదురు చూస్తున్నారు. ఇక ఈ సినిమాను యువీ సెల్ల్యులాయిడ్స్, త్రీ ఆటుమైన్ లీఫ్స్ బ్యానర్స్ కలిసి సంయుక్తంగా నిర్మిస్తున్నాయి. సంతోష్ నారాయణ్ మ్యూజిక్ అందిస్తున్నాడు. మరి యాత్ర 2 ఎలా ఉంటుందో చూడాలి.
ఇది కూడా చూడండి: Game Changer: గేమ్ చేంజర్‌కు శంకర్ మరో బిగ్ షాక్?
