what the fish movie first look konidela niharika
వాట్ ది ఫిష్(what the fish)..అనే టైటిల్‌తో ఓ ప్రాజెక్ట్ అనౌన్స్ చేసి..రీ ఎంట్రీ ఇస్తున్నానని అనౌన్స్ చేశాడు మంచు మనోజ్. అందుకు సంబంధించిన ఫస్ట్ లుక్ గ్లింప్స్ కూడా రిలీజ్ చేశారు. అయితే ఇప్పుడు ఇదే టైటిల్‌తో మెగా డాటర్ నిహారిక నుంచి ఓ అనౌన్స్మెంట్ వచ్చింది. కొత్త దర్శకుడు వరుణ్ కోరుకొండ ఈ సినిమాని డైరెక్ట్ చేస్తున్నాడు. విశాల్ అండ్ సూర్య బెజవాడ ఈ చిత్రాన్ని నిర్మిస్తున్నారు. శక్తికాంత్ కార్తీక్ ఈ సినిమాకి సంగీతం అందిస్తున్నాడు. డిసెంబర్ 18న నిహారిక బర్త్ డే సందర్భంగా.. ఈ సినిమాలో నిహారిక(konidela niharika) ఫస్ట్ లుక్ పోస్టర్ రిలీజ్ చేశారు. ఈ ఫస్ట్ లుక్ పోస్టర్‌లో, నిహారిక తన వెనుక డాలర్ ఇమేజ్‌తో స్టైలిష్‌గా నడుస్తూ హాట్‌ హాట్‌గా కాస్త షాకింగ్ లుక్‌లో కనిపిస్తోంది.
విడాకుల తర్వాత సినిమాల పరంగా జోష్ పెంచిన నిహారిక..ఇప్పుడు ఈ ప్రాజెక్ట్‌తో షాక్ ఇచ్చిందనే చెప్పాలి. గతంలో హీరోయిన్‌గా నిహారిక పలు సినిమాలు చేసిన సంగతి తెలిసిందే. ఆ తర్వాత కొంచెం గ్యాప్ తీసుకున్న తర్వాత ఇప్పుడు మళ్ళీ నటన వైపు దృష్టి పెట్టి.. సిరీస్‌లు, సినిమాలకు ఓకే చెప్తుంది. ఈ క్రమంలోనే వాట్ ది ఫిష్ అనౌన్స్ చేసింది. ఈ సినిమాలో అష్టలక్ష్మీ అనే పాత్రలో నిహారిక కనిపించనుంది. ఆమె పాత్ర చాలా ప్రత్యేకంగా రూపొందించబడిందని మేకర్స్ విశ్వాసం వ్యక్తం చేశారు.
పెర్ఫార్మెన్స్ ఓరియెంటెడ్, యాక్షన్-ఆధారిత క్యారెక్టర్ అని తెలిపారు. వివిధ భాషల్లో తెరకెక్కనున్న ఈ చిత్రాన్ని ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు. అయితే..ఈ సినిమాలో నిహారిక.. మంచు మనోజ్ సరసన హీరోయిన్‌గా నటిస్తుందా? లేదంటే, మనోజ్ ఈ ప్రాజెక్ట్ నుంచి తప్పుకున్నాడా? లేడీ ఓరియెంటేడ్‌గా ఈ సినిమా తెరకెక్కుతోందా? అనే విషయాల్లో క్లారిటీ రావాల్సి ఉంది.
ఇది కూడా చూడండి: BiggBoss7: పల్లవి ప్రశాంత్‌, అమర్‌దీప్‌ ఫ్యాన్స్‌పై పోలీస్ కేసు నమోదు
