Viral video.. Anushka escaped from the camera!
Anushka: చివరగా ‘మిస్ శెట్టి మిసెస్‌ పొలిశెట్టి’ సినిమాతో ప్రేక్షకుల ముందుకు వచ్చింది అనుష్క శెట్టి. ఈ సినిమా తర్వాత మరో సినిమా కమిట్ అవలేదు స్వీటి. అంతేకాదు.. అస్సలు బయట ఎక్కడ కూడా కనిపించడం లేదు. ‘సైజ్‌ జీరో’ సినిమా కోసం వెయిట్ పెరిగిన అనుష్క.. మళ్లీ వెయిట్ లాస్ అయ్యేందుకు గట్టిగా కష్టపడింది. అప్పటి నుంచే అనుష్కకు వెయిట్ కష్టాలు మొదలయ్యాయి. దీంతో సినిమాల్లో కాకుండా బయట ఎక్కడ కూడా కనిపించకుండా పోయింది స్వీటి. అయితే.. తాజాగా అనుష్క ఓ హోటల్‌లో కనిపించింది. కానీ తనని ఎవరూ గుర్తు పట్టకుండా మొహానికి మాస్క్ ధరించింది. అయినా కూడా అమ్మడిని గుర్తు పట్టి వీడియోలు తీశారు. కానీ వెంటనే అలర్ట్ అయిన అనుష్క చాలా స్పీడ్‌గా అక్కడి నుంచి వెళ్లిపోయింది. అయితే.. ఈ వీడియోలో అనుష్క కాస్త లావుగా కనిపిస్తోంది. తన వెయిట్‌ని కవర్‌ చేసుకునేలా కాస్ట్యూమ్స్ ధరించింది. కానీ లుక్‌ మాత్రం కనిపించకుండా మ్యానేజ్‌ చేసింది. ప్రస్తుతం ఈ వీడియో సోషల్ మీడియాలో వైరల్‌గా మారింది.
చదవండి:Pushpa 3: పుష్ప 3 పై సాలిడ్ బజ్.. టైటిల్ కూడా ఫిక్స్?
అయితే అనుష్క ఎప్పుడు బయటికి వస్తుంది? ప్రజెంట్ ఏం చేస్తుంది? పెళ్లెప్పుడు? ఎలాంటి సినిమాలు చేయబోతోందనే విషయంలో క్లారిటీ లేదు. కానీ మిస్ శెట్టి మిస్టర్ పోలిశెట్టి సినిమా ప్రమోషన్లో భాగంగా.. పెళ్లి, సినిమాలతో పాటు ఎన్నో విషయాలను పంచుకుంది. ఫ్యూచర్ ప్రాజెక్ట్స్ గురించి చెబుతూ.. నా కెరీర్‌లో చాలా సినిమాలు చేశాను. కానీ ఏ సినిమా ఇవ్వని అనుభూతి ‘మిస్ శెట్టి మిసెస్‌ పొలిశెట్టి’ ఇచ్చింది. నవీన్‌తో కెమిస్ట్రీ అలా వర్కవుట్ అయిందని చెప్పింది. ఈ సినిమా తర్వాత ‘కథనార్‌’ అనే మలయాళం సినిమా చేయబోతున్నాను. దర్శకుడు రోజిన్‌ థామస్‌ తెరకెక్కించనున్న ఈ సినిమా ఏడు భాషల్లో రానుంది. ఈ సినిమా ప్రీప్రొడక్షన్‌ వర్క్‌కే రెండేళ్ల సమయం పట్టింది. జయసూర్య హీరోగా నటిస్తున్నాడు. ఇప్పటివరకూ ఇండియన్‌ స్క్రీన్‌మీద రాని థ్రిల్లర్‌గా ఈ సినిమా ఉంటుంది.. అని చెప్పుకొచ్చింది. అలాగే తెలుగులో ప్రస్తుతం కథలు వినే పనిలో ఉన్నాను. ‘బెంగళూరు నాగరత్నమ్మ’ బయోపిక్‌కి సంబంధించిన స్క్రిప్ట్‌ వర్క్ జరుగుతోంది. ఈ సినిమాలే కాదు నటిగా ఇంకా చాలా ప్రయోగాలు చేయాలనుందని చెప్పుకొచ్చింది అనుష్క. కానీ ఇప్పటి వరకు కొత్త ప్రాజెక్ట్ అనౌన్స్ చేయలేదు అనుష్క.
చదవండి:Vishal: పొలిటికల్ ఎంట్రీ పై స్పందించిన విశాల్!
