భక్త కన్నప్ప చిత్రాన్ని మంచు విష్ణు ఎంతో ప్రతిష్టాత్మకంగా నిర్మిస్తున్నాడు. మహేష్ కుమార్ సింగ్ దర్శకత్వం వహిస్తున్న ఈ సినిమాలో ప్రభాస్ శివుడిగా కనపించనున్నాడు. ప్రభాస్ క్యామియో చేస్తున్నాడు అని తెలియడంతో.. ఈ సినిమాపై భారీ అంచనాలు నెలకొన్నాయి. తెలుగు, తమిళ, కన్నడ, మలయాళ, హిందీ భాషల్లో పాన్ ఇండియా రేంజ్‌లో దాదాపు 100 కోట్ల బడ్జెట్‌తో ఈ సినిమాను తెరకెక్కిస్తున్నారు. మంచు విష్ణు కన్నప్పగా కనిపించనున్న ఈ సినిమాలో ప్రభాస్ మాహాశివుడిగా, పార్వతి దేవి పాత్రలో నయనతార నటిస్తుందని ముందు నుంచి ప్రచారంలో ఉంది.
చదవండి: Sagiletikatha : రాయలసీమ పగల మధ్య సాగే ప్రేమ కథ.. ‘సగిలేటి కథ’ మూవీ రివ్యూ
అయితే ప్రభాస్‌తో పాటు మరో ఇద్దరు స్టార్ హీరోలు భక్త కన్నప్పలో కనపించనున్నారు. పాన్ ఇండియా ప్రాజెక్ట్ అవడంతో.. కన్నడ, మళయాళి నుంచి ఇద్దరు సీనియర్ హీరోలను రంగంలోకి దింపుతున్నాడు మంచు విష్ణు. ఇప్పటికే మలయాళ స్టార్ హీరో మోహన్ లాల్ ఈ సినిమాలో కీలక పాత్రలో నటిస్తున్నారని వార్తలు రాగా.. ఇప్పుడు కన్నడ స్టార్ హీరో శివ రాజ్ కుమార్ కూడా మరో కీలక పాత్రలో నటిస్తున్నారని తెలుస్తోంది.
చదవండి: Rajeev Kanakala: ఎన్టీఆర్ అందుకే స్పందించలేదు: రాజీవ్ కనకాల
అయితే ఆయన ఎలాంటి పాత్రలో కనిపించనున్నాడనే విషయంలో క్లారిటీ రాలేదు. మొత్తంగా ఈ సినిమాలో ఒక్క మంచు విష్ణు తప్పా ముగ్గురు పాన్ ఇండియా హీరోలు ఉండడం విశేషం. దీంతో భక్త కన్నప్ప పై అంచనాలు పెరిగిపోతున్నాయి. ప్రస్తుతం ఈ సినిమా షూటింగ్ న్యూజిలాండ్‌లో జరుగుతోంది. అక్కడే మేజర్ పార్ట్ షూటింగ్ చేయనున్నారు. వీలైనంత త్వరగా షూటింగ్ కంప్లీట్ చేసి.. రిలీజ్ చేయడానికి పక్కా ప్లానింగ్‌తో ముందుకెళ్తున్నాడు మంచు విష్ణు.
