Another star heroine in the movie 'Kannappa'!
Kannappa: భక్త కన్నప్ప చిత్రాన్ని మంచు విష్ణు ఎంతో ప్రతిష్టాత్మకంగా నిర్మిస్తున్నాడు. మహేష్ కుమార్ సింగ్ దర్శకత్వం వహిస్తున్న ఈ సినిమాను తెలుగు, తమిళ, కన్నడ, మలయాళ, హిందీ భాషల్లో పాన్ ఇండియా రేంజ్‌లో దాదాపు 100 కోట్ల బడ్జెట్‌తో తెరకెక్కిస్తున్నారు. మంచు విష్ణు కన్నప్పగా కనిపించనున్న ఈ సినిమాలో ప్రభాస్ మాహాశివుడిగా నటిస్తున్నట్టుగా తెలుస్తోంది. రీసెంట్‌గా ప్రభాస్ ఈ సినిమా షూటింగ్‌లో జాయిన్ అయ్యాడు. ఇక అంతకు ముందు బాలీవుడ్ స్టార్ హీరో అక్షయ్ కుమార్ ఈ సినిమా షూటింగ్‌లో పాల్గొన్నాడు.
ఇది కూడా చూడండి: Pooja Hegde: పూజా హెగ్డేకు గోల్డెన్ ఛాన్స్?
తన పార్ట్‌కు సంబంధించిన షూటింగ్ పూర్తి చేసుకొని తిరిగి ముంబై వెళ్లిపోయాడు. ప్రభాస్, అక్షయ్ కుమార్ లాంటి స్టార్ హీరోలు ఇన్వాల్వ్ అవుతున్న సినిమా కావడంతో.. రోజు రోజుకి కన్నప్ప పై అంచనాలు పెరుగుతునే ఉన్నాయి. ప్రభాస్, అక్షయ్ మాత్రమే కాదు.. ఈ పాన్ ఇండియా ప్రాజెక్ట్‌లో మలయాళ స్టార్ హీరో మోహన్ లాల్, కన్నడ స్టార్ హీరో శివ రాజ్ కుమార్ కూడా మరో కీలక పాత్రలో నటిస్తున్నారు. ఇక ఇప్పుడు ఈ క్రేజీ ప్రాజెక్ట్‌లో స్టార్ హీరోయిన్ కాజల్ అగర్వాల్ కూడా ఓ కీలక పాత్రలో నటిస్తున్నట్టుగా తెలిసింది.
ఇది కూడా చూడండి: Prasanth Neel-NTR: ఎన్టీఆర్, ప్రశాంత్ నీల్ కోసం పవర్ ఫుల్ టైటిల్?
గతంలో విష్ణు మంచు, కాజల్ కలిసి మోసగాళ్లు అనే సినిమాలో నటించారు. ఈసారి మాత్రం మంచు విష్ణు కోసం కాజల్ కీ రోల్‌ను పోషించనుంది. అయితే.. ఆమె ఎలాంటి పాత్రలో కనిపించనుంది? అనే విషయంలో మాత్రం క్లారిటీ లేదు. ఇప్పటికే న్యూజిలాండ్‌లో మేజర్ షెడ్యూల్స్ కంప్లీట్ చేసుకున్న కన్పప్ప షూటింగ్.. ప్రస్తుతం హైదారాబాద్‌లో జరుగుతోంది. ఈ షెడ్యూల్‌లోనే ప్రభాస్ పోర్షన్ షూటింగ్ చేస్తున్నారు. ఇదిలా ఉంటే.. మే 20న కేన్స్‌ ఫిల్మ్ ఫెస్టివల్‌లో కన్నప్ప టీజర్‌ను గ్రాండ్‌గా లాంచ్ చేయబోతోన్నారు. మరి ఇంత గ్రాండ్‌గా తెరకెక్కుతున్న కన్నప్ప ఎలా ఉంటుందో చూడాలి.
