Superstar Rajini's birthday special.. Do you know when Muthu will be rereleased?
Rajini kanth: పరిశ్రమలో ట్రెండ్ మారుతూ ఉంటుంది. ఈ ఏడాది అంతా రీరిలీజ్(ReaRelease) ల ట్రెండ్ నడుస్తోంది. అప్పట్లో సంచలన విజయాలు సాధించిన సినిమాలను హీరోల పుట్టిన రోజులకు, సినిమా యానివర్సరీలకు అభిమానులు రీరిలీజ్ చేస్తూ పెద్ద ఎత్తున సందడి చేస్తున్నారు. ఈ నేపథ్యంలో సూపర్ స్టార్ రజనీకాంత్(Rajanikanth) నటించిన ముత్తు(Muthu) సినిమాను మళ్లీ విడుదల చేయడానికి అభిమానులు పెద్ద ఎత్తున ప్లాన్ చేస్తున్నారు. డిసెంబర్ 12 న ఆయన పుట్టిన రోజును పురస్కరించుకొని ముత్తు చిత్రాన్ని డిసెంబర్ 2న గ్రాండ్ గా విడుదల చేస్తున్నారు. తెలంగాణ, ఆంధ్ర, రాయలసీమ, కర్ణాటక నాలుగు ప్రాంతాల్లో బ్రహ్మాండంగా ముత్తు విడుదలకు సిద్ధం అవుతోంది.
చదవండి:Tiger 3′ movie : సినిమా థియేటర్‌లో సల్మాన్‌-కత్రినా డ్యాన్స్‌.. ఇదిగో వీడియో
తమిళ తలైవా సూపర్ స్టార్ రజనీకాంత్ కెరియర్‌లో సూపర్ హిట్ చిత్రాలలో ముత్తు మొదటి వరుసలో ఉంటుంది. కె. ఎస్. రవికుమార్ దర్శకత్వంలో 1995 లో విడుదలైన ముత్తులో రజనీకాంత్ సరసన మీనా(Meena) హీరోయిన్‌గా నటించింది. ఎ. ఆర్. రెహమాన్ సంగీత సారథ్యంలో అద్భుతమైన పాటలు నేటికి శ్రోతలను, తలైవా అభిమానులను ఆకట్టుకుంటున్నాయి. తిలానా, తిలినా సాంగ్‌కు ఎంతో మంది అభిమానులు ఉన్నారు. అక్టోబరు 23, 1995 న విడుదలైన ఈ చిత్రం ఆనాడు సూపర్ హిట్ చిత్రంగా నిలవడమే కాకుండా బాక్స్ ఆఫీస్‌ను కలెక్షన్లతో షేక్ చేసింది. తమిళనాడులోని చాలా థియేటర్లలో 175 రోజులు ఆడి అందరిని ఆశ్చర్యంలో ముచ్చెత్తింది. మన దగ్గర సంచలనం సృష్టించిన ముత్తు 1998 లో జపనీస్ భాషలో విడుదలై సంచలన విజయం అందుకోవడమే కాకుండా దాదాపు 400 మిలియన్ యాన్లను రాబట్టింది. ఇండియన్ కరెన్సీలో దాదాపు 22 కోట్లు వసుళ్ చేసింది. దాంతో రజనీకాంత్ కు జపాన్ లో విపరీతమైన క్రేజ్ పెరిగింది. ఇక ఈ చిత్రం డిసెంబర్ 2 న రీ రిలీజ్ అవుతుండంతో ఆయన అభిమానులు పండుగ చేసుకుంటున్నారు.
చదవండి:Siren: సైరెన్ తెలుగు టీజర్ రిలీజ్
