మెగాస్టార్ చిరంజీవి (Chiranjeevi) యంగ్ హీరోలతో పోటీపడి మరీ సినిమాల్లో నటిస్తున్నారు. గ్యాప్ లేకుండా బ్యాక్ టు బ్యాక్ మూవీస్ తో థియేటర్లలో సందడి చేస్తూనే ఉన్నారు. రీసెంట్ గా ‘వాల్తేరు వీరయ్య(Waltheru Veeraya)’తో భారీ బ్లాక్ బస్టర్ అందుకున్న విషయం తెలిసిందే. చిరంజీవి హీరోగా మెహర్ రమేష్ (Meher Ramesh) దర్మకత్వంలో తెరకెక్కుతున్న భోళాశంకర్ చిత్రం శరవేగంగా షూటింగ్ జరుపుకుంటోంది. ఇటీవల ఓ పాట చిత్రీకరణ కోసం చిత్రబృందం భూతల స్వర్గం స్విట్జర్లాండ్ (Switzerland) వెళ్లింది. దీనిపై చిరంజీవి అప్ డేట్ ఇచ్చారు. స్విట్జర్లాండ్ లో కళ్లు చెదిరే అందాలతో మైమరిపించే లొకేషన్స్ లో ‘భోళాశంకర్’ కోసం తమన్నాతో ఆట పాట ఎంతో ఆహ్లాదంగా జరిగిందని వెల్లడించారు. ఈ పాట ప్రేక్షకులందరికీ నచ్చుతుందని, అభిమానులను మరింత మెప్పిస్తుందని చెప్పగలనని మెగాస్టార్ ధీమా వ్యక్తం చేశారు. త్వరలోనే మరిన్ని సంగతులు పంచుకుందాం అంటూ ట్వీట్ చేశారు.
చదవండి : తెలుగు రాష్ట్రాలకు చల్లటి కబురు..3 రోజులు వర్షాలు
అప్పటివరకు ఈ చిరు లీక్స్ పిక్స్ అంటూ చమత్కరించారు. స్విస్ లొకేషన్స్ కు సంబంధించిన కొన్ని స్టిల్స్ ను కూడా చిరంజీవి పంచుకున్నారు. అయితే, అభిమానులు తమకు తోచిన రీతిలో స్పందించారు. “ఒక సాంగ్ లీక్ చేయండి బాస్ అని ఒకరు”… “బాస్, గేమ్ చేంజర్ సినిమా గ్లింప్స్ లీక్ చేయవా” అని తలోరకంగా చిరును కోరారు.ఈ సాంగ్ కు శేఖర్ మాస్టర్ (Shekhar master) కొరియోగ్రఫీ అందించారు.రీసెంట్ గా మేడే సందర్భంగా చిత్రం నుంచి అదిరిపోయే పోస్టర్ రిలీజ్ చేసిన విషయం తెలిసిందే. చిరు ఈ చిత్రంలో టాక్సీ డ్రైవర్ గా కనిపించబోతున్నట్టు తెలిపారు. ఇక క్లైమాక్స్ షూట్‌ (Climax shoot) కూడా జరిగినట్టు తెలుస్తోంది. త్వరలో షూటింగ్ పార్ట్ కంప్లీట్ కానుందని అర్థమవుతోంది. తమన్నా భాటియా (Tamannaah Bhatia) హీరోయిన్ గా నటిస్తోంది. కీర్తి సురేష్ చిరుకి చెల్లెలి పాత్రలో అలరించనుంది. యంగ్ హీరో సుశాంత్‌ (hero Sushant) కీలక పాత్రలో కనిపించబోతున్నారు. ఆగస్ట్ 11న ప్రపంచ వ్యాప్తంగా విడుదల కానుందీ చిత్రం.
చదవండి : మందుబాబులకు తీపికబురు..త్వరలో లిక్కర్ ఏటీఎంలు!
స్విట్జర్లాండ్ 🇨🇭లో కళ్ళు చెదిరే అందాలతో మైమరిపించే లొకేషన్స్ లో భోళాశంకర్ కోసం తమన్నాతో ఆట పాట (Song Shoot ) ఎంతో ఆహ్లాదంగా జరిగింది!
ఈ పాట ప్రేక్షకులందరినీ, మరింతగా అభిమానులందరినీ మెప్పిస్తుందని చెప్పగలను ! త్వరలోనే మరిన్ని సంగతులు పంచుకుందాం !
అప్పటివరకూ ఈ 'చిరు… pic.twitter.com/VfT8Jx2QNC
— Chiranjeevi Konidela (@KChiruTweets) May 23, 2023
