Satamanam Bhavati director's Katha Keli!
Katha Keli! అల్లరి నరేష్‌తో దొంగలబండి సినిమా తీసి నవ్వులు పూయించాడు సతీష్ వేగేశ్న. ఇక ఆ తర్వాత నిర్మాత దిల్ రాజుతో కలిసి శతమానం భవతితో అదిరిపోయే ఫ్యామిలీ ఎంటర్టైనర్ అందించాడు. ఆ తరువాత చేసిన సినిమాలే బెడిసికొట్టాయి. శ్రీనివాస కళ్యాణ్, ఎంతమంచివాడవురా సినిమాలతో ఏ మాత్రం మెప్పించలేకపోయాడు. అందుకే ఈ సారి రివర్స్‌లో దయ్యానికి కథ చెబితే ఎలా ఉంటుందనే పాయింట్‌లో ‘కథాకేళి’ అనే సినిమాతో ఆడియెన్స్ ముందుకు రాబోతున్నాడు. ఈషా రెబ్బా, యశ్విన్‌, దినేష్‌తేజ్‌, అజయ్‌, బాలాదిత్య, పూజిత పొన్నాడ ప్రధాన పాత్రల్లో నటిస్తున్న ఈ చిత్రం లోగోను ప్రముఖ నిర్మాత దిల్ రాజు ఆవిష్కరించారు. ఈ సినిమా టీజర్‌ను దర్శకుడు హరీష్‌ శంకర్‌ విడుదల చేశారు.
చదవండి: New Couple: ఓకే ఇంట్లో సామ్-రౌడీ హీరో.. ఉమైర్ సంధు హాట్ ట్వీట్
దిల్‌రాజు మాట్లాడుతూ.. విభిన్న కథాంశంతో తెరకెక్కించిన ఈ చిత్రం విజయవంతం కావాలని అన్నారు. ఇక దర్శకుడు సతీష్ వేగేశ్న మాట్లాడుతూ.. సాధారణంగా అందరూ దెయ్యం కథలను చెబుతారు. దెయ్యానికే కథ చెప్పాల్సి వస్తే ఎలా ఉంటుందనే సరికొత్త పాయింట్‌తో ఈ సినిమా తెరకెక్కింది. హారర్‌ కామెడీ కథాంశంతో అందరికి ఈ కథా కేళి సరి కొత్త అనుభూతి ఇస్తుందని అన్నారు. టీజర్ కట్‌లో కూడా అన్నీ ఉన్నట్టుగా ఇంట్రెస్టింగ్‌గా ఉంది. ఇక ఈ చిత్రానికి కెమెరామెన్‌గా దాము నర్రావుల పని చేస్తుండగా, ఎస్‌.కె.బాలచంద్రన్‌ సంగీతం అందిస్తున్నాడు. మరి ఈ సినిమాతో సతీష్ వేగేశ్న ఎలాంటి విజయాన్ని అందుకుంటాడో చూడాలి.
