టాలీవుడ్(Tollywood) నుంచి ఓఎంజీ(OMG).. ఓ మంచి ఘోస్ట్ అనే క్యాప్షన్‌తో ఓ సినిమా రాబోతోంది. ఈ సినిమాకే అనూప్ రూబెన్స్(Anup Rubens) సంగీతాన్ని అందిస్తున్నాడు. అంతేకాదు.. ఆయనే సమర్పిస్తున్నాడు. అనుప్ రుబెన్స్ సమర్పణలో మార్క్ సెట్ ప్రొడక్షన్స్ బ్యానర్ మీద డాక్టర్ అబినికా ఐనభాతుని నిర్మిస్తున్నారు. ఈ సినిమాకు శంకర్ మార్తాండ్ దర్శకత్వం వహిస్తున్నాడు. వెన్నెల కిశోర్, శకలక శంకర్, కమెడియన్ రఘు తదితరులు కీలక పాత్రల్లో నటిస్తున్నారు.
చదవండి: Aadipurush: ట్రైలర్ రిలీజ్..ఇక్కడ చూసేయండి
హర్రర్ కామెడీ జానర్‌లో తెరకెక్కుతున్న ఈ చిత్రం నుంచి.. ఇప్పటికే ఫస్ట్ లుక్‌ని రామ్ గోపాల్ వర్మ(Ram Gopal Varma) చేతుల మీదుగా రిలీజ్ చేయగా ఆకట్టుకుంది. ఇక ఇప్పుడు పైసా రే పైసా అంటూ సాగే ప్రోమో సాంగ్‌ని రిలీజ్ చేశారు. ఈ పాటను మ్యూజిక్ డైరెక్టర్ అనుప్ రూబెన్సే(Anup Rubens) స్వయంగా రచించి, పాడటం విశేషం. ఈ సాంగ్‌లో మనిషి నిజజీవితంలో డబ్బు విలువను, డబ్బు అవసరాన్ని గురించి చాలా బాగా రాశారు.
చదవండి: Vijay Devarakonda: విజయ్ దేవరకొండ బర్త్ డే కానుకగా ‘VD12’ పోస్టర్ రిలీజ్
ఈ ప్రోమో సాంగ్‌కు మంచి రెస్పాన్స్ వస్తుండడంతో.. ఫుల్ సాంగ్ కోసం ఆసక్తికరంగా ఎదురు చూస్తున్నారు. త్వరలోనే ఈ ఫుల్ సాంగ్ విడుదల చేయబోతున్నారు. ప్రస్తుతానికైతే.. ‘పైసా రే పైసా’ ప్రోమో సాంగ్ వైరల్ అవుతోంది. ఇక ‘ఓ మంచి ఘోస్ట్’ అనే ట్యాగ్ లైన్ చాలా క్యాచీగా ఉండటంతో.. ఈ సినిమా ఇంట్రెస్టింగ్‌గా మారింది. మరి ఈ సినిమాతో అనూప్ రూబెన్స్ (Anup Rubens) ఎలాంటి ఆల్బమ్ ఇస్తాడో చూడాలి.
