nani-32-projects-have-been-announced
Nani: క్లాస్, మాస్ కలిపి కొడుతు మిక్సీలో దంచికొడుతున్నట్టుగా దూసుకుపోతున్నాడు నాని. ప్రస్తుతం డీవీవీ ఎంటర్‌టైన్‌మెంట్ బ్యానర్‌పై రూపొందుతున్న సరిపోదా శనివారం అనే సినిమాలో నటిస్తున్నాడు నాని. ఆగష్టు 29న ఈ సినిమా రిలీజ్ కానుంది. నాని బర్త్‌డే స్పెషల్‌గా సరిపోదా శనివారం గ్లింప్స్ రిలీజ్ చేయగా అదిరిపోయింది. అయితే.. ఈ సినిమా తర్వాత కూడా డివీవీ బ్యానర్లోనే సినిమా చేస్తున్నాడు నాని. సరిపోదా శనివారం బ్యానర్లోనే నాని 32 ప్రాజెక్ట్‌ని ప్రకటించారు. డివివి దానయ్య, కళ్యాణ్ దాసరి సంయుక్తంగా నిర్మించనున్న కొత్త చిత్రానికి దర్శకుడు సుజీత్ దర్శకత్వం వహించనున్నారు. ప్రజెంట్ పవర్ స్టార్ పవన్ కళ్యాణ్‌తో ఓజి సినిమా చేస్తున్నాడు సుజీత్. సరిపోదా శనివారం షూటింగ్ పూర్తయిన తర్వాత ఇది సెట్స్ మీదకి వెళ్లనుంది.
చదవండి:Shanmukh Jaswanth : డిప్రెషన్లో సూసైడ్ చేసుకోవాలనుకున్నా.. కన్నీటి పర్వంతమైన షణ్ముఖ్
2025లో ఈ సినిమా విడుదలకు ప్లాన్ చేస్తున్నారు. ఈ ప్రాజెక్ట్‌కి చెందిన మరిన్ని వివరాలు తెలియాల్సి ఉంది. ఇక సుజీత్ సినిమా తర్వాత కూడా మరో రెండు ప్రాజెక్ట్స్ లైన్లో పెట్టేశాడు నాని. బలగం సినిమాతో అదిరిపోయే హిట్ కొట్టిన దర్శకుడు వేణుతో దిల్ రాజు బ్యానర్లో ఓ సినిమా చేయబోతున్నాడు. అందుకే.. నాని పుట్టినరోజు సందర్భంగా నిర్మాతలతో కలిసి నాని ఇంటికి వెళ్లి శుభాకాంక్షలు చెప్పాడు వేణు. ప్రస్తుతం ఈ మూవీ స్క్రిప్ట్ వర్క్ జరుగుతోంది. ఇక వేణు ప్రాజెక్ట్ తర్వాత దసరా దర్శకుడు శ్రీకాంత్ ఓదెలతో కూడా ఒక మూవీకి ప్లాన్ చేస్తున్నాడు నాని. త్వరలోనే అది కూడా ఫైనలైజ్ కానుందట. మొత్తంగా.. ప్రస్తుతం నాని చేతిలో నాలుగు ప్రాజెక్ట్స్ ఉన్నాయి.
చదవండి:Kalki: ప్రభాస్ ‘కల్కి’ టీజర్ డేట్ లాక్ అయిందా?
