Naa Saami Ranga first single is coming
ఈసారి ఎలాగైనా హిట్ కొట్టాలని ‘నా సామిరంగ(Naa Saami Ranga)’ సినిమాతో ఆడియెన్స్ ముందుకు రాబోతున్నాడు నాగార్జున. ఇప్పటికే ఈ మూవీ షూటింగ్ చివరి దశకు చేరింది. రీసెంట్‌గా ఈ మూవీలో హీరోయిన్ ఎవరో రివీల్ చేస్తూ ఫస్ట్ సింగిల్ అప్డేట్ ఇచ్చారు మేకర్స్. ఈ గ్లింప్స్‌లో ‘మా వరలక్ష్మిని మీకు పరిచయం చేస్తున్నాం’ అని చెప్తూ అషికా రంగనాథ్‌ను చూపించారు. అచ్చమైన తెలుగమ్మాయిలాగా అదిరిపోయే లుక్‌లో కనిపించింది అషికా. కన్నడ ఇండస్ట్రీకి చెందిన ఈ క్యూట్ బ్యూటీ.. కళ్యాణ్ రామ్ హీరోగా తెరకెక్కిన ‘అమీగోస్’ సినిమాతో టాలీవుడ్‌లోకి అడుగుపెట్టింది.
King 👑 👌👌
First single #YettukelliPovalanipisthunde from #NaaSaamiRanga coming soon. pic.twitter.com/DjOchyhD5L
— 𝐁𝐡𝐞𝐞𝐬𝐡𝐦𝐚 𝐓𝐚𝐥𝐤𝐬 (@BheeshmaTalks) December 6, 2023
అయితే.. ఆ సినిమా అమ్మడిని నిరాశ పరిచింది. కానీ అషికా యాక్టింగ్, గ్లామర్‌కు తెలుగు కుర్రాళ్లు ఫిదా అయ్యారు. అందుకే.. నెక్స్ట్ ఛాన్స్ నాగార్జునతో అందుకుంది. నా సామి రంగ గ్లింప్స్‌తో అందరినీ ఆకట్టుకుంటోంది అషికా. ఇక ఈ గ్లింప్స్‌తో పాటు ఫస్ట్ సింగిల్ అప్డేట్ కూడా ఇచ్చారు. ఎత్తుకెళ్లిపోవాలనిపిస్తుందే.. అనే పాటను త్వరలోనే విడుదల చేస్తామని చెప్పుకొచ్చారు.
తాజాగా ఈ సాంగ్‌కు సంబంధించిన మరో అప్డేట్ ఇచ్చారు. ఈ సాంగ్ ప్రోమో వస్తోంది అంటూ ఓ పోస్టర్ రిలీజ్ చేశారు. ఈ అనౌన్స్మెంట్ పోస్టర్‌లో నాగార్జున ట్రాక్టర్ పైన కాలు పెట్టి ఊరమాస్ లుక్‌లో ఉన్నాడు. పంచె కట్టులో అదరగొట్టాడు నాగార్జున. ఇక ఈ సినిమాకు ఆస్కార్ అవార్డ్ గ్రహిత కీరవాణి సంగీతాన్ని అందిస్తున్నారు. ఈ చిత్రాన్ని విజయ్ బిన్నీ డైరెక్ట్ చేస్తుండగా..శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మిస్తున్నారు. ప్రసన్న కుమార్ బెజవాడ కథ, డైలాగులు అందించారు. మరి ఈ సినిమాతో నాగ్ ఎలాంటి విజయాన్ని అందుకుంటాడో చూడాలి మరి.
ఇది కూడా చూడండి: Pushpa: నటుడు అరెస్ట్..కారణమిదే
