‘సర్కారు వారి పాట’ తర్వాత త్రివిక్రమ్ శ్రీనివాస్ దర్శకత్వంలో SSMB28 ప్రాజెక్ట్ చేస్తున్నాడు మహేష్. ఆ తర్వాత దర్శక ధీరుడు రాజమౌళితో ‘గ్లోబ్ ట్రాటింగ్ యాక్షన్ అడ్వెంచర్ ఫిల్మ్’ చేయబోతున్నాడు. అందుకే త్రివిక్రమ్ సినిమాను పరుగులు పెట్టిస్తున్నాడు మహేష్. వచ్చే ఏడాది ఏప్రిల్ 28న ఈ సినిమాను రిలీజ్ చేసేందుకు సన్నాహాలు చేస్తున్నారు. ఇటీవలె సెట్స్ పైకి వెళ్లింది ఈ చిత్రం. అయితే త్రివిక్రమ్‌కు సెంటిమెంట్స్ కాస్త ఎక్కువనే సంగతి తెలిసిందే. ఒకే హీరోయిన్‌ను రెండు మూడు సార్లు రిపీట్ చేయడం.. ఆమెకో చెల్లిని పెట్టడం.. సీనియర్ హీరో, హీరోయిన్లను తీసుకోవడం లాంటివి మాటల మాంత్రికుడి సెంటిమెంట్స్. ముఖ్యంగా టైటిల్స్ విషయంలో ‘అ’ సెంటిమెంట్ త్రివిక్రమ్‌కు బాగా కలిసొచ్చింది.
అందుకే ఈ సినిమాకు ‘అర్జునుడు’ అనే టైటిల్ ప్రచారంలో ఉంది. అయితే అదేంటో గానీ వర్కింగ్ టైటిల్‌తో సినిమా మొదలు పెట్టి.. సెట్స్ పై ఉన్నప్పుడు టైటిల్ రివీల్ చేయడం కూడా త్రివిక్రమ్ సెంటిమెంట్లో భాగమే. అందుకే ఇప్పుడు మహేష్ సినిమా టైటిల్ టైం ఫిక్స్ అయినట్టు తెలుస్తోంది. SSMB 28 వర్కింగ్ టైటిల్‌తో మొదలైన ఈ సినిమా టైటిల్‌ను.. దసరాకి అనౌన్స్ చేసే ఆలోచనలో ఉన్నట్టు తెలుస్తోంది. అది కూడా ఓ వీడియో గ్లింప్స్‌తో ప్ర‌క‌టిస్తారని స‌మాచారం. త్వరలోనే దీనిపై క్లారిటీ రానుంది. ఇక టైటిల్ ప్ర‌క‌టించిన తర్వాత వరుసగా క్రేజీ అప్‌డేట్స్ ఇచ్చే ఆలోచనలో ఉందట చిత్ర యూనిట్.
