ప్రస్తుతం సోషల్ మీడియాలో మహేష్ బాబు న్యూ లుక్‌ చూసి ఫిదా అవుతున్నారు ఫ్యాన్స్. అంతేకాదు ఆ ఫోటోలను తెగ షేర్ చేస్తున్నారు. అయితే తాజాగా మహేష్ డ్యాన్స్ ఇండియా డ్యాన్స్ అనే షోకి గెస్ట్‌గా వెళ్లిన సంగతి తెలిసిందే. దీని కోసం మహేష్‌కు భారీగానే ముట్టజెప్పినట్టు తెలుస్తోంది. ప్రస్తుతం సూపర్ స్టార్ దర్శకుడు త్రివిక్రమ్ శ్రీనివాస్‌ సినిమా కోసం సన్నద్ధమవుతున్నాడు. ఇటీవలె ఈ సినిమా రిలీజ్ డేట్‌ను లాక్ చేశారు. ఏప్రిల్ 28న ఈ క్రేజీ ప్రాజెక్ట్‌ను రిలీజ్ చేయబోతున్నారు. అయితే ఈ సినిమా సెట్స్ పైకి వెళ్లేందుకు కాస్త సమయాన్ని తీసుకుంటోంది. కానీ లేటెస్ట్ అప్టేడ్ ప్రకారం.. ఈ చిత్రం షూటింగ్ సెప్టెంబర్ 8 నుంచి మొదలు కానుందని తెలుస్తోంది. హైదరాబాద్‌లో వేసిన ఓ భారీ సెట్‌లో రెగ్యులర్ షూట్ స్టార్ట్ కానుందని సమాచారం. ఈ సినిమా త్రివిక్రమ్ ఫార్మాట్‌లోనే వస్తున్నప్పటికీ.. ఇంకాస్త హై ఓల్టేజ్ యాక్షన్ ఎంటర్టైనర్‌గా రాబోతున్నట్టు తెలుస్తోంది. ఇందులో బుట్టుబొమ్మ పూజ హెగ్డే హీరోయిన్‌గా నటిస్తోంది.
ఇదిలా ఉంటే.. రీసెంట్‌గా మహేష్.. తన కూతురు సితారతో కలిసి డ్యాన్స్ ఇండియా డ్యాన్స్ షోకి గెస్ట్‌గా వెళ్లాడు. మహేష్ తొలిసారి బుల్లి తెర రియాల్టీ షోకి వెళ్లడంతో ఈ షో ఆసక్తిరంగా మారింది. అది కూడా సితారతో కలిసి వెళ్లడంతో.. ఎగ్జైట్‌గా ఫీల్ అవుతున్నారు ఘట్టమనేని అభిమానులు. ఇప్పటికే ఆ షోకి సంబంధించిన ప్రోమో వైరల్‌గా మారింది. అలాగే అందుకు సంబంధించిన పోటోలు సోషల్ మీడియాను షేక్ చేస్తున్నాయి. ఈ ఫోటోల్లో మహేష్ రఫ్‌గా గడ్డంతో కనిపిస్తుండడంతో.. ఎస్ఎస్ఎంబీ28 కోసమేనని పండగ చేసుకుంటున్నారు అభిమానులు.
