ఆర్ఆర్ఆర్ తర్వాత కొరటాలతో ఓ సినిమా కమిట్ అయ్యాడు ఎన్టీఆర్(ntr). అయితే అసలు ఈ సినిమానే ఇంకా సెట్స్ పైకి వెళ్లలేదు.. హీరోయిన్ కూడా ఫైనల్ కాలేదు.. కానీ అప్పుడే ఎన్టీఆర్-ప్రశాంత్ నీల్(Prashanth Neel) హీరోయిన్ గురించి చర్చ జరుగుతోంది. ప్రస్తుతం ప్రభాస్ ‘సలార్’ సినిమా షూటింగ్‌తో బిజీగా ఉన్నాడు ప్రశాంత్ నీల్. ఈ సినిమాను వచ్చే ఏడాది సెప్టెంబర్ 28న రిలీజ్ చేయనున్నారు.
దాంతో వచ్చే సమ్మర్‌లో ఎన్టీఆర్ 31ని సెట్స్ పైకి తీసుకెళ్లేందుకు రెడీ అవుతున్నాడు ప్రశాంత్ నీల్. తాజాగా ఈ సినిమాలో హీరోయిన్ ఫైనల్ అయినట్టు తెలుస్తోంది. పాన్ ఇండియా ప్రాజెక్ట్ కావడంతో బాలీవుడ్ బ్యూటీని తీసుకునే ఆలోచనలో ఉన్నాడట ప్రశాంత్ నీల్. ఈ క్రమంలో ప్రభాస్ బ్యూటీ పరిశీలనలో ఉన్నట్టు తెలుస్తోంది. గతంలో సాహో సినిమాతో తెలుగులోకి ఎంట్రీ ఇచ్చింది బాలీవుడ్ బ్యూటీ శ్రద్ధా కపూర్. ఆ తర్వాత మరో తెలుగు సినిమా చేయలేదు ఈ అమ్మడు.
అయితే ఇప్పుడు ఎన్టీఆర్31లో ఈమె పేరు వినిపిస్తోంది. త్వరలోనే ఈ విషయంలో క్లారిటీ వచ్చే ఛాన్స్ ఉందంటున్నారు. ఇక ఎన్టీఆర్-కొరటాల సినిమాలో కూడా బాలీవుడ్ బ్యూటీనే తీసుకోనున్నారని సమాచారం. హాట్ బ్యూటీ జాన్వీ కపూర్(janhvi kapoor) దాదాపుగా ఎన్టీఆర్ సరసన ఫిక్స్ అయిపోయినట్టేనని అంటున్నారు. అయితే ఇలాంటి విషయాల్లో క్లారిటీ రావాలంటే.. ముందుగా ఈ ప్రాజెక్ట్స్ సెట్స్ పైకి వెళ్లాల్సి ఉంది. అది జరిగితే ఆటోమేటిక్‌గా అన్ని వివరాలు తెయనున్నాయి. మొత్తంగా.. ఎన్టీఆర్ 30, 31 హీరోయిన్ విషయంలో మాత్రం టాక్ ఆఫ్ టౌన్‌ అవుతునే ఉన్నాయి.
ఇది కూడా చూడండి: ‘ఎన్టీఆర్(NTR)-కొరటాల(koratala)’ కథ మారిందా!?
