ఈ మధ్య వస్తున్న మీడియం రేంజ్ సినిమాలు.. బడా బడా స్టార్ హీరోల ప్రమోషన్స్‌తో ప్రేక్షకుల ముందుకొస్తున్నాయి. ఇప్పటికే ప్రభాస్, చరణ్, ఎన్టీఆర్, పవన్, మెగాస్టార్.. తమ వంతుగా చాలా సినిమాలను ప్రమోట్ చేశారు. ఐకాన్ స్టార్ అల్లు అర్జున్ కూడా అలాగే చేస్తున్నాడు. విభిన్న కథలతో సినిమాలు చేస్తూ.. హీరోగా తనకంటూ ప్రత్యేక గుర్తింపు తెచ్చుకున్నాడు శ్రీవిష్ణు. గతేడాది గాలి సంపత్, రాజ రాజ చోర, అర్జున ఫల్గుణ వంటి సినిమాలతో అలరించాడు శ్రీ విష్ణు. ఇక ఈ ఏడాది భళాతందనాన అంటూ ప్రేక్షకులను పలకరించాడు. ఇక ఇప్పుడు అల్లూరిగా పవర్ ఫుల్ పోలీస్ ఆఫీసర్‌ పాత్రతో రాబోతున్నాడు. ప్రదీప్ వర్మ దర్శకుడుగా పరిచయం అవుతున్న ఈ చిత్రం.. సెప్టెంబరు 23న రిలీజ్‌కు సిద్దమవుతోంది.
ఇప్పటికే ఈ సినిమాను జోరుగా ప్రమోషన్స్ చేస్తున్నాడు శ్రీవిష్ణు. అందులోభాగంగా పలు సెంటర్లలో పోలీస్ ఆఫీసర్స్‌ను కలసి వచ్చాడు. అలాగే న్యాచురల్ స్టార్ నాని చేతుల మీదుగా రిలీజ్ అయిన థియేట్రిక్ ట్రైలర్ ఆకట్టుకునేలా ఉంది. ఇక ఇప్పుడు గ్రాండ్‌గా ప్రీ రిలీజ్ ఈవెంట్‌ను ప్లాన్ చేస్తున్నారు. హైదరాబాద్‌లో ఈ నెల 18న అంటే.. ఆదివారం నాడు ఈ ఈవెంట్‌ జరగబోతోంది. దీనికి ఐకాన్ స్టార్ అల్లు అర్జున్ ముఖ్య అతిథిగా హాజరు కాబోతున్నట్టు తెలుస్తోంది. దీంతో అల్లూరి సినిమాపై మంచి హైప్ క్రియేట్ అయ్యే ఛాన్స్ ఉంది. మరి బన్నీ ప్రమోషన్స్‌తో శ్రీవిష్ణు ఎలాంటి విజయాన్ని విజయాన్ని అందుకుంటాడో చూడాలి.
