ఎట్టకేలకు.. యంగ్ టైగర్ ఎన్టీఆర్ అప్ కమింగ్ ఫిల్మ్‌తో టాలీవుడ్ ఎంట్రీ ఇవ్వబోతోంది హాట్ బ్యూటీ జాన్వీ కపూర్. బాలీవుడ్‌లో తనకంటూ ఓ ప్రత్యేక గుర్తింపు తెచ్చుకున్న ఈ ముద్దుగుమ్మ.. స్టార్ హీరోయిన్ స్టాటస్‌ను మాత్రం అందుకోలేకపోయింది. అయినా అమ్మడి డిమాండ్ కాస్త గట్టిగానే ఉందని తెలుస్తోంది. అదికూడా ఎన్టీఆర్ సినిమా కోసం కావడం హాట్ టాపిక్‌గా మారింది. ఎన్టీఆర్-కొరటాల శివ కాంబినేషన్‌లో తెరకెక్కుతున్నఎన్టీఆర్ 30లో జాన్వీ కపూర్‌ను హీరోయిన్‌గా కన్ఫార్మ్ చేసిన సంగతి తెలిసిందే. ఈ సినిమా కోసం బోల్డ్ బ్యూటీ భారీగా డిమాండ్ చేస్తోందని చాలా రోజులుగా ప్రచారం జరుగుతోంది. ఇక ఇక ఇప్పుడు ఫైనల్ అవడంతో.. అమ్మడిని ఎంతకు ఒప్పించారనేది ఇంట్రెస్టింగ్‌గా మారింది. గతంలో ఈ సినిమా కోసం దాదాపు 5 కోట్ల వరకు డిమాండ్ చేసిందని వార్తలొచ్చాయి. ఇప్పుడు కూడా ఇదే ఫిగర్‌ ఫిక్స్ చేశారనే టాక్ నడుస్తోంది. అయితే సౌత్ స్టార్ బ్యూటీస్ రష్మిక, పూజా హెగ్డే లాంటి ముద్దుగుమ్మలకే రెండు కోట్లకు అటుగా ఇటుగా ముట్టజెప్పుతున్నారు. అలాంటిది అరకొర క్రేజ్ ఉన్న జాన్వీకి అంతిస్తున్నారా.. అనే అనుమానం రాక మానదు. కాబట్టి జాన్వీ భారీ పారితోషికంలో నిజముందని ఖచ్చితంగా చెప్పలేం. అయితే బాలీవుడ్ స్టార్‌డమ్ ఉంది కాబట్టి.. అంత మొత్తం ఇచ్చినా ఆశ్చర్యపోనక్కర్లేదు. ఇకపోతే.. తారక్ ఆస్కార్ అవార్డ్ అందుకొని తిరిగి రాగానే.. ఎన్టీఆర్ 30 షూటింగ్ స్టార్ట్ చేయబోతున్నారు. ఈ నెలలోనే గ్రాండ్‌గా ఓపెనింగ్ కార్యక్రమం చేసి.. ఏప్రిల్‌లో సెట్స్ పైకి వెళ్లనున్నారు. ఏదేమైనా.. ఎన్టీఆర్‌తో జాన్వీ పెయిర్ ఎలా ఉంటుందో చూడాలి.
