hero nani as guest for tamil hero karthi japan movie pre release event
కోలీవుడ్ స్టార్ హీరో కార్తీ లేటెస్ట్ ఫిల్మ్ జపాన్(japan). అసలు టైటిలే డిఫరెంట్ అనుకుంటే. ఈ సినిమాలో కార్తి ఇంకా చాలా డిఫరెంట్‌గా కనిపించనున్నాడు. రీసెంట్‌గా రిలీజ్ అయిన జపాన్ ట్రైలర్ అదిరిపోయింది. కార్తి కెరీర్ ల్యాండ్ మార్క్‌ 25వ చిత్రంగా జపాన్ తెరకెక్కింది. అను ఇమ్మానియేల్ హీరోయిన్‌గా నటిస్తున్న ఈ సినిమా రాజు మురుగన్ దర్శకత్వంలో తెరకెక్కింది. డ్రీమ్ వారియర్ పిక్చర్స్ సంస్థ ఈ సినిమాను చాలా గ్రాండ్‌గా నిర్మించింది. ఇప్పటికే ఈ సినిమా నుండి రిలీజ్ అయిన టీజర్, ట్రైలర్, సాంగ్స్ అదిరిపోయాయి.
దీపావళీ కానుకగా నవంబర్ 10న జపాన్ ప్రేక్షకులు ముందుకి రానుంది. ఇక రిలీజ్ డేట్ దగ్గర పడుతుండడంతో ప్రమోషన్స్ మొదలుపెట్టిన మేకర్స్.. ఈ సినిమా ప్రీ రిలీజ్ ఈవెంట్(pre release event)ను హైదరాబాద్‌లో గ్రాండ్‌గా నిర్వహించడానికి రంగం సిద్ధం చేశారు. నవంబర్ 3న జేఆర్సీ కన్వెన్షన్‌లో జపాన్ ప్రీ రిలీజ్ ఈవెంట్ జరగనున్నట్లు మేకర్స్ తెలిపారు. ఈ ఈవెంట్‌కు న్యాచురల్ స్టార్ నాని ముఖ్య అతిథిగా వస్తున్నట్లుగా తెలిపారు. ఈ సినిమా తెలుగు థియేట్రికల్ రైట్స్‌ను నాగార్జున అన్నపూర్ణ స్టూడియోస్ వారు సొంతం చేసుకున్నారు. దీంతో తెలుగులో భారీ ఎత్తున జపాన్ రిలీజ్ కాబోతోంది జపాన్. ఇక ఇప్పుడు నాని(nani) రాకతో జపాన్ పై సాలిడ్ హైప్ క్రియేట్ కానుంది. మరి ఈ సినిమాతో కార్తీ ఎలాంటి హిట్ అందుకుంటాడో చూడాలి.
ఇది కూడా చూడండి: Jawan and Skanda: ఒకే రోజు ఓటిటిలోకి వ‌చ్చిన జ‌వాన్‌, స్కంద!
