Gunasekhar's new movie 'Euphoria'
Euphoria: రుద్రమ దేవి, శాకుంతలం వంటి సినిమాలు చేసిన గుణ శేఖర్.. ఇప్పుడు యుఫోరియా అనే సినిమా ప్రకటించాడు. వాస్తవానికైతే.. గతంలో రానాతో ‘హిరణ్యకశ్యప’ అనే ఓ భారీ ఫాంటసీ మూవీ చేయాలనుకున్నాడు గుణశేఖర్. అనుష్క ప్రధాన పాత్రలో నటించిన ‘రుద్రమ దేవి’ సినిమాలో కీలక పాత్రలో నటించాడు రానా. దాంతో అప్పుడే ‘హిరణ్యకశ్యప’ చేయాలనుకున్నారు. కానీ కుదరలేదు. మధ్యలో సమంతతో శాకుంతలం సినిమా చేశాడు. కానీ ఈ సినిమా డిజాస్టర్‌గా నిలిచింది. దీంతో.. రానా, గుణ శేఖర్‌కు తెలియకుండానే హిరణ్యకశ్యప సినిమా అనౌన్స్ చేశాడు. ఈ విషయంలో గుణ శేఖర్ రానా పై ఫైర్ కూడా అయ్యాడు. కానీ ఇప్పుడు కొత్త సినిమా ప్రకటించాడు. తాజాగా త‌న కొత్త సినిమాను సోష‌ల్ మీడియా వేదికగ అనౌన్స్ చేశాడు. ఈ సినిమాకు ‘యుఫోరియా’ అనే టైటిల్‌ను ప్ర‌క‌టించారు.
చదవండి:Pushpa 2: పుష్ప 2 సెకండ్ సింగిల్ అల్లు అర్జున్, రష్మిక లుక్ అదిరిపోయింది
సొంత బ్యాన‌ర్ అయిన గుణ టీమ్‌ వ‌ర్క్స్‌పై నీలిమా గుణ ఈ చిత్రానికి నిర్మాత‌గా వ్య‌వ‌హ‌రించ‌నున్నారు. అయితే.. ఈ చిత్రానికి సంబంధించి కేవలం టైటిల్‌ను మాత్రమే ప్రకటించడం జరిగింది. న‌టీన‌టులు, ఇత‌ర సాంకేతిక నిపుణుల వివ‌రాల‌ను త్వరలోనే తెలియ‌జేస్తామ‌ని గుణశేఖర్ ప్ర‌క‌టించారు. ప్ర‌స్తుతానికి అయితే.. ఈ మూవీకి సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నట్లు తెలిపారు. త్వరలోనే షూటింగ్ మొదలు పెట్టనున్నట్లు తెలిపారు. అయితే.. యూఫోరియాను బట్టి చూస్తే, ఈ సినిమా యూత్ టార్గెట్‌గా వస్తున్నట్టుగా తెలుస్తోంది. మరి ఈ సినిమాతో గుణశేఖర్ ఎలాంటి సబ్జెక్ట్‌తో వస్తారో చూడాలి.
చదవండి:Vijay Deverakonda: విజయ్ దేవరకొండ, రష్మిక పెళ్లి? ఇది ఫిక్స్ అయిపోండి?
