Director Srinuvaitla who told how Venky movie was ready
Srinuvaitla: శ్రీను వైట్ల దర్శకత్వంలో ఓ సినిమా వస్తుందంటే కామెడీ ఏ రేంజ్‌లో ఉంటుందో ఊహించవచ్చు. మంచి కమర్షల్ కథకు తనదైన శైలీ కామెడీ సీన్స్ బలంగా ఉంటాయి. అందుకే ఆయన డైరెక్షన్‌లో వచ్చిన దుబాయ్ శ్రీను, వెంకీ, దూకుడు ఆ రేంజ్‌లో హిట్ అయ్యాయి. అయితే రవితేజ, శ్రీను వైట్ల కాాంబినేషన్ అనగానే అందరికీ గుర్తుకు వచ్చేది వెంకీ చిత్రం. ఇప్పటికీ ఆ సినిమాలోని సీన్లు, మీమ్స్ రూపంలో అందరిని అలరిస్తాయి. మరీ అలాంటి కథ రాయడానికి వెనుక జరిగిన ఓ సంఘటనను డైరెక్టర్ తాజాగా వెల్లడించారు. ఓ ఇంటర్వ్యూలో మాట్లాడుతూ.. రవితేజతో సినిమా చేయాలి అనుకొని ఓ కథ రాసుకున్నాను, దాన్ని ఆయనకు వినిపించాను. కథ బాగుంది కానీ ఓ మంచి కామెడీ చిత్రం చేయాలని ఉంది రవి చెప్పారు. ఆ సమయంలో ఓ కథకోసం ఆలోచనలో పడినట్లు శ్రీను వైట్ల వెల్లడించారు.
చదవండి:Titanic : వేలంలో ఆ టైటానిక్ తలుపును ఎంతకొన్నారో తెలిస్తే షాకే!
ఆ సమయంలో తాను ఎక్కువగా కాకినాడకీ, చెన్నైకి ట్రైన్ లో తిరుగుతూ ఉండేవాడట. అలా ఒకసారి ప్రయాణం చేస్తున్నప్పుడు, ట్రైన్‌లో ఒక అల్లరి జరిగింది. దాంతో ఆయనకు ఒక పాయింట్ తట్టినట్లు చెప్పారు. ఇక దాని చుట్టూ తిరిగే కథను రెడీ చేయాలని, వీలైనంత ఎక్కువ కామెడీ ఉండేలా చూసుకోవాలని ఫిక్స్ అయినట్లు తెలిపారు. మొత్తానికి వెంకీ కథను రెడీ చేసి రవితేజకి చెబితే చాలా బాగుందని అన్నాడు. దానికి వెంకీ అనే టైటిల్ బాగుంటుందని అదే ఫిక్స్ చేశామని తెలిపారు. అదే సమయంలో నిర్మాత పూర్ణచంద్రరావుతో కథ చెప్పడం వెంటనే ఆయన ఒప్పుకోవడంతో కథ పట్టాలెక్కింది. ఇక హీరోయిన్‌గా ముందు ఆసీన్‌ను అనుకున్నారని, ఆ సమయంలో ఆమె డేట్స్ దొరకపోవడంతో స్నేహను తీసుకున్నట్లు వెల్లడించారు.
చదవండి:Tiilu Square Trailer: ప్రతిసారి ఎక్కడ పడతావ్ రా ఇలాంటి జంబల్ హాట్ లేడీస్ని!
