మెగా స్టార్ కొత్త చిత్రం భోళా శంకర్. ప్రేక్షకుల ముందుకు రావడానికి రెడీ అవుతున్న ఈ సినిమాకి మెహర్ రమేష్ దర్శకత్వం వహిస్తున్నారు. మరో వైపు సూపర్ స్టార్ రజినీ కాంత్ హీరోగా వస్తున్న చిత్రం జైలర్. ఈ మూవీకి నెల్సన్ దిలీప్ కుమార్ దర్శకత్వం వహిస్తున్నారు. ఈ రెండు మూవీల కోసం ఫ్యాన్స్ ఎంతో ఆసక్తిగా ఎదురు చూస్తున్నారు. అయితే, ఈ రెండు సినిమాలు ప్రస్తుతం ఒకేలాంటి సవాళ్లు ఎదుర్కోవడం గమనార్హం.
చదవండి: Kangana Ranaut: డబ్బుల కోసమే పెళ్లి.. అలియా, రణ్‌బీర్ పై కంగనా షాకింగ్ కామెంట్స్
ఈ సినిమాల చుట్టూ బజ్ లేకపోవడం బలహీనమైన ప్రమోషన్ ప్రయత్నాలకు కారణమని చెప్పవచ్చు. కొన్ని పాటలను విడుదల చేసినప్పటికీ, చిరంజీవి, రజనీకాంత్ అభిమానుల దృష్టిని ఆకర్షించడానికి సినిమాలు చాలా కష్టపడటం గమనార్హం. ఈ విషయంలో అభిమానులు నిరుత్సాహాన్ని వ్యక్తం చేశారు. ఎప్పుడు ప్రమోషన్స్ మొదలుపెడతారా అని ఫ్యాన్స్ ఎదురుచూస్తూ ఉండటం విశేషం. ఈ సినిమాల విషయంలో డైరెక్టర్లు చాలా కాన్ఫిడెంట్ గా ఉన్నారు. మరి ఈ రెండు సినిమాలు ప్రేక్షకుల ముందుకు వచ్చిన తర్వాత ఎలాంటి ఫలితాన్ని ఇస్తాయో చూడాలి.
